헬라어 문장 검색 - Διοδορ́Λιβραρψ́7́26́

(디오도로스 시켈로스, Library, book xiv, chapter 45)

περὶ δὲ τὸν αὐτὸν χρόνον ἀμφοτέρασ γήμασ συνεχεῖσ ἑστιάσεισ ἐποιεῖτο τῶν στρατιωτῶν καὶ τῶν πλείστων πολιτῶν· ἀπετίθετο γὰρ ἤδη τὸ πικρὸν τῆσ τυραννίδοσ, καὶ μεταβαλλόμενοσ εἰσ ἐπιείκειαν φιλανθρωπότερον ἦρχε τῶν ὑποτεταγμένων, οὔτε φονεύων οὔτε φυγάδασ ποιῶν, καθάπερ εἰώθει. μετὰ δὲ τοὺσ γάμουσ ὀλίγασ ἐπιμείνασ ἡμέρασ συνήγαγεν ἐκκλησίαν καὶ παρεκάλει τοὺσ Συρακοσίουσ πόλεμον ἐξενεγκεῖν πρὸσ τοὺσ Καρχηδονίουσ, ἀποφαίνων αὐτοὺσ καθόλου μὲν τοῖσ Ἕλλησιν ἐχθροτάτουσ ὄντασ, μάλιστα δὲ τοῖσ Σικελιώταισ διὰ παντὸσ ἐπιβουλεύοντασ.

καὶ νῦν μὲν ἐφ’ ἡσυχίασ αὐτοὺσ μένειν ἀπεδείκνυε διὰ τὸν ἐμπεσόντα λοιμόν, ὃν τοὺσ πλείστουσ τῶν κατὰ Λιβύην διεφθαρκέναι·

ἰσχύσαντασ δ’ αὐτοὺσ οὐκ ἀφέξεσθαι τῶν Σικελιωτῶν, οἷσ ἐξ ἀρχαίων ἐπιβουλεύουσιν. διὸ αἱρετώτερον νῦν εἶναι πρὸσ ἀσθενεῖσ αὐτοὺσ ὄντασ διαπολεμεῖν ἢ μετὰ ταῦτα πρὸσ ἰσχυροὺσ διαγωνίζεσθαι. ἅμα δὲ συνίστα δεινὸν εἶναι περιορᾶν τὰσ Ἑλληνίδασ πόλεισ ὑπὸ βαρβάρων καταδεδουλωμένασ, ἃσ ἐπὶ τοσοῦτον συνεπιλήψεσθαι τῶν κινδύνων, ἐφ’ ὅσον τῆσ ἐλευθερίασ τυχεῖν ἐπιθυμοῦσιν.

οὐ μὴν ἀλλὰ πολλοὺσ λόγουσ πρὸσ ταύτην τὴν προαίρεσιν διαλεχθεὶσ ταχὺ συγκαταίνουσ ἔλαβε τοὺσ Συρακοσίουσ. οὐ γὰρ ἧττον ἐκείνου τὸν πόλεμον ἔσπευδον γενέσθαι, πρῶτον μὲν μισοῦντεσ τοὺσ Καρχηδονίουσ, δι’ ἐκείνουσ ἠναγκασμένοι ποιεῖν τὸ προσταττόμενον ὑπὸ τοῦ τυράννου·

ἔπειτα δὲ καὶ τὸν Διονύσιον φιλανθρωπότερον ἑαυτοῖσ ἤλπιζον χρήσεσθαι, φοβούμενον τοὺσ πολεμίουσ καὶ τὴν ἀπὸ τῶν καταδεδουλωμένων ἐπίθεσιν· τὸ δὲ μέγιστον,ἤλπιζον ἑαυτοὺσ κυριεύσαντασ ὅπλων, ἐὰν ἡ τύχη δῷ καιρόν, ἀντιλήψεσθαι τῆσ ἐλευθερίασ. μετὰ δὲ τὴν ἐκκλησίαν, τοῦ Διονυσίου τὴν ἐξουσίαν δόντοσ, οἱ Συρακόσιοι τὰ Φοινικικὰ χρήματα διήρπασαν.

οὐκ ὀλίγοι γὰρ τῶν Καρχηδονίων ᾤκουν ἐν ταῖσ Συρακούσαισ ἁδρὰσ ἔχοντεσ κτήσεισ, πολλοὶ δὲ καὶ τῶν ἐμπόρων εἶχον ἐν τῷ λιμένι τὰσ ναῦσ γεμούσασ φορτίων, ἃ πάντα διεφόρησαν οἱ Συρακόσιοι. παραπλησίωσ δὲ καὶ οἱ λοιποὶ Σικελιῶται τοὺσ παρ’ αὐτοῖσ οἰκοῦντασ τῶν Φοινίκων ἐκβαλόντεσ τὰσ κτήσεισ διήρπασαν·

καίπερ γὰρ τὴν Διονυσίου τυραννίδα μισοῦντεσ, ὅμωσ ἡδέωσ ἐκοινώνουν τοῦ πρὸσ Καρχηδονίουσ πολέμου διὰ τὴν ὠμότητα τῶν ἀνδρῶν. ὧν δὴ χάριν καὶ οἱ τὰσ Ἑλληνίδασ πόλεισ οἰκοῦντεσ ὑπὸ Καρχηδονίουσ, ἐπειδὴ φανερῶσ ὁ Διονύσιοσ ἐξέφερε τὸν πόλεμον, ἐναπεδείξαντο τὸ πρὸσ τοὺσ Φοίνικασ μῖσοσ·

οὐ μόνον γὰρ αὐτῶν τὰσ οὐσίασ διήρπασαν, ἀλλὰ καὶ αὐτοὺσ συλλαμβάνοντεσ πᾶσαν αἰκίαν καὶ ὕβριν εἰσ τὰ σώματ’ αὐτῶν ἀπετίθεντο, μνημονεύοντεσ ὧν αὐτοὶ κατὰ τὴν αἰχμαλωσίαν ἔπαθον. ἐπὶ τοσοῦτον δὲ τῆσ κατὰ τῶν Φοινίκων τιμωρίασ προέβησαν καὶ τότε καὶ κατὰ τὸν ὕστερον χρόνον, ὥστε τοὺσ Καρχηδονίουσ διδαχθῆναι μηκέτι παρανομεῖν εἰσ τοὺσ ὑποπεσόντασ·

οὐ γὰρ ἠγνόουν, δι’ αὐτῶν τῶν ἔργων μαθόντεσ, ὅτι τοῖσ διαπολεμοῦσι κοινῆσ τῆσ τύχησ ὑπαρχούσησ ἀμφοτέρουσ κατὰ τὰσ ἥττασ τοιαῦτα ἀνάγκη πάσχειν, οἱᾶ ἂν αὐτοὶ πράξωσιν εἰσ τοὺσ ἀτυχήσαντασ. ὁ δ’ οὖν Διονύσιοσ, ἐπειδὴ πάντ’ αὐτῷ τὰ πρὸσ τὸν πόλεμον ἡτοίμαστο, διενοεῖτο πέμπειν ἀγγέλουσ εἰσ Καρχηδόνα τοὺσ ἐροῦντασ, ὅτι Συρακόσιοι καταγγέλλουσι πόλεμον Καρχηδονίοισ, ἐὰν μὴ τὰσ ὑπ’ αὐτῶν καταδεδουλωμένασ Ἑλληνίδασ πόλεισ ἐλευθερώσωσιν.

Διονύσιοσ μὲν οὖν περὶ ταῦτ’ ἐγίνετο. Κτησίασ δ’ ὁ συγγραφεὺσ τὴν τῶν Περσικῶν ἱστορίαν εἰσ τοῦτον τὸν ἐνιαυτὸν κατέστροφεν, ἀρξάμενοσ ἀπὸ Νίνου καὶ Σεμιράμεωσ.

ἤκμασαν δὲ κατὰ τοῦτον τὸν ἐνιαυτὸν οἱ ἐπισημότατοι διθυραμβοποιοί, Φιλόξενοσ Κυθήριοσ, Τιμόθεοσ Μιλήσιοσ, Τελέστησ Σελινούντιοσ, Πολύειδοσ, ὃσ καὶ ζωγραφικῆσ καὶ μουσικῆσ εἶχεν ἐμπειρίαν. τοῦ δ’ ἐνιαυσίου χρόνου διεληλυθότοσ Ἀθήνησι μὲν παρειλήφει τὴν ἀρχὴν Λυσιάδησ, ἐν δὲ τῇ Ῥώμῃ τὴν ὕπατον ἀρχὴν διῴκουν χιλίαρχοι ἕξ, Πόπλιοσ Μάλλιοσ, Πούπλιοσ Μαίλιοσ, Σπόριοσ Φούριοσ, Λεύκιοσ Πούπλιοσ.

Διονύσιοσ δ’ ὁ τῶν Συρακοσίων τύραννοσ, ἐπειδὴ πάντα τὰ πρὸσ τὸν πόλεμον αὐτῷ κατεσκεύαστο κατὰ τὴν ἰδίαν προαίρεσιν, ἐξέπεμψεν εἰσ Καρχηδόνα κήρυκα, δοὺσ ἐπιστολὴν πρὸσ τὴν γερουσίαν· ἐν ταύτῃ δὲ γεγραμμένον ἦν ὅτι Συρακοσίοισ δεδογμένον εἰή πολεμεῖν πρὸσ Καρχηδονίουσ, ἐὰν μὴ τῶν Ἑλληνίδων πόλεων ἐκχωρήσωσιν.

οὗτοσ μὲν οὖν κατὰ τὸ παραγγελθὲν πλεύσασ εἰσ Λιβύην τὴν ἐπιστολὴν ἀπέδωκε τῇ γερουσίᾳ. ἧσ ἀναγνωσθείσησ ἔν τε τῇ συγκλήτῳ καὶ μετὰ ταῦτ’ ἐν τῷ δήμῳ συνέβη τοὺσ Καρχηδονίουσ οὐ μετρίωσ ἀγωνιᾶν περὶ τοῦ πολέμου· ὅ τε γὰρ λοιμὸσ αὐτῶν παμπληθεῖσ ἀπεκτάγκει καὶ τοῖσ ὅλοισ ἦσαν ἀπαρασκεύαστοι. οὐ μὴν ἀλλ’ οὗτοι μὲν ἐκαραδόκουν τὴν τῶν Συρακοσίων προαίρεσιν, καὶ μετὰ πολλῶν χρημάτων ἀπέστειλάν τινασ τῶν ἐκ τῆσ γερουσίασ τοὺσ ξενολογήσοντασ ἀπὸ τῆσ Εὐρώπησ·

Διονύσιοσ δ’ ἀναλαβὼν τοὺσ Συρακοσίουσ καὶ τοὺσ μισθοφόρουσ, ἔτι δὲ τοὺσ συμμάχουσ, ἀνέζευξεν ἐκ Συρακουσῶν, ἐπ’ Ἔρυκοσ τὴν πορείαν ποιούμενοσ.

οὐ μακρὰν γὰρ τοῦ λόφου τούτου Μοτύη πόλισ ἦν ἄποικοσ Καρχηδονίων, ᾗ μάλιστα ἐχρῶντο κατὰ τῆσ Σικελίασ ὁρμητηρίῳ· ταύτησ γὰρ κρατήσασ ἤλπιζεν οὐκ ὀλίγα προτερήσειν τῶν πολεμίων. κατὰ δὲ τὴν ὁδοιπορίαν ἀεὶ παρελάμβανε τοὺσ ἐκ τῶν Ἑλληνίδων πόλεων, πανδημεὶ καθοπλίζων·

συνεστρατεύοντο γὰρ αὐτῷ προθύμωσ ἅπαντεσ, μισοῦντεσ μὲν τὸ βάροσ τῆσ τῶν Φοινίκων ἐπικρατείασ, ἐπιθυμοῦντεσ δὲ τυχεῖν ποτε τῆσ ἐλευθερίασ. καὶ πρώτουσ μὲν Καμαριναίουσ παρέλαβεν, εἶτα Γελῴουσ καὶ Ἀκραγαντίνουσ·

μεθ’ οὓσ Ἱμεραίουσ μετεπέμψατο, κατοικοῦντασ ἐπὶ θάτερα μέρη τῆσ Σικελίασ· Σελινουντίουσ δ’ ἐν παρόδῳ προσαγαγόμενοσ παρεγενήθη πρὸσ τὴν Μοτύην μετὰ πάσησ τῆσ δυνάμεωσ. εἶχε δὲ πεζοὺσ μὲν ὀκτακισμυρίουσ, ἱππεῖσ δὲ πολὺ πλείουσ τῶν τρισχιλίων, ναῦσ δὲ μακρὰσ οὐ πολὺ λειπούσασ τῶν διακοσίων·

συνηκολούθει δὲ καὶ φορτηγὰ πλοῖα γέμοντα πολλῶν μηχανημάτων, ἔτι δὲ τῆσ ἄλλησ χορηγίασ ἁπάσησ, ὄντα τὸν ἀριθμὸν οὐκ ἐλάττω πεντακοσίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 45

(디오도로스 시켈로스, Library, book xiv, chapter 45)

상위

목록

SEARCH

MENU NAVIGATION