Athenaeus, The Deipnosophists, Book 3, book 3, chapter 44

(아테나이오스, The Deipnosophists, Book 3, book 3, chapter 44)

Νίκανδροσ δ’ ὁ Κολοφώνιοσ ἐν Γεωργικοῖσ τάδε τῶν ὀστρέων καταλέγει· ἠὲ καὶ ὄστρεα τόσσα βυθοὺσ ἅτε βόσκεται ἅλμησ, νηρῖται στρόμβοι τε πελωριάδεσ τε μύεσ τε, γλίσχρ’ Ἁλοσύδνησ τέκνα καὶ αὐτῆσ φωλεὰ πίνησ. καὶ Ἀρχέστρατοσ δ’ ἐν Γαστρονομίᾳ φησί τοὺσ μῦσ Αἶνοσ ἔχει μεγάλουσ, ὄστρεια δ’ Ἄβυδοσ, τὰσ ἄρκτουσ Πάριον, τοὺσ δὲ κτένασ ἡ Μιτυλήνη· πλείστουσ δὲ ’ Ἀμβρακία παρέχει καὶ ἄπλατα μετ’ αὐτῶν Μεσσήνῃ δὲ πελωριάδασ στενοπορθμίδι κόγχασ κἀν Ἐφέσῳ λήψει τὰσ λείασ οὔ τι πονηράσ. τήθεα Καλχηδών, τοὺσ κήρυκασ δ’ ἐπιτρίψαι ὁ Ζεύσ, τούσ τε θαλασσογενεῖσ καὶ τοὺσ ἀγοραίουσ, πλὴν ἑνὸσ ἀνθρώπου·

κεῖνοσ δὲ μοί ἐστιν ἑταῖροσ Λέσβον ἐριστάφυλον ναίων, Ἀγάθων δὲ καλεῖται. καὶ Φιλύλλιοσ δὲ ἢ ὅστισ ἐστὶν ὁ ποιήσασ τὰσ Πόλεισ φησί· χήμασ, λεπάδασ, σωλῆνασ, μῦσ, πίννασ, κτένασ ἐκ Μηθύμνησ. Ὄστρεια δὲ μόνωσ οὕτωσ ἔλεγον οἱ ἀρχαῖοι. Κρατῖνοσ Ἀρχιλόχοισ· πίννῃσι καὶ ὀστρείοισιν ὁμοίη.

καὶ Ἐπίχαρμοσ ἐν Ἥβασ γάμῳ· ὄστρεια συμπεφυκότα. ὄστρεον δὲ ὡσ ὄρνεον Πλάτων ἐν Φαίδρῳ· καὶ ἐν Τιμαίῳ· ἐν δὲ τῷ τῆσ Πολιτείασ δεκάτῳ ὄστρεια εἶπε· "προσπεφυκέναι ὄστρειά τε καὶ φυκία. Αἱ δὲ πελωρίδεσ ὠνομάσθησαν παρὰ τὸ πελώριον. μεῖζον γάρ ἐστι χήμησ καὶ παρηλλαγμένον. Ἀριστοτέλησ δέ φησι καὶ ἐν ἄμμῳ αὐτὰσ γίνεσθαι.

τῶν δὲ χημῶν μνημονεύει Ιὤν ὁ Χῖοσ ἐν Ἐπιδημίαισ. καὶ ἴσωσ οὕτωσ ὠνόμασται τὰ κογχύλια παρὰ τὸ κεχηνέναι.

일치하는 문장이 없습니다.

SEARCH

MENU NAVIGATION