헬라어 문장 검색 - ΑτηενάΤηεΔειπ

(아테나이오스, The Deipnosophists, Book 3, book 3, chapter 99)

τούτων ὁ Μυρτίλοσ ἀκούσασ ἔφη· ἐγὼ δ’ ὢν φιλοτάριχοσ, ὦ ἑταῖροι, χιόνοσ πιεῖν βούλομαι κατὰ Σιμωνίδην. καὶ ὁ Οὐλπιανὸσ κεῖται μὲν ὁ φιλοτάριχοσ, ἔφη, παρ’ Ἀντιφάνει ἐν Ὀμφάλῃ οὕτωσ· οὐ φιλοτάριχοσ οὐδαμῶσ εἰμ’, ὦ κόρη. Ἄλεξισ δ’ ἐν Γυναικοκρατίᾳ καὶ ζωμοτάριχόν τινα κέκληκεν ἐν τούτοισ· ὁ δὲ Κίλιξ ὅδ’ Ἱπποκλῆσ, ὁ ζωμοτάριχοσ ὑποκριτήσ. τὸ δὲ κατὰ Σιμωνίδην τί ἐστιν οὐκ οἶδα. οὐ γὰρ μέλει σοι, ἔφη ὁ Μυρτίλοσ, ἱστορίασ, ὦ γάστρων. κνισολοιχὸσ γάρ τισ εἶ καὶ κατὰ τὸν Σάμιον ποιητὴν Ἄσιον τὸν παλαιὸν ἐκεῖνον κνισοκόλαξ. Καλλίστρατοσ ἐν ζ’ Συμμίκτων φησὶν ὡσ ἑστιώμενοσ παρά τισι Σιμωνίδησ ὁ ποιητὴσ ’ κραταιοῦ καύματοσ ὡρ́ᾳ καὶ τῶν οἰνοχόων τοῖσ ἄλλοισ μισγόντων εἰσ τὸ ποτὸν χιόνοσ, αὐτῷ δὲ οὔ, ἀπεσχεδίασε τόδε τὸ ἐπίγραμμα·

τὴν ῥὰ ποτ’ Οὐλύμποιο περὶ πλευρὰσ ἐκάλυψεν ὠκὺσ ἀπὸ Θρῄκησ ὀρνύμενοσ Βορέησ· ἀνδρῶν δ’ ἀχλαίνων ἔδακεν φρένασ, αὐτὰρ ἐκάμφθη ζώνη Πιερίην γῆν ἐπιεσσαμένη· ἔν τισ ἐμοὶ καὶ τῆσ χεέτω μέροσ, οὐ γὰρ ἐοίκε θερμὴν βαστάζειν ἀνδρὶ φίλῳ πρόποσιν.

πιόντοσ οὖν αὐτοῦ πάλιν ἐζήτει ὁ Οὐλπιανόσ· ποῦ κεῖται ὁ κνισολοιχὸσ καὶ τίνα ἐστὶ τὰ τοῦ Ἀσίου ἔπη τὰ περὶ τοῦ κνισοκόλακοσ; τὰ μὲν οὖν τοῦ Ἀσίου, ἔφη ὁ Μυρτίλοσ, ἔπη ταῦτ’ ἐστί· χωλόσ, στιγματίησ, πολυγήραοσ, ἶσοσ ἀλήτῃ ἦλθεν κνισοκόλαξ εὖτε Μέλησ ἐγάμει, ἄκλητοσ, ζωμοῦ κεχρημένοσ· ἐν δὲ μέσοισιν ἡρ́ωσ εἱστήκει βορβόρου ἐξαναδύσ. ὁ δὲ κνισολοιχόσ ἐστι παρὰ μὲν Σωφίλῳ ἐν Φιλάρχῳ οὕτωσ· ·

ὀψοφάγοσ εἶ καὶ κνισολοιχόσ. ἐν δὲ τοῖσ ἐπιγραφομένοισ Συντρέχουσι κνισολοιχίαν εἴρηκεν ἐν τούτοισ ὁ πορνοβοσκὸσ γὰρ μ’ ὑπὸ κνισολοιχίασ χορδὴν τιν’ αἱματῖτιν αὑτῷ σκευάσαι ἐκέλευσε ταυτηνί με. τοῦ κνισολοιχοῦ δὲ καὶ Ἀντιφάνησ μνημονεύει ἐν Βομβυλιῷ, ὅτι δὲ ἔπινον καὶ γλυκὺν οἶνον μεταξὺ ἐσθίοντεσ, Ἄλεξίσ φησιν ἐν Δρωπίδῃ·

εἰσῆλθεν ἡταίρα φέρουσα τὸν γλυκὺν ἐν ἀργυρῷ ποτηρίῳ, πετάχνῳ τινὶ ἀστειοτάτῳ τὴν ὄψιν, οὔτε τρυβλίῳ οὔτε φιάλῃ μετεῖχε δ’ ἀμφοῖν τοῖν ῥυθμοῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 3, book 3, chapter 99

(아테나이오스, The Deipnosophists, Book 3, book 3, chapter 99)

상위

목록

SEARCH

MENU NAVIGATION