Athenaeus, The Deipnosophists, Book 3, book 3, chapter 84

(아테나이오스, The Deipnosophists, Book 3, book 3, chapter 84)

μετὰ τὰσ τοσαύτασ διαλέξεισ ἔδοξεν ἤδη ποτὲ καὶ δειπνεῖν, καὶ περιενεχθέντοσ τοῦ καλουμένου ὡραίου ὁ Λεωνίδησ ἔφη· Εὐθύδημοσ ὁ Ἀθηναῖοσ, ἄνδρεσ φίλοι, ἐν τῷ περὶ ταρίχων Ἡσίοδόν φησι περὶ πάντων τῶν ταριχευομένων τάδ’ εἰρηκέναι· ἄμφακεσ μὲν πρῶτον στόμα κέκριται αντα καὶ θιοην,4 γναθμὸν ὃν ηὐδάξαντο δυσείμονεσ ἰχθυβολῆεσ, οἷσ ὁ ταριχόπλεωσ ἅδε Βόσποροσ, οἵ θ’ ὑπόγαστρα τμήγοντεσ τετράγωνα ταρίχια τεκταίνονται. ναὶ μὴν οὐκ ἀκλεὲσ θνητοῖσ γένοσ ὀξυρρύγχου, ὃν καὶ ὅλον καὶ τμητὸν ἅλεσ τρηχεῖσ ἐκόμισσαν. θύννων δ’ ὡραίων Βυζάντιον ἔπλετο μήτηρ καὶ σκόμβρων βυθίων τε καὶ εὐχόρτου λικιβάττεω καὶ Πάριον κολιῶν κυδρὴ τροφὸσ ἔσκε πολίχνη. Ιὄνιον δ’ ἀνὰ κῦμα φέρων Γαδειρόθεν ἄξει Βρέττιοσ ἢ Καμπανὸσ ἢ ἐκ ζαθέοιο Τάραντοσ ὀρκύνοιο τρίγωνα, τά τ’ ἐν στάμνοισι τεθέντα ἀμφαλλὰξ δείπνοισιν ἐνὶ πρώτοισιν ὀπηδεῖ.

ταῦτα τὰ ἔπη ἐμοὶ μὲν δοκεῖ τινοσ μαγείρου εἶναι μᾶλλον ἢ τοῦ μουσικωτάτου Ἡσιόδου, πόθεν γὰρ εἰδέναι δύναται Πάριον ἢ Βυζάντιον, ἔτι δὲ Τάραντα καὶ Βρεττίουσ καὶ Καμπανοὺσ πολλοῖσ ἔτεσι τούτων πρεσβύτεροσ ὤν; δοκεῖ οὖν μοι αὐτοῦ τοῦ Εὐθυδήμου εἶναι τὰ ποιήματα.

καὶ ὁ Διονυσοκλῆσ ἔφη· ὅτου μέν ἐστι τὰ ποιήματα, ὦ ἀγαθὲ Λεωνίδη, ὑμῶν ἐστι κρίνειν τῶν δοκιμωτάτων γραμματικῶν ἀλλ’ ἐπεὶ περὶ ταρίχων ἐστὶν ὁ λόγοσ, περὶ ὧν οἶδα καὶ παροιμίαν μνήμησ ἠξιωμένην ὑπὸ τοῦ Σολέωσ Κλεάρχου· σαπρὸσ τάριχοσ τὴν ὀρίγανον φιλεῖ, ἔρχομαι κἀγὼ λέξων τι περὶ αὐτῶν, τὰ τῆσ τέχνησ.

일치하는 문장이 없습니다.

SEARCH

MENU NAVIGATION