헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 15)

διεῖλε δὲ καὶ τὴν χώραν ἅπασαν, ὡσ μὲν Φάβιόσ φησιν, εἰσ μοίρασ ἕξ τε καὶ εἴκοσιν, ἃσ καὶ αὐτὰσ καλεῖ φυλὰσ καὶ τὰσ ἀστικὰσ προστιθεὶσ αὐταῖσ τέτταρασ· ὡσ δὲ Οὐεννώνιοσ ἱστόρηκεν, εἰσ μίαν τε καὶ τριάκοντα, ὥστε σὺν ταῖσ κατὰ πόλιν οὔσαισ ἐκπεπληρῶσθαι τὰσ ἔτι καὶ εἰσ ἡμᾶσ ὑπαρχούσασ τριάκοντα καὶ πέντε φυλάσ· ἀξιοπιστότεροσ ὢν τριάκοντα φυλὰσ ἐπὶ Τυλλίου τὰσ πάσασ γενέσθαι λέγει καὶ οὐ χωρίζει τῶν μοιρῶν τὸν ἀριθμόν.

διελὼν δ’ οὖν ὁ Τύλλιοσ εἰσ ὁπόσασ δήποτε μοίρασ τὴν γῆν κατὰ τοὺσ ὀρεινοὺσ καὶ πολὺ τὸ ἀσφαλὲσ τοῖσ γεωργοῖσ παρέχειν δυνησομένοῦσ ὄχθουσ κρησφύγετα κατεσκεύασεν, Ἑλληνικοῖσ ὀνόμασιν αὐτὰ καλῶν Πάγουσ, ἔνθα συνέφευγον ἐκ τῶν ἀγρῶν ἅπαντεσ, ὁπότε γένοιτο πολεμίων ἔφοδοσ, καὶ τὰ πολλὰ διενυκτέρευον ἐνταῦθα.

ἄρχοντεσ δὲ καὶ τούτων ἦσαν, οἷσ ἐπιμελὲσ ἐγίνετο τά τ’ ὀνόματα τῶν γεωργῶν εἰδέναι τῶν συντελούντων εἰσ τὸν αὐτὸν πάγον, καὶ τὰσ κτήσεισ, ἐν αἷσ ὁ βίοσ αὐτῶν ἦν·

καὶ ὁπότε χρεία γένοιτο ἐπὶ τὰ ὅπλα τοὺσ χωρίτασ καλεῖν ἢ χρημάτων εἰσφορὰσ κατ’ ἄνδρα ἐκλέγειν, οὗτοι τά τε σώματα συνῆγον καὶ τὰ χρήματα εἰσέπραττον. ἵνα δὲ καὶ τούτων ἡ πληθὺσ μὴ δυσεύρετοσ, ἀλλ’ εὐλόγιστοσ ᾖ καὶ φανερά, βωμοὺσ ἐκέλευσεν αὐτοῖσ ἱδρύσασθαι θεῶν ἐπισκόπων τε καὶ φυλάκων τοῦ πάγου, οὓσ ἔταξε θυσίαισ κοιναῖσ γεραίρειν καθ’ ἕκαστον ἐνιαυτὸν ἅμα συνερχομένουσ, ἑορτήν τινα καὶ ταύτην ἐν τοῖσ πάνυ τιμίαν καταστησάμενοσ, τὰ καλούμενα Παγανάλια· καὶ νόμουσ ὑπὲρ τῶν ἱερῶν τούτων, οὓσ ἔτι διὰ φυλακῆσ ἔχουσι Ῥωμαῖοι, συνέγραψεν.

εἰσ δὲ τὴν θυσίαν ταύτην καὶ τὴν σύνοδον ἅπαντασ ἐκέλευσε τοὺσ ὁμοπάγουσ κατὰ κεφαλὴν ὡρισμένον νόμισμά τι συνεισφέρειν, ἕτερον μέν τι τοὺσ ἄνδρασ, ἕτερον δέ τι τὰσ γυναῖκασ, ἄλλο δέ τι τοὺσ ἀνήβουσ.

ἐξ οὗ συναριθμηθέντοσ ὑπὸ τῶν ἐφεστηκότων τοῖσ ἱεροῖσ φανερὸσ ὁ τῶν ἀνθρώπων ἀριθμὸσ ἐγίνετο κατὰ γένη τε καὶ καθ’ ἡλίκίασ. ὡσ δὲ Πείσων Λεύκιοσ ἐν τῇ πρώτῃ τῶν ἐνιαυσίων ἀναγραφῶν ἱστορεῖ, βουλόμενοσ καὶ τῶν ἐν ἄστει διατριβόντων τὸ πλῆθοσ εἰδέναι, τῶν τε γεννωμένων καὶ τῶν ἀπογινομένων καὶ τῶν εἰσ ἄνδρασ ἐγγραφομένων, ἔταξεν ὅσον ἔδει νόμισμα καταφέρειν ὑπὲρ ἑκάστου τοὺσ προσήκοντασ, εἰσ μὲν τὸν τῆσ Εἰλειθυίασ θησαυρόν, ἣν Ῥωμαῖοι καλοῦσιν Ἥραν φωσφόρον, ὑπὲρ τῶν γεννωμένων·

εἰσ δὲ τὸν τῆσ Ἀφροδίτησ τῆσ ἐν ἄλσει καθιδρυμένησ, ἣν προσαγορεύουσι Λιβιτίνην, ὑπὲρ τῶν ἀπογινομένων·

εἰσ δὲ τὸν τῆσ Νεότητοσ, ὑπὲρ τῶν εἰσ ἄνδρασ ἀρχομένων συντελεῖν· ἐξ ὧν ἤμελλε διαγνώσεσθαι καθ’ ἕκαστον ἐνιαυτόν, ὅσοι τε οἱ σύμπαντεσ ἦσαν καὶ τίνεσ ἐξ αὐτῶν τὴν στρατεύσιμον ἡλικίαν εἶχον. ταῦτα καταστησάμενοσ ἐκέλευσεν ἅπαντασ Ῥωμαίουσ ἀπογράφεσθαί τε καὶ τιμᾶσθαι τὰσ οὐσίασ πρὸσ ἀργύριον ὀμόσαντασ τὸν νόμιμον ὁρ́κον, ἦ μὲν τἀληθῆ καὶ ἀπὸ παντὸσ τοῦ βελτίστου τετιμῆσθαι, πατέρων τε ὧν εἰσι γράφοντασ καὶ ἡλικίαν ἣν ἔχουσι δηλοῦντασ γυναῖκάσ τε καὶ παῖδασ ὀνομάζοντασ καὶ ἐν τίνι κατοικοῦσιν ἕκαστοι τῆσ πόλεωσ φυλῇ ἢ πάγῳ τῆσ χώρασ προστιθέντασ·

τῷ δὲ μὴ τιμησαμένῳ τιμωρίαν ὡρ́ισε τῆσ τ’ οὐσίασ στέρεσθαι καὶ αὐτὸν μαστιγωθέντα πραθῆναι· καὶ μέχρι πολλοῦ διέμεινε παρὰ Ῥωμαίοισ οὗτοσ ὁ νόμοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 15

(디오니시오스, Antiquitates Romanae, Books IV-VI, book 4, chapter 15)

상위

목록

SEARCH

MENU NAVIGATION