헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 29)

καὶ ἐπειδὴ παρεγένετο, μεταστῆναι κελεύσασα τοὺσ ἔνδον, ἵνα μόνη διαλεχθείη πρὸσ μόνον, Ἆρ’, ἔφησεν, ὦ Ταρκύνιε, μετὰ παρρησίασ ἔξεστί μοι καὶ ἀκινδύνωσ ἅπαντα εἰπεῖν, ὅσα φρονῶ περὶ τῶν κοινῇ συμφερόντων, καὶ καθέξεισ οὓσ ἂν ἀκούσῃσ λόγουσ; ἢ σιωπᾶν ἄμεινόν ἐστί μοι καὶ μὴ φέρειν εἰσ μέσον βουλὰσ ἀπορρήτουσ; κελεύσαντοσ δὲ τοῦ Ταρκυνίου λέγειν, ὅ τι βούλεται, καὶ περὶ τοῦ καθέξειν ἐν ἑαυτῷ τοὺσ λόγουσ πίστεισ ἐπιθέντοσ δι’ ὁρ́κων, οὓσ ἐκείνη προῃρεῖτο, οὐδὲν ἔτι αἰσχυνθεῖσα λέγει πρὸσ αὐτόν·

μέχρι τίνοσ, ὦ Ταρκύνιε, τῆσ βασιλείασ ἀποστερούμενοσ ἀνέχεσθαι διανοῇ;

πότερον ἐκ ταπεινῶν καὶ ἀσήμων ἔφυσ προγόνων καὶ διὰ τοῦτ’ οὐκ ἀξιοῖσ ἐπὶ σεαυτῷ μέγα φρονεῖν; ἀλλὰ πάντεσ ἴσασιν, ὅτι τοῖσ μὲν ἀρχαίοισ ὑμῶν προγόνοισ Ἕλλησιν οὖσι καὶ ἀφ’ Ἡρακλέουσ γεγονόσι τῆσ εὐδαίμονοσ ἄρξαι Κορίνθου τὴν αὐτοκράτορα ὑπῆρξεν ἀρχὴν ἐπὶ πολλάσ, ὡσ ἀκούω, γενεάσ· τῷ δὲ πάππῳ σου Ταρκυνίῳ μεταθεμένῳ τὴν οἴκησιν ἐκ Τυρρηνῶν ταύτησ βασιλεῦσαι τῆσ πόλεωσ ἐξεγένετο δι’ ἀρετήν· οὗ σὺ κληρονομεῖν οὐ μόνον τῶν χρημάτων, ἀλλὰ καὶ τῆσ βασιλείασ ὀφείλεισ πρεσβύτεροσ υἱωνὸσ ὤν. ἢ σώματοσ οὐκ ἔτυχεσ ἱκανοῦ πράττειν, ὅσα βασιλεῖ προσῆκε, δι’ ἀσθένειάν τε καὶ ἀμορφίαν;

ἀλλὰ σοί γε καὶ ῥώμη πάρεστιν, οἱά τοῖσ κράτιστα πεφυκόσι, καὶ μορφὴ τοῦ βασιλείου γένουσ ἀξία.

ἢ τούτων μὲν οὐδέτερον, ἡ δ’ ἀσθενὴσ ἔτι καὶ πολὺ ἀπέχουσα τοῦ φρονεῖν τὰ προσήκοντα νεότησ μεθέλκει σε, δι’ ἣν οὐκ ἀξιοῖσ τὰ πολιτικὰ πράττειν, ὃσ οὐ πολλοῖσ ἀποδεῖσ ἔτεσι πεντηκονταέτησ εἶναι; κράτιστα δ’ ἄνθρωποι πεφύκασι φρονεῖν οἱ περὶ ταύτην μάλιστα γενόμενοι τὴν ἡλικίαν. φέρε, ἀλλ’ ἡ τοῦ κατέχοντοσ τὰ πράγματα εὐγένεια καὶ ἡ πρὸσ τοὺσ κρατίστουσ τῶν πολιτῶν ἐπιτηδειότησ, δι’ ἣν οὐκ εὐεπιχείρητόσ ἐστιν, ἀνέχεσθαί σε ἀναγκάζει;

ἀλλὰ καὶ ταῦτ’ ἀμφότερα κακῶσ ἔχοντα αὐτῷ τυγχάνει καὶ οὐδὲ αὐτὸσ αὐτά γε ἀγνοεῖσ. βασιλεύειν μέλλοντι δεῖ.

ὑπάρχει δέ σοι καὶ πλοῦτοσ ἱκανὸσ καὶ φίλοι πολλοὶ καὶ ἄλλαι πρὸσ τὰ πράγματ’ ἀφορμαὶ πολλαὶ καὶ μεγάλαι. τί οὖν ἔτι μέλλεισ καὶ τὸν αὐτόματον ἐκδέχῃ καιρόν, ὃσ ἥξει σοι φέρων τὴν βασιλείαν μηδὲν εἰσ τοῦτο πραγματευσαμένῳ, μετὰ τὴν τοῦ Τυλλίου δήπου τελευτήν;

ὥσπερ ἀναμενούσησ τῆσ τύχησ τὰσ ἀνθρωπίνασ μελλήσεισ, ἢ τῆσ φύσεωσ ἡμῶν τὰσ καθ’ ἡλικίαν ἑκάστῳ τελευτὰσ φερούσησ, ἀλλ’ οὐκ ἐν ἀδήλῳ καὶ δυστεκμάρτῳ τέλει πάντων τῶν ἀνθρωπίνων πραγμάτων κειμένων. ἐρῶ δὴ μετὰ παρρησίασ, καὶ εἴ με φήσεισ θρασεῖαν, τὸ δοκοῦν αἴτιον εἶναί μοι τοῦ μηδεμιᾶσ ὀρέγεσθαί σε μήτε φιλοτιμίασ μήτε δόξησ.

γυνή σοι σύνεστι μηδὲν ἐοικυῖα τοῖσ σοῖσ τρόποισ, ἥ σε κηλοῦσα καὶ κατᾴδουσα μαλθακὸν ἀποδέδωκε, καὶ λήσεισ ὑπ’ αὐτῆσ γενόμενοσ ἐξ ἀνδρὸσ τὸ μηδέν· ἀνδρὸσ ἀνήρ, ὅσ με ταπεινὴν ποιεῖ μεγάλων οὖσαν ἀξίαν καὶ καλὴν τὸ σῶμα, μαρανθεῖσαν δ’ ὑπ’ αὐτοῦ.

εἰ δ’ ἐξεγένετο σοί τε λαβεῖν ἐμὲ γυναῖκα κἀμὲ σοῦ τυχεῖν ἀνδρόσ, οὐκ ἂν ἐν ἰδιώτῃ βίῳ τοσοῦτον διεζήσαμεν χρόνον.

τί οὖν οὐκ ἐπανορθούμεθα τὸ τῆσ τύχησ ἐλάττωμα ἡμεῖσ μεταθέμενοι τοὺσ γάμουσ, καὶ σὺ μὲν ἀπαλλάττεισ τοῦ βίου τὴν σαυτοῦ γυναῖκα, ἐγὼ δὲ ταὐτὸ διαθήσομαι τὸν ἐμὸν ἄνδρα; ὅταν δὲ τούτων διαχειρισθέντων συνέλθωμεν εἰσ ταὐτό, ἀσφαλῶσ ἤδη τὰ λοιπὰ βουλεύσομεν, ἐκποδῶν πεποιημένοι τὰ λυποῦντα ἡμᾶσ. καὶ γὰρ ἐὰν τἆλλα τισ ἀδικεῖν ὀκνῇ, βασιλείασ γε χάριν οὐ νέμεσισ ἅπαντα τολμᾶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 29

(디오니시오스, Antiquitates Romanae, Books IV-VI, book 4, chapter 29)

상위

목록

SEARCH

MENU NAVIGATION