헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 24)

ἵνα μήτε τὸν βασιλέα τὸν πρῶτον ἐπιχειρήσαντα τοὺσ δεδουλευκότασ ἀστοὺσ ποιεῖν μήτε τοὺσ παραδεξαμένουσ τὸν νόμον ἐν αἰτίαισ σχῇ τισ, ὡσ ῥιπτοῦντασ εἰκῆ τὰ καλά. ἐτύγχανον δὴ τοῖσ Ῥωμαίοισ αἱ τῶν θεραπόντων κτήσεισ κατὰ τοὺσ δικαιοτάτουσ γινόμεναι τρόπουσ.

ἢ γὰρ ὠνησάμενοι παρὰ τοῦ δημοσίου τοὺσ ὑπὸ δόρυ πωλουμένουσ ἐκ τῶν λαφύρων, ἢ τοῦ στρατηγοῦ συγχωρήσαντοσ ἅμα ταῖσ ἄλλαισ ὠφελείαισ καὶ τοὺσ δορυαλώτουσ τοῖσ λαβοῦσιν ἔχειν ἢ πριαμένοισ παρ’ ἑτέρων κατὰ τοὺσ αὐτοὺσ τρόπουσ κυρίων γενομένων ἐκέκτηντο τοὺσ δούλουσ. πριαμένουσ ἀμφότερα ταῦτα παρὰ τῶν δεσποτῶν ὑπάρξει.

ἐτύγχανον δὲ τῆσ ἐλευθερίασ οἱ μὲν πλεῖστοι προῖκα διὰ καλοκἀγαθίαν·

καὶ κράτιστοσ ἀπαλλαγῆσ δεσποτῶν τρόποσ οὗτοσ ἦν· ὀλίγοι δέ τινεσ λύτρα κατατιθέντεσ ἐξ ὁσίων καὶ δικαίων ἐργασιῶν συναχθέντα. τὴν ἐλευθερίαν καὶ εὐθύσ εἰσι Ῥωμαῖοι·

οἱ δὲ συνίστορεσ καὶ συνεργοὶ τοῖσ δεσπόταισ γενόμενοι φαρμακειῶν καὶ ἀνδροφονιῶν καὶ τῶν εἰσ θεοὺσ ἢ τὸ κοινὸν ἀδικημάτων ταύτασ φέρονται παρ’ αὐτῶν τὰσ χάριτασ·

οἱ δ’ ἵνα τὸν δημοσίᾳ διδόμενον σῖτον λαμβάνοντεσ κατὰ μῆνα καὶ εἴ τισ ἄλλη παρὰ τῶν ἡγουμένων γίγνοιτο τοῖσ ἀπόροισ τῶν πολιτῶν φιλανθρωπία φέρωσι τοῖσ δεδωκόσι τὴν ἐλευθερίαν· οἱ δὲ διὰ κουφότητα τῶν δεσποτῶν καὶ κενὴν δοξοκοπίαν. ἔγωγ’ οὖν ἐπίσταμαί τινασ ἅπασι τοῖσ δούλοισ συγκεχωρηκότασ εἶναι ἐλευθέροισ μετὰ τὰσ ἑαυτῶν τελευτάσ, ἵνα χρηστοὶ καλῶνται νεκροὶ καὶ πολλοὶ ταῖσ κλίναισ αὐτῶν ἐκκομιζομέναισ παρακολουθῶσι τοὺσ πίλουσ ἔχοντεσ ἐπὶ ταῖσ κεφαλαῖσ·

ἐν οἷσ ἐπόμπευόν τινεσ, ὡσ ἦν παρὰ τῶν ἐπισταμένων ἀκούειν, ἐκ τῶν δεσμωτηρίων ἐξεληλυθότεσ ἀρτίωσ κακοῦργοι μυρίων ἄξια διαπεπραγμένοι θανάτων. οὐ πρέπον ἡγεμονικῇ πόλει καὶ παντὸσ ἄρχειν ἀξιούσῃ τόπου τοιούτουσ ποιεῖσθαι πολίτασ.

ἔχοι δ’ ἄν τισ πολλὰ καὶ ἄλλα διαβαλεῖν ἔθη καλῶσ μὲν ὑπὸ τῶν ἀρχαίων ἐπινοηθέντα, κακῶσ δ’ ὑπὸ τῶν νῦν ἐπιτριβόμενα.

ἐγὼ δὲ τὸν νόμον τοῦτον οὐκ οἰόμαι δεῖν ἀναιρεῖν, μή τι μεῖζον ἐκραγῇ τῷ κοινῷ δι’ αὐτοῦ κακόν· ἐπανορθοῦσθαι μέντοι φημὶ δεῖν τὰ δυνατὰ καὶ μὴ περιορᾶν ὀνείδη μεγάλα καὶ ῥύπουσ δυσεκκαθάρτουσ εἰσ τὴν πολιτείαν εἰσαγομένουσ. καὶ μάλιστα μὲν τοὺσ τιμητὰσ ἀξιώσαιμ’ ἂν τούτου τοῦ μέρουσ προνοεῖν·

εἰ δὲ μή γε, τοὺσ ὑπάτουσ· δεῖ γὰρ ἀρχῆσ τινοσ μεγάλησ· οἳ τοὺσ καθ’ ἕκαστον ἐνιαυτὸν ἐλευθέρουσ γινομένουσ ἐξετάσουσι, τίνεσ ὄντεσ καὶ διὰ τί καὶ πῶσ ἠλευθερώθησαν, ὥσπερ γε τοὺσ τῶν ἱππέων καὶ τοὺσ τῶν βουλευτῶν βίουσ ἐξετάζουσιν· ἔπειθ’ οὓσ μὲν ἂν εὑρ́ωσιν ἀξίουσ τῆσ πόλεωσ ὄντασ, εἰσ φυλὰσ καταγράψουσι καὶ μένειν ἐφήσουσιν ἐν τῇ πόλει· τὸ δὲ μιαρὸν καὶ ἀκάθαρτον φῦλον ἐκβαλοῦσιν ἐκ τῆσ πόλεωσ εὐπρεπὲσ ὄνομα τῷ πράγματι τιθέντεσ, ἀποικίαν.

ταῦτα μὲν οὖν τῆσ ὑποθέσεωσ ἀπαιτούσησ ἀναγκαῖόν τε καὶ δίκαιον ἔδοξεν εἶναί μοι πρὸσ τοὺσ ἐπιτιμῶντασ τοῖσ Ῥωμαίων ἔθεσιν εἰπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 24

(디오니시오스, Antiquitates Romanae, Books IV-VI, book 4, chapter 24)

상위

목록

SEARCH

MENU NAVIGATION