헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 11)

οὐκέτι μοι περὶ τῶν Ταρκυνίου παίδων μόνον ὁ κίνδυνόσ ἐστιν, ἵνα μηδὲν ὑπὸ τῶν ἐχθρῶν δεινὸν πάθωσιν, ἀλλ’ ἤδη καὶ περὶ τῆσ ἐμῆσ ψυχῆσ δέοσ εἰσέρχεται, μὴ πικρὰσ ἀμοιβὰσ τῆσ δικαιοσύνησ ἀπολάβω. ἐπιβουλεύομαι γὰρ ὑπὸ τῶν πατρικίων, καὶ μεμήνυνταί μοι τινὲσ ἐξ αὐτῶν ἀποκτεῖναί με συνομνύμενοι ἀδίκημα μὲν οὐδὲν οὔτε μεῖζον οὔτ’ ἔλαττον ἔχοντεσ ἐγκαλεῖν, ὧν δὲ τὸν δῆμον εὖ πεποίηκα καὶ παρεσκεύασμαι ποιεῖν ἀχθόμενοί τε καὶ ἀναξιοπαθοῦντεσ·

οἱ δανεισταὶ μὲν ὅτι τοὺσ πένητασ ὑμῶν οὐκ εἰάσα τὴν ἐλευθερίαν ἀφαιρεθῆναι πρὸσ τὰ χρέα ὑπ’ αὐτῶν ἀχθέντασ·

οἱ δὲ κατανοσφιζόμενοι τὰ δημόσια καὶ κατέχοντεσ, ἣν ὑμεῖσ δι’ αἵματοσ ἐκτήσασθε γῆν ἐκλιπεῖν ἀναγκαζόμενοι, ὥσπερ τὰ πατρῷα ἀποστερούμενοι καὶ οὐ τἀλλότρια ἀποδιδόντεσ· οἱ δ’ ἀνειμένοι τῶν εἰσφορῶν τῶν εἰσ τοὺσ πολέμουσ, εἰ τιμήσασθαι τοὺσ βίουσ ἀναγκασθήσονται καὶ ἀπὸ τῶν τιμημάτων τὰσ εἰσφορὰσ συνεισφέρειν· κοινῇ δὲ σύμπαντεσ, ὅτι κατὰ νόμουσ γεγραμμένουσ ἐθισθήσονται ζῆν τὰ δίκαια ἐξ ἴσου διδόντεσ ὑμῖν καὶ λαμβάνοντεσ, ἀλλ’ οὐχ ὥσπερ ἀργυρωνήτοισ παραχρήσονται τοῖσ πένησιν, ὃ ποιοῦσι νῦν.

καὶ ταῦτα δὴ τὰ ἐγκλήματα συνενέγκαντεσ εἰσ τὸ κοινὸν βεβούλευνταί τε καὶ συνομωμόκασι κατάγειν τοὺσ φυγάδασ καὶ τοῖσ Μαρκίου παισὶ τὴν βασιλείαν ἀποδιδόναι, οὓσ ὑμεῖσ Ταρκύνιον ἀποκτείναντασ τὸν βασιλέα ὑμῶν ἄνδρα χρηστὸν καὶ φιλόπολιν καὶ τηλικοῦτο διαπραξαμένουσ ἄγοσ τάσ τε δίκασ ἐρήμουσ ἐκλιπόντασ καὶ φυγῆσ ἑαυτοῖσ τιμησαμένουσ πυρὸσ καὶ ὕδατοσ εἴργειν ἐψηφίσασθε·

ἔμελλόν τ’, εἰ μὴ θᾶττον ἐμοὶ περὶ τούτων ἐγένετο μήνυσισ, ξενικὴν δύναμιν ἐπαγόμενοι νυκτὸσ ἔτι πολλὴν κατάγειν εἰσ τὴν πόλιν τοὺσ φυγάδασ. τὰ μετὰ ταῦτα πάντεσ ἴστε δήπου, κἂν ἐγὼ μὴ λέγω, ὅτι Μάρκιοι συλλαμβανόντων αὐτοῖσ τῶν πατρικίων κατασχόντεσ τὰ πράγματα δίχα πόνου, πρῶτον μὲν ἐμὲ τὸν φύλακα τῶν βασιλέων καὶ τὰσ κατ’ αὐτῶν ἐπιτελεσάμενον δίκασ ἔμελλον ἀναρπάσεσθαι, ἔπειτα ταυτὶ τὰ παιδία καὶ τοὺσ ἄλλουσ συγγενεῖσ τε καὶ φίλουσ Ταρκυνίου πάντασ ἀρεῖσθαι·

γυναῖκασ δ’ ἡμῶν καὶ μητέρασ καὶ θυγατέρασ καὶ πᾶν τὸ θῆλυ γένοσ ἐν ἀνδραπόδων ποιήσασθαι λόγῳ, πολὺ τὸ θηριῶδεσ ἔχοντεσ ἐν τῇ φύσει καὶ τυραννικόν.

εἰ μὲν οὖν καὶ ὑμῖν ταῦτα βουλομένοισ ἐστίν, ὦ δημόται, τοὺσ μὲν ἀνδροφόνουσ κατάγειν καὶ βασιλεῖσ ἀποδεικνύναι, τοὺσ δὲ τῶν εὐεργετῶν παῖδασ ἐξελαύνειν καὶ τὴν ὑπὸ τοῦ πάππου καταλειφθεῖσαν ἀρχὴν ἀφαιρεῖσθαι, στέρξομεν τὴν τύχην. δέ, ὧν αὐτὸσ ἐγὼ κατὰ τὴν ἐμαυτοῦ δύναμιν ἐγενόμην ὑμῖν χρήσιμοσ, ἀξιοῦμεν ὑμᾶσ μίαν ἡμῖν δοῦναι ταύτην δωρεάν, φανερὰν ποιῆσαι τὴν ὑμῶν αὐτῶν γνώμην.

εἰ γὰρ ἑτέρουσ τινὰσ ἀξιονικοτέρουσ ἡμῶν ὑπειλήφατε εἶναι ταύτησ τῆσ τιμῆσ τυγχάνειν, τὰ μὲν παιδία οἰχήσεται τὴν πόλιν ὑμῖν καταλιπόντα καὶ ἡ ἄλλη Ταρκυνίου συγγένεια·

ἐγὼ δ’ ἕτερόν τι βουλεύσομαι γενναιότερον ὑπὲρ ἐμαυτοῦ· βεβίωται γὰρ ἤδη μοι καὶ πρὸσ ἀρετὴν καὶ πρὸσ εὐδοξίαν ἀποχρώντωσ καὶ οὐκ ἂν ἀξιώσαιμι τῆσ παρ’ ὑμῶν εὐνοίασ ψευσθείσ, ἣν ἀντὶ παντὸσ εἱλόμην ἀγαθοῦ, ζῆν αἰσχρῶσ ἐν ἄλλοισ τισί. παραλάβετε δὴ τὰσ ῥάβδουσ καὶ δότε, εἰ βούλεσθε, τοῖσ πατρικίοισ· ἐγὼ δ’ ὑμῖν οὐκ ἐνοχλήσω παρών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 11

(디오니시오스, Antiquitates Romanae, Books IV-VI, book 4, chapter 11)

상위

목록

SEARCH

MENU NAVIGATION