Athenaeus, The Deipnosophists, Book 3, book 3, chapter 16

(아테나이오스, The Deipnosophists, Book 3, book 3, chapter 16)

"Φυλότιμοσ ἐν γ’ περὶ τροφῆσ τὰ ἁπαλά, φησί, σῦκα διαφορὰσ μὲν ἔχει πλείουσ πρὸσ ἄλληλα καὶ τοῖσ γένεσι καὶ τοῖσ χρόνοισ ἐν οἷσ ἕκαστα γίγνεται καὶ ταῖσ δυνάμεσιν, οὐ μὴν ἀλλὰ καθόλου εἰπεῖν τά τε ὑγρὰ τὰ πεπεμμένα καὶ μάλιστα αὐτῶν διαλύεται ταχέωσ καὶ κατεργάζεται μᾶλλον τῆσ ἄλλησ ὀπώρασ καὶ τὴν λοιπὴν τροφὴν οὐ κωλύει κατεργάζεσθαι. "δυνάμεισ δ’ ἔχει τῶν ὑγρῶν κολλώδεισ τε καὶ γλυκείασ ὑπονιτρώδεισ τε, καὶ τὴν διαχώρησιν ἀθρουστέραν καὶ διακεχυμένην καὶ θάττω καὶ λίαν ἄλυπον παρασκευάζει, χυλὸν δ’ ἁλυκὸν δριμύτητα ἔχοντα ἀναδίδωσι μεθ’ ἁλῶν καταπινόμενα. "διαλύεται μὲν οὖν ταχέωσ, διότι πολλῶν καὶ μεγάλων ὄγκων εἰσενεχθέντων μετὰ μικρὸν χρόνον λαγαροὶ γινόμεθα καθ’ ὑπερβολήν. ἀδύνατον δ’ ἦν τοῦτο συμβαίνειν διαμενόντων καὶ μὴ ταχὺ διαλυομένων τῶν σωμάτων. "κατεργάζεται δὲ μᾶλλον τῆσ ἄλλησ οὐ μόνον ὅτι πολλαπλασίονα λαμβάνοντεσ αὐτὴν τῆσ λοιπῆσ. ὀπώρασ ἀλύπωσ διάγομεν, ἀλλ’ οὐδὲ τὴν εἰωθυῖαν τροφὴν ἴσην λαμβάνοντεσ τούτων προχειρισθέντων οὐθὲν ἐνοχλούμεθα. "δῆλον οὖν ὡσ εἰ κρατοῦμεν ἀμφοτέρων, ταῦτά τε πέττεται μᾶλλον καὶ τὴν λοιπὴν οὐ κωλύει κατεργάζεσθαι τροφήν. τὰσ δὲ δυνάμεισ ἔχει τὰσ λεγομένασ· "τὴν μὲν κολλώδη τε καὶ τὴν ἁλυκὴν ἐκ τοῦ κολλᾶν τε καὶ ῥύπτειν τὰσ χεῖρασ, τὴν δὲ γλυκεῖαν ἐν τῷ στόματι γινομένην ὁρῶμεν. "τὴν δὲ διαχώρησιν ἄνευ στρόφων τε καὶ ταραχῆσ καὶ πλείω καὶ θάττω καὶ μαλακωτέραν ὅτι παρασκευάζει, λόγου προσδεῖν οὐθὲν νομίζομεν. "ἀλλοιοῦται δ’ οὐ λίαν, οὐ διὰ τὸ δύσπεπτον αὐτῶν, ἀλλ’ ὅτι καταπίνομέν τε ταχέωσ οὐ λεάναντεσ, καὶ τὴν διέξοδον διότι ταχεῖαν ποιεῖται. "χυμὸν δ’ ἁλυκὸν ἀναδίδωσι, διότι τὸ μὲν νιτρῶδεσ ἀπεδείχθη τὰ σῦκα ἔχοντα, ἁλυκώτερον δὲ ποιήσει ἢ δριμύν, ἐκ τῶν ἐπιπινομένων. "οἱ μὲν γὰρ ἅλεσ τὸν ἁλυκόν, τὸ δ’ ὄξοσ καὶ τὸ θύμον τὸν δριμὺν αὔξει χυμόν.

일치하는 문장이 없습니다.

SEARCH

MENU NAVIGATION