Athenaeus, The Deipnosophists, Book 3, book 3, chapter 68

(아테나이오스, The Deipnosophists, Book 3, book 3, chapter 68)

"τῶν δ’ ὀστρακοδέρμων καρίσ, ἀστακόσ, κάραβοσ, καρκίνοσ, λέων τοῦ αὐτοῦ γένουσ ὄντα διαφέρουσι. "μείζων δ’ ἐστὶν ὁ λέων τοῦ ἀστακοῦ, οἱ δὲ κάραβοι καὶ γραψαῖοι λέγονται· "τῶν καρκίνων δ’ εἰσὶν σαρκωδέστεροι. "ὁ δὲ καρκίνοσ βαρὺσ καὶ δύσπεπτοσ. "καὶ καρκίνοι καὶ καρῖδεσ καὶ τὰ ὅμοια δύσπεπτα μὲν πάντα, τῶν δ’ ἄλλων ἰχθύων εὐπεπτότερα πολλῷ. πρέπει δ’ αὐτοῖσ ὀπτᾶσθαι μᾶλλον ἢ ἕψεσθαι. κουρίδασ δὲ τὰσ καρῖδασ εἴρηκε Σώφρων ἐν γυναικείοισ οὕτωσ· ·

ἴδε καλᾶν κουρίδων, ἴδε καμμάρων, ἴδε φίλα· θᾶσαι μὰν ὡσ ἐρυθραὶ τ’ ἐντὶ καὶ λειοτριχιῶσαι. Ἐπίχαρμοσ δ’ ἐν Γᾷ καὶ Θαλάσσᾳ· κουρίδεσ τε ταὶ φοινίκιαι. ἐν δὲ Λόγῳ καὶ Λογίννᾳ διὰ τοῦ ω εἴρηκεν ἀφύασ τε κωρίδασ τε καμπύλασ. Σιμωνίδησ δέ· θύννοισι τευθίσ, κωβιοῖσι κωρίδεσ.

일치하는 문장이 없습니다.

SEARCH

MENU NAVIGATION