Athenaeus, The Deipnosophists, Book 3, book 3, chapter 56

(아테나이오스, The Deipnosophists, Book 3, book 3, chapter 56)

πρὸσ ταῦτα ὁ Οὐλπιανόσ πωσ ἡδέωσ γελάσασ ἀλλὰ μὴ βάυζε, εἶπεν, ὦ ἑταῖρε, μηδὲ ἀγριαίνου τὴν κυνικὴν προβαλλόμενοσ λύσσαν τῶν ὑπὸ κύνα οὐσῶν ἡμερῶν, δέον αἰκάλλειν μᾶλλον καὶ προσσαίνειν τοῖσ συνδείπνοισ, μὴ καί τινα Κυνοφόντιν ἑορτὴν ποιησώμεθα ἀντὶ τῆσ παρ’ Ἀργείοισ ἐπιτελουμένησ, χορτασθῆναι εἴρηται, ὦ δαιμόνιε ἀνδρῶν, παρὰ μὲν Κρατίνῳ ἐν Ὀδυσσεῦσιν οὕτωσ ι ἧσθε πανημέριοι χορταζόμενοι γάλα λευκόν. καὶ Μένανδροσ δὲ ἐν Τροφωνίῳ ἔφη χορτασθείσ. Ἀριστοφάνησ δ’ ἐν Γηρυτάδῃ· θεράπευε καὶ χόρταζε τῶν μονῳδιῶν. Σοφοκλῆσ τε ἐν Τυροῖ· σίτοισι παγχόρτοισιν ἐξενίζομεν. Εὔβουλοσ δ’ ἐν Δόλωνι·

ἐγὼ κεχόρτασμαι μέν, ἄνδρεσ, οὐ κακῶσ, ἀλλ’ εἰμὶ πλήρησ, ὥστε καὶ μόλισ πάνυ ὑπεδησάμην ἅπαντα δρῶν τὰσ ἐμβάδασ. Σώφιλοσ δ’ ἐν Φυλάρχῳ· γαστρισμὸσ ἔσται δαψιλήσ· τὰ προοίμια ὁρῶ χορτασθήσομαι. νὴ τὸν Διόνυσον, ἄνδρεσ, ἤδη στρηνιῶ. καὶ Ἄμφισ ἐν Οὐρανῷ· εἰσ τὴν ἑσπέραν χορτάζομαι ἐν ἅπασιν ἀγαθοῖσ. ταῦτα μὲν οὖν, ὦ Κύνουλκε, εἰπεῖν προχείρωσ ἔχω σοι τὰ νῦν, αὔριον δὲ ἢ ἔνηφι τὴν γὰρ εἰσ τρίτην ̔ Ἡσίοδοσ εἴρηκεν οὕτωσ πληγαῖσ σε χορτάσω, ἐάνπερ μὴ εἴπῃσ ὁ κοιλιοδαίμων παρὰ τίνι κεῖται.

σιωπήσαντοσ δ’ ἐκείνου ἀλλὰ μὴν καὶ τοῦτο αὐτόσ σοι, ὦ κύον, ἐρῶ ὅτι Εὔπολισ τοὺσ κόλακασ ἐν τῷ ὁμωνύμῳ δράματι οὕτω κέκληκε· τὸ δὲ μαρτύριον ἀναβαλοῦμαι, ἔστ’ ἂν ἀποδῶ σοι τὰσ πληγάσ.

일치하는 문장이 없습니다.

SEARCH

MENU NAVIGATION