헬라어 텍스트

Athenaeus, The Deipnosophists, Book 3, book 3, chapter 87

(아테나이오스, The Deipnosophists, Book 3, book 3, chapter 87)

δ’ ἐν β’ περὶ ὕλησ πηλαμύδασ κύβια εἶναί φησι μεγάλα, κυβίων δὲ μνημονεύει Ποσείδιπποσ ἐν Μεταφερομένῳ. Εὐθύδημοσ ἐν τῷ περὶ ταρίχων τὸν δελκανόν φησιν ἰχθὺν ὀνομάζεσθαι ἀπὸ Δέλκωνοσ τοῦ ποταμοῦ, ἀφ’ οὗπερ καὶ ἁλίσκεσθαι, καὶ ταριχευόμενον εὐστομαχώτατον εἶναι. Δωρίων δ’ ἐν τῷ περὶ ἰχθύων τὸν λεβίαν ὀνομάζων φησὶ λέγειν τινὰσ ὡσ ὁ αὐτόσ ἐστι τῷ δελκανῷ, τὸν δὲ κορακῖνον ὑπὸ πολλῶν λέγεσθαι σαπέρδην καὶ εἶναι κράτιστον τὸν ἐκ τῆσ Μαιώτιδοσ λίμνησ, θαυμαστοὺσ δὲ εἶναι λέγει καὶ τοὺσ περὶ Ἄβδηρα ἁλισκομένουσ κεστρεῖσ, μεθ’ οὓσ τοὺσ περὶ Σινώπην, καὶ ταριχευομένουσ εὐστομάχουσ ὑπάρχειν. τοὺσ δὲ προσαγορευομένουσ φησὶ μύλλουσ ὑπὸ μέν τινων καλεῖσθαι ἀγνωτίδια, ὑπὸ δέ τινων πλατιστάκουσ ὄντασ τοὺσ αὐτούσ, καθάπερ καὶ τὸν χελλαρίην καὶ γὰρ τοῦτον ἕνα ὄντα ἰχθὺν πολλῶν ὀνομασιῶν τετυχηκέναι·

καλεῖσθαι γὰρ καὶ βάκχον καὶ ὀνίσκον καὶ χελλαρίην. οἱ μὲν οὖν μείζονεσ αὐτῶν ὀνομάζονται πλατίστακοι, οἱ δὲ μέσην ἔχοντεσ ἡλικίαν μύλλοι, οἱ δὲ βαιοὶ τοῖσ μεγέθεσιν ἀγνωτίδια. μνημονεύει τῶν μύλλων καὶ Ἀριστοφάνησ ἐν Ὁλκάσι·

σκόμβροι, κολίαι, λεβίαι, μύλλοι, σαπέρδαι, θυννίδεσ.