Athenaeus, The Deipnosophists, Book 3, book 3, chapter 73

(아테나이오스, The Deipnosophists, Book 3, book 3, chapter 73)

"ἄρτου δεῖ καὶ οὐ τοῦ Μεσσαπίων βασιλέωσ λέγω τοῦ ἐν Ιἀπυγίᾳ, περὶ οὗ καὶ σύγγραμμά ἐστι Πολέμωνι. "ἐν δὲ τῷ α’ τῶν πρὸσ Τίμαιον ἐν Σκώλῳ φησὶ τῷ Βοιωτιακῷ Μεγαλάρτου καὶ Μεγαλομάζου ἀγάλματα ἱδρῦσθαι. "μνημονεύει δ’ αὐτοῦ καὶ Θουκυδίδησ ἐν ζ’ καὶ Δημήτριοσ ὁ κωμῳδιοποιὸσ ἐν τῷ ἐπιγραφομένῳ δράματι Σικελία διὰ τούτων· "κἀκεῖθεν εἰσ τὴν Ἰταλίαν ἀνέμῳ Νότῳ διεβάλομεν τὸ πέλαγοσ εἰσ Μεσσαπίουσ· "ἄρτοσ δ’ ἀναλαβὼν ἐξένισεν ἡμᾶσ καλῶσ. β. ξένοσ γε χαρίεισ. "α. ἦν ἐκεῖ μέγασ καὶ λαμπρὸσ ἦν. οὐ τούτου οὖν τοῦ Ἄρτου ὁ νῦν καιρὸσ ἦν, ἀλλὰ τῶν εὑρημένων ὑπὸ τῆσ Σιτοῦσ καλουμένησ Δήμητροσ καὶ Ἱμαλίδοσ, οὕτωσ γὰρ ἡ θεὸσ παρὰ Συρακοσίοισ τιμᾶται, ὡσ ὁ αὐτὸσ Πολέμων ἱστορεῖ ἐν τῷ περὶ τοῦ Μορύχου. ἐπεὶ δὲ ἤδη ἄρτοι εἰσεκομίζοντο καὶ πλῆθοσ ἐπ’ αὐτοῖσ παντοδαπῶν βρωμάτων, ἀποβλέψασ εἰσ αὐτὰ ἔφη· τοῖσ ἄρτοισ ὅσασ ἱστᾶσι παγίδασ οἱ ταλαίπωροι βροτοί, φησὶν Ἄλεξισ ἐν τῇ Εἰσ τὸ φρέαρ. ἡμεῖσ οὖν εἴπωμέν τι καὶ περὶ ἄρτων.

일치하는 문장이 없습니다.

SEARCH

MENU NAVIGATION