Athenaeus, The Deipnosophists, Book 3, book 3, chapter 76

(아테나이오스, The Deipnosophists, Book 3, book 3, chapter 76)

ὁ δὲ Ὀβελίασ ἄρτοσ κέκληται ἤτοι ὅτι ὀβολοῦ πιπράσκεται, ὡσ ἐν τῇ Ἀλεξανδρείᾳ, ἢ ὅτι ἐν ὀβελίσκοισ ὠπτᾶτο. Ἀριστοφάνησ Γεωργοῖσ· εἶτ’ ἄρτον ὀπτῶν τυγχάνει τισ ὀβελίαν. Φερεκράτησ Ἐπιλήσμονι· ὠλεν ὀβελίαν σποδεῖν, ἄρτου δὲ μὴ προτιμᾶν. ἐκαλοῦντο δὲ καὶ ὀβελιαφόροι οἱ ἐν ταῖσ πομπαῖσ παραφέροντεσ αὐτοὺσ ἐπὶ τῶν ὤμων. Σωκράτησ ἐν σ’ Ἐπικλήσεων τὸν ὀβελίαν φησὶν ἄρτον Διόνυσον εὑρεῖν ἐν ταῖσ στρατείαισ. ἐτνίτασ ἄρτοσ ὁ προσαγορευόμενοσ. λεκιθίτασ, ὥσ φησιν Εὐκράτησ. πανὸσ ἄρτοσ· Μεσσάπιοι. καὶ τὴν πλησμονὴν πανίαν καὶ πάνια τὰ πλήσμια· Βλαῖσοσ ἐν Μεσοτρίβᾳ καὶ Δεινόλοχοσ ἐν Τηλέφῳ Ῥίνθων τε ἐν Ἀμφιτρύωνι. καὶ Ῥωμαῖοι δὲ πᾶνα τὸν ἄρτον καλοῦσι. ναστὸσ ἄρτοσ ζυμίτησ καλεῖται μέγασ, ὥσ φησι Πολέμαρχοσ καὶι Ἀρτεμίδωροσ, Ἡρακλέων δὲ πλακοῦντοσ εἶδοσ. Νικόστρατοσ δ’ ἐν Κλίνῃ· ναστὸσ τὸ μέγεθοσ τηλικοῦτοσ, δέσποτα, λευκόσ· τὸ πάχοσ γὰρ ὑπερέκυπτε τοῦ κανοῦ. ὀσμὴ δέ, τουπίβλημ’ ἐπεὶ περιῃρέθη, ἄνω ’βάδιζε καὶ μέλιτι μεμιγμένη ἀτμίσ τισ εἰσ τὰσ ῥῖνασ·

ἔτι γὰρ θερμὸσ ἦν. κνηστὸσ ἄρτοσ ποιὸσ παρὰ Ιὤσι, Ἀρτεμίδωροσ ὁ Ἐφέσιόσ φησιν ἐν Ιὠνικοῖσ ὑπομνήμασι. θρόνοσ ἄρτου ὄνομα. Νεάνθησ ὁ Κυζικηνὸσ ἐν β’ Ἑλληνικῶν γράφων οὕτωσ· ’ ὁ δὲ Κόδροσ τόμον ἄρτου τὸν καλούμενον θρόνον λαμβάνει καὶ κρέασ καὶ τῷ πρεσβυτάτῳ νέμουσι. Βάκχυλοσ δ’ ἐστὶν ἄρτοσ σποδίτησ παρ’ Ἠλείοισ καλούμενοσ, ὡσ Νίκανδροσ ἐν β’ Γλωσσῶν ἱστορεῖ, μνημονεύει δ’ αὐτοῦ καὶ Δίφιλοσ ἐν Διαμαρτανούσῃ οὕτωσ·

ἄρτουσ σποδίτασ κρησερίτασ περιφέρειν. ἄρτου δ’ εἶδόσ ἐστι καὶ ὁ ἀποπυρίασ καλούμενοσ, ἐπ’ ἀνθράκων δ’ ὀπτᾶται. καλεῖται δ’ οὗτοσ ὑπό τινων ζυμίτησ. Κρατῖνοσ Μαλθακοῖσ· πρῶτον ἀποπυρίαν ἔχω ζυμηταμιαδου πλεουσ κνέφαλλον.

일치하는 문장이 없습니다.

SEARCH

MENU NAVIGATION