헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 6)

βούλομαι δ’ ἐπιστήσασ τὸν ἑξῆσ λόγον ἀποδοῦναι τὰσ αἰτίασ, δι’ ἃσ οὔτε Φαβίῳ συγκατεθέμην οὔτε τοῖσ ἄλλοισ ἱστορικοῖσ, ὅσοι γράφουσιν υἱοὺσ εἶναι τοὺσ καταλειφθέντασ παῖδασ ὑπὸ Ταρκυνίου, ἵνα μή τινεσ τῶν ἐκείναισ ἐντυχόντων ταῖσ ἱστορίαισ σχεδιάζειν με ὑπολάβωσιν οὐχ υἱοὺσ, ἀλλ’ υἱωνοὺσ αὐτοῦ γράφοντα τοὺσ παῖδασ. παντάπασι γὰρ ἀπερισκέπτωσ καὶ ῥᾳθύμωσ οἱ συγγραφεῖσ περὶ αὐτῶν ταύτην ἐξενηνόχασι τὴν ἱστορίαν οὐδὲν ἐξητακότεσ τῶν ἀναιρούντων αὐτὴν ἀδυνάτων τε καὶ ἀτόπων·

ὧν ἕκαστον ἐγὼ πειράσομαι ποιῆσαι φανερὸν δι’ ὀλίγων. Ταρκύνιοσ ἐκ Τυρρηνίασ μετανίσταται τὸν οἶκον ὅλον ἀνασκευασάμενοσ ἐν τῇ κρατίστῃ τοῦ φρονεῖν ὑπάρχων ἡλικίᾳ.

πολιτεύεσθαι γὰρ ἤδη καὶ ἄρχειν καὶ τὰ κοινὰ πράττειν ἀξιῶν παραδίδοται, καὶ τὴν ἄπαρσιν ἐκεῖθεν πεποιημένοσ διὰ τὸ μηδεμιᾶσ ἐν τῇ πόλει τιμῆσ μεταλαμβάνειν. ἕτεροσ μὲν οὖν ἄν τισ αὐτὸν ὑπέθετο καὶ τριακοστὸν ἔτοσ ἔχοντα τοὐλάχιστον, ὅτ’ ἀπῆρεν ἐκ Τυρρηνίασ·

ἀπὸ ταύτησ γὰρ οἱ νόμοι τῆσ ἡλικίασ καλοῦσιν ὡσ ἐπὶ τὸ πολὺ τοὺσ ἄρχειν τε καὶ πράττειν βουλομένουσ τὰ κοινά·

ἐγὼ δ’ ἔτι νεώτερον αὐτὸν ὑποτίθεμαι πέντε ὅλοισ ἔτεσι, καὶ ποιῶ κατὰ τὸ πέμπτον καὶ εἰκοστὸν ἔτοσ ἀπανιστάμενον. καὶ μὴν ὅτι γυναῖκα Τυρρηνίδα ἐπηγάγετο, ἣν ζῶντοσ ἔτι τοῦ πατρὸσ ἔγημεν, ἅπαντεσ ὁμολογοῦσιν οἱ τὰσ Ῥωμαϊκὰσ συγγράψαντεσ ἱστορίασ. παραγίνεται δ’ εἰσ Ῥώμην Ἄγκου Μαρκίου βασιλεύοντοσ, ὡσ μὲν Γέλλιοσ ἱστορεῖ κατὰ τὸν πρῶτον ἐνιαυτὸν τῆσ βασιλείασ, ὡσ δὲ Λικίννιοσ γράφει κατὰ τὸν ὄγδοον.

ἔστω δὴ κατὰ τοῦτον ἐληλυθὼσ τὸν ἐνιαυτόν, καθ’ ὃν γράφει Λικίννιοσ, καὶ μὴ πρότερον· ἐν ὑστέρῳ μὲν γὰρ οὐκ ἂν εἰή χρόνῳ παραγεγονώσ, εἴγε δὴ κατὰ τὸν ἔνατον ἐνιαυτὸν τῆσ Ἄγκου δυναστείασ ἱππέων ἡγούμενοσ ἐπὶ τὸν πρὸσ Λατίνουσ πόλεμον ὑπὸ τοῦ βασιλέωσ πέμπεται, ὡσ ἀμφότεροι λέγουσιν οἱ συγγραφεῖσ· εἰ δὴ παρεγένετο μὲν εἰσ Ῥώμην οὐ πλείω τῶν πέντε καὶ εἴκοσι γεγονὼσ ἐτῶν, Ἄγκῳ δὲ βασιλεῖ κατὰ τὸν ὄγδοον τῆσ ἀρχῆσ ἐνιαυτὸν φίλοσ γενόμενοσ ἑπτακαίδεκα διέτριψεν ἔτη παρ’ αὐτῷ τὰ λοιπά· τέτταρα γὰρ ἐπὶ τοῖσ εἴκοσι βεβασίλευκεν Ἄγκοσ·

ἔτη δ’ ὀκτὼ καὶ τριάκοντα τὴν βασιλείαν κατέσχεν αὐτὸσ ὡσ ἅπαντεσ ὁμολογοῦσιν, ὀγδοηκονταέτησ ἂν ἦν, ὅτ’ ἐτελεύτα. ἐκ γὰρ τοῦ συλλογισμοῦ τῶν ἐτῶν τοῦτο συνάγεται τὸ πλῆθοσ. ἡ γυνὴ δ’ εἰ πέντε ἔτεσιν ἦν αὐτοῦ νεωτέρα καθάπερ εἰκόσ, ἑβδομηκοστὸν ἂν δήπου καὶ πέμπτον εἶχεν ἔτοσ, ὅτ’ ἀπέθνησκε Ταρκύνιοσ.

εἰ δὴ τὸν νεώτερον τῶν υἱῶν ἔσχατον ἐκύησεν ἔτοσ ἔχουσα πεντηκοστόν· προσωτέρω γὰρ οὐκέτι κυΐσκεται τούτου τοῦ χρόνου γυνή, ἀλλ’ ἔστιν οὗτοσ αὐτὸσ τῶν ὠδίνων ὁ ὁρ́οσ, ὡσ οἱ ταῦτ’ ἐξητακότεσ γράφουσιν· οὗτοσ μὲν οὖν οὐκ ἂν ἐλάττω γεγονὼσ ἦν ἐτῶν πέντε καὶ εἴκοσι κατὰ τὸν τοῦ πατρὸσ θάνατον, ὁ δὲ Λεύκιοσ ὁ πρεσβύτεροσ οὐ μείων ἑπτακαιεικοσαέτουσ· οὐκ ἄρα νηπίουσ κατέλιπεν υἱοὺσ ὁ Ταρκύνιοσ ἐκ ταύτησ γεγονότασ τῆσ γυναικόσ. ἀλλὰ μὴν εἴγ’ ἀνδρῶν ἡλικίαν εἶχον οἱ παῖδεσ, ὅθ’ ὁ πατὴρ αὐτῶν ἀπέθνησκεν, οὔτ’ ἂν ἡ μήτηρ αὐτῶν οὕτωσ ἦν ἀθλία καὶ θεοβλαβήσ, ὥστ’ ἀφαιρεῖσθαι μὲν τῶν ἑαυτῆσ τέκνων ἣν κατέλιπεν αὐτοῖσ ὁ πατὴρ ἀρχήν, τῷ δ’ ἀλλοτρίῳ καὶ ἐκ δούλησ γεγονότι χαρίζεσθαι· οὔτ’ ἂν αὐτοὶ τῆσ πατρῴασ ἀρχῆσ ἀποστερούμενοι φαύλωσ καὶ ῥᾳθύμωσ τὸ ἀδίκημα ἤνεγκαν καὶ ταῦτ’ ἐν τῇ κρατίστῃ τοῦ λέγειν τε καὶ πράττειν ὄντεσ ἀκμῇ·

οὔτε γὰρ εὐγενείᾳ προεῖχεν αὐτῶν ὁ Τύλλιοσ ἐκ δούλησ μητρὸσ ὢν οὔθ’ ἡλικίασ ἀξιώματι παρὰ πολὺ διήλλαττεν, ἀλλὰ τρισὶ μόνον ἔτεσι θατέρου πρεσβύτεροσ ἦν· ὥστ’ οὐκ ἄν γε παρεχώρησαν αὐτῷ τῆσ βασιλείασ ἑκόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 6

(디오니시오스, Antiquitates Romanae, Books IV-VI, book 4, chapter 6)

상위

목록

SEARCH

MENU NAVIGATION