헬라어 문장 검색 - Διοδορ́Λιβραρψ́7́43́

(디오도로스 시켈로스, Library, book xiv, chapter 74)

διόπερ τοῖσ εὐτυχήμασι μετεωριζόμενοι τὰ πορθμεῖα συνεπλήρουν οἵ τε πρεσβύτατοι τῶν παίδων καὶ τῶν παρηκμακότων ταῖσ ἡλικίαισ οἱ μὴ τελείωσ ὑπὸ τοῦ γήρωσ καταπονούμενοι· πρὸσ δὲ τὰσ κατὰ τὸν λιμένα ναῦσ ὡσ ἔτυχε προσπλέοντεσ ἀθρόοι, τὰσ μὲν προδιεφθαρμένασ ὑπὸ τοῦ πυρὸσ διήρπαζον, ἐκλέγοντεσ τῶν χρησίμων τὰ δυνάμενα βοηθείασ τυχεῖν, τὰσ δ’ ἀκεραίουσ ἐξαπτόμενοι κατῆγον εἰσ τὴν πόλιν. οὕτωσ οὐδὲ οἱ τῶν κατὰ πόλεμον ἀφιέμενοι διὰ τὰσ ἡλικίασ καρτερεῖν ἐδύναντο, διὰ δὲ τὴν ὑπερβολὴν τῆσ χαρᾶσ ἡ φιλοτιμία τῆσ ψυχῆσ κατίσχυε τὴν ἡλικίαν.

τοῦ δὲ περὶ τὴν νίκην λόγου διαρρυέντοσ κατὰ τὴν πόλιν, τὰσ οἰκίασ ἐξέλειπον ὁμοῦ τοῖσ οἰκέταισ παῖδεσ καὶ γυναῖκεσ, καὶ πάντων σπευδόντων ἐπὶ τὰ τείχη πᾶσ τόποσ ἔγεμε τῶν θεωμένων. τούτων δ’ οἱ μὲν εἰσ τὸν οὐρανὸν τὰσ χεῖρασ ἐκτείναντεσ εὐχαρίστουν τοῖσ θεοῖσ, οἱ δὲ τῆσ τῶν ἱερῶν συλήσεωσ ἔφασαν εἰληφέναι τοὺσ βαρβάρουσ τὴν παρὰ τοῦ δαιμονίου τιμωρίαν.

ἐφαίνετο γὰρ διὰ μακροῦ θεομαχίᾳ παραπλήσιοσ ἡ θέα, τοσούτων μὲν νεῶν πυρπολουμένων, τῆσ δὲ φλογὸσ διὰ τῶν ἱστίων εἰσ ὕψοσ ἀναφερομένησ, καὶ τῶν μὲν Ἑλλήνων καθ’ ἕκαστον τῶν προτερημάτων ἐπισημαινομένων ἐξαισίῳ βοῇ, τῶν δὲ βαρβάρων διὰ τὴν ἔκπληξιν τοῦ δεινοῦ πολὺν θόρυβον καὶ κραυγὴν σύμμικτον ποιούντων.

οὐ μὴν ἀλλὰ τότε μὲν τῆσ νυκτὸσ ἐπιγενομένησ ἡ μάχη διελύθη, καὶ Διονύσιοσ ἐπεστρατοπέδευσε τοῖσ βαρβάροισ πρὸσ τὸ τοῦ Διὸσ ἱερὸν παρεμβολὴν ποιησάμενοσ.

οἱ δὲ Καρχηδόνιοι κατὰ γῆν ἅμα καὶ κατὰ θάλατταν ἡττημένοι διεπρεσβεύσαντο πρὸσ Διονύσιον λάθρᾳ τῶν Συρακοσίων·

ἠξίουν δὲ αὐτὸν ἀφιέναι τοὺσ περιλειπομένουσ εἰσ Λιβύην διακομισθῆναι, καὶ τὰ κατὰ τὴν παρεμβολὴν αὐτοῖσ ὄντα τριακόσια τάλαντα δώσειν ἐπηγγέλλοντο. ὁ δὲ Διονύσιοσ ἅπαντασ μὲν ἀδύνατον εἶναι φυγεῖν ἀπεφαίνετο, τοὺσ δὲ πολιτικοὺσ συνεχώρησε μόνουσ νυκτὸσ ἀπελθεῖν λάθρᾳ κατὰ θάλατταν·

ᾔδει γὰρ τοὺσ Συρακοσίουσ καὶ τοὺσ συμμάχουσ οὐκ ἐπιτρέψοντασ αὐτῷ περὶ τούτων συγχωρεῖν τοῖσ πολεμίοισ. ταῦτα δ’ ἔπραττεν ὁ Διονύσιοσ οὐ βουλόμενοσ τελείωσ ἀπολέσθαι τὴν τῶν Καρχηδονίων δύναμιν, ὅπωσ οἱ Συρακόσιοι διὰ τὸν ἀπὸ τούτων φόβον μηδέποτε σχολὴν λάβωσιν ἀντέχεσθαι τῆσ ἐλευθερίασ.

ὁ μὲν οὖν Διονύσιοσ συνθέμενοσ εἰσ ἡμέραν τετάρτην ὑπὸ νύκτα τὴν φυγὴν τοῖσ Καρχηδονίοισ, τὸ στρατόπεδον ἀπήγαγεν εἰσ τὴν πόλιν· ὁ δ’ Ἰμίλκων νυκτὸσ παρακομίσασ εἰσ τὴν ἀκρόπολιν τὰ τριακόσια τάλαντα παρέδωκε τοῖσ ἐν τῇ Νήσῳ τεταγμένοισ ὑπὸ τοῦ τυράννου, αὐτὸσ δ’, ἐπεὶ παρῆν ὁ συγκείμενοσ χρόνοσ, νυκτὸσ ἐπλήρωσε τετταράκοντα τριήρεισ τῶν πολιτικῶν, καὶ καταλιπὼν τὸ λοιπὸν ἅπαν στρατόπεδον ὡρ́μησε φεύγειν.

ἤδη δ’ αὐτοῦ τὸν λιμένα διεκπεπλευκότοσ ᾔσθοντό τινεσ τῶν Κορινθίων τὸν δρασμόν, καὶ ταχέωσ ἀπήγγειλαν τῷ Διονυσίῳ.

τοῦ δὲ τοὺσ στρατιώτασ τε καλοῦντοσ εἰσ τὰ ὅπλα καὶ κατὰ σχολὴν τοὺσ ἡγεμόνασ ἀθροίζοντοσ, οὐκ ἀνέμειναν αὐτὸν οἱ Κορίνθιοι, ταχὺ δ’ ἀναχθέντεσ ἐπὶ τοὺσ Καρχηδονίουσ καὶ πρὸσ ἀλλήλουσ ἐν ταῖσ εἰρεσίαισ φιλοτιμούμενοι τὰσ ἐσχάτασ Φοινίσσασ ναῦσ κατέλαβον, ἃσ τοῖσ ἐμβόλοισ συντρίψαντεσ κατέδυσαν. μετὰ δὲ ταῦτα Διονύσιοσ μὲν ἐξήγαγε τὴν δύναμιν, οἱ δὲ συμμαχοῦντεσ τοῖσ Καρχηδονίοισ Σικελοὶ φθάσαντεσ τοὺσ Συρακοσίουσ ἔφυγον διὰ τῆσ μεσογείου, καὶ σχεδὸν πάντεσ διεσώθησαν εἰσ τὰσ πατρίδασ.

καὶ Διονύσιοσ μὲν τὰσ ὁδοὺσ διαλαβὼν φυλακαῖσ ἀπήγαγε τὴν δύναμιν ἐπὶ τὴν τῶν πολεμίων στρατοπεδείαν ἔτι νυκτὸσ οὔσησ·

οἱ δὲ βάρβαροι καταλειφθέντεσ ὑπό τε τοῦ στρατηγοῦ καὶ τῶν Καρχηδονίων, ἔτι δὲ τῶν Σικελῶν, ἠθύμησαν καὶ καταπλαγέντεσ ἔφευγον. οἱ μὲν ἐν ταῖσ ὁδοῖσ ταῖσ προφυλακαῖσ ἐμπίπτοντεσ συνελαμβάνοντο, οἱ δὲ πλεῖστοι τὰ ὅπλα ῥιπτοῦντεσ συνήντων, δεόμενοι φείσασθαι τοῦ βίου·

μόνοι δὲ Ἴβηρεσ ἠθροισμένοι μετὰ τῶν ὅπλων ἐπεκηρυκεύοντο περὶ συμμαχίασ. Διονύσιοσ δὲ πρὸσ μὲν τούτουσ σπεισάμενοσ κατέταξε τοὺσ Ἴβηρασ εἰσ τοὺσ μισθοφόρουσ, τὸ δὲ λοιπὸν πλῆθοσ ἐζώγρησε καὶ τὴν λοιπὴν ἀποσκευὴν ἐφῆκε τοῖσ στρατιώταισ διαρπάσαι.

οὕτωσ μὲν οὖν τοῖσ Καρχηδονίοισ ἡ τύχη ταχεῖαν τὴν μεταβολὴν ἐποίησε, καὶ πᾶσιν ἀνθρώποισ ἔδειξεν, ὡσ οἱ μεῖζον τοῦ καθήκοντοσ ἐπαιρόμενοι ταχέωσ ἐξελέγχουσι τὴν ἰδίαν ἀσθένειαν.

ἐκεῖνοι γὰρ τῶν κατὰ Σικελίαν πόλεων σχεδὸν ἁπασῶν πλὴν Συρακουσῶν κρατοῦντεσ, καὶ ταύτην ἁλώσεσθαι προσδοκῶντεσ, ἐξαίφνησ ὑπὲρ τῆσ ἰδίασ πατρίδοσ ἀγωνιᾶν ἠναγκάσθησαν, καὶ τοὺσ τάφουσ τῶν Συρακοσίων ἀνατρέψαντεσ πεντεκαίδεκα μυριάδασ ἐπεῖδον ἀτάφουσ διὰ τὸν λοιμὸν σεσωρευμένουσ, πυρπολήσαντεσ δὲ τὴν χώραν τῶν Συρακοσίων ἐκ μεταβολῆσ εὐθὺσ εἶδον τὸν ἴδιον στόλον ἐμπυρισθέντα, εἰσ δὲ τὸν λιμένα πάσῃ τῇ δυνάμει καταπλέοντεσ ὑπερηφάνωσ, καὶ τοῖσ Συρακοσίοισ ἐπιδεικνύμενοι τὰσ ἑαυτῶν εὐτυχίασ, ἠγνόουν ἑαυτοὺσ μέλλοντασ νυκτὸσ ἀποδράσεσθαι καὶ τοὺσ συμμάχουσ ἐκδότουσ καταλιπεῖν τοῖσ πολεμίοισ.

αὐτὸσ δὲ ὁ στρατηγὸσ ὁ ποιησάμενοσ σκηνὴν μὲν τὸ τοῦ Διὸσ ἱερόν, πρόσοδον δὲ τὸν ἐκ τῶν ἱερῶν συληθέντα πλοῦτον, αἰσχρῶσ μετ’ ὀλίγων εἰσ Καρχηδόνα διέφυγεν, ὅπωσ μὴ τὸν ὀφειλόμενον τῇ φύσει θάνατον ἀποδοὺσ ἀθῷοσ γένηται τῶν ἀσεβημάτων, ἀλλ’ ἐν τῇ πατρίδι περιβόητον ἔχῃ τὸν βίον ὑπὸ πάντων ὀνειδιζόμενοσ.

εἰσ τοσοῦτο δ’ ἦλθεν ἀτυχίασ, ὥστε μετὰ τῆσ εὐτελεστάτησ ἐσθῆτοσ περιῄει τοὺσ κατὰ τὴν πόλιν ναοὺσ κατηγορῶν τῆσ ἰδίασ ἀσεβείασ καὶ περὶ τῶν εἰσ θεοὺσ ἁμαρτημάτων ὁμολογουμένην διδοὺσ τιμωρίαν τῷ δαιμονίῳ.

τὸ δὲ τέλοσ ἑαυτοῦ καταγνοὺσ θάνατον ἀπεκαρτέρησε, πολλὴν τοῖσ πολίταισ ἀπολιπὼν δεισιδαιμονίαν· εὐθὺ γὰρ καὶ τἄλλα τὰ πρὸσ τὸν πόλεμον αὐτοῖσ ἡ τύχη συνήθροισεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 74

(디오도로스 시켈로스, Library, book xiv, chapter 74)

상위

목록

SEARCH

MENU NAVIGATION