호흡부호 보기
강세부호 보기
장단부호 보기
작은 Iota 보기
모든 부호 보기
κἀκεῖθεν εἰσ Κοτύωρα πόλιν παρεγενήθησαν Ἑλληνίδα, Σινωπέων ἄποικον. ἐν ταύτῃ δὲ πεντήκονθ’ ἡμέρασ διέτριψαν τοὺσ περιοίκουσ τῆσ Παφλαγονίασ τε καὶ τοὺσ ἄλλουσ βαρβάρουσ λῃστεύοντεσ. Ἡρακλεῶται δὲ καὶ Σινωπεῖσ ἀπέστειλαν αὐτοῖσ πλοῖα, δι’ ὧν αὐτοί τε καὶ τὰ σκευοφόρα διεκομίσθησαν. ἡ δὲ Σινώπη Μιλησίων μὲν ἦν ἄποικοσ, κειμένη δ’ ἐν τῇ Παφλαγονίᾳ μέγιστον εἶχεν ἀξίωμα τῶν περὶ τοὺσ τόπουσ·
ἐν ᾗ δὴ καθ’ ἡμᾶσ ἔσχε Μιθριδάτησ ὁ πρὸσ Ῥωμαίουσ διαπολεμήσασ τὰ μέγιστα βασίλεια. παρεγενήθη δὲ καὶ ἐνταῦθα Χειρίσοφοσ ὁ πρὸσ τὰσ τριήρεισ ἀπεσταλμένοσ ἄπρακτοσ.
οὐ μὴν ἀλλ’ οἱ Σινωπεῖσ φιλοφρόνωσ αὐτοὺσ ξενίσαντεσ ἀπέπεμψαν αὐτοὺσ κατὰ θάλατταν εἰσ Ἡράκλειαν, Μεγαρέων ἄποικον· καὶ καθωρμίσθη πᾶσ ὁ στόλοσ πρὸσ τὴν Ἀχερουσίαν χερρόνησον, ὅπου φασὶν Ἡρακλέα τὸν ἐξ ᾅδου Κέρβερον ἀναγαγεῖν. ἐκεῖθεν δὲ πεζῇ διὰ Βιθυνίασ πορευόμενοι κινδύνοισ περιέπιπτον, τῶν ἐγχωρίων ἐξαπτομένων κατὰ τὴν πορείαν.
μόγισ οὖν διεσώθησαν εἰσ Χρυσόπολιν τῆσ Χαλκηδονίασοἱ περιλειφθέντεσ ἀπὸ μυρίων ὀκτακισχίλιοι τριακόσιοι. ἐκεῖθεν δὲ ῥᾳδίωσ ἤδη τὸ λοιπὸν τινὲσ μὲν διεσώθησαν εἰσ τὰσ πατρίδασ, οἱ δὲ λοιποὶ περὶ τὴν Χερρόνησον ἀθροισθέντεσ ἐπόρθουν τὴν παρακειμένην Θρᾳκῶν χώραν.
ἡ μὲν οὖν ἐπ’ Ἀρταξέρξην Κύρου στρατεία τοιοῦτον ἔσχε τὸ τέλοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기