호흡부호 보기
강세부호 보기
장단부호 보기
작은 Iota 보기
모든 부호 보기
Θεόφραστοσ δέ φησι σικυῶν τρία εἶναι γένη, Λακωνικόν, Σκυταλίαν, Βοιώτιον. καὶ τούτων τὸν μὲν Λακωνικὸν ὑδρευόμενον βελτίω γίνεσθαι, τοὺσ δ’ ἄλλουσ ἀνύδρουσ. "γίνονται δέ, φησί, καὶ εὐχυλότεροι οἱ σικυοί, ἐὰν τὸ σπέρμα ἐν γάλακτι βραχὲν σπαρῇ ἢ ἐν μελικράτῳ. ἱστορεῖ δὲ ταῦτα ἐν φυτικοῖσ αἰτίοισ· θᾶττον αὔξεσθαι, κἂν ἐν ὕδατι κἂν ἐν γάλακτι πρότερον ἢ εἰσ τὴν γῆν κατατεθῆναι βραχῇ. Εὐθύδημοσ δ’ ἐν τῷ περὶ λαχάνων εἶδοσ σικυῶν εἶναι τοὺσ προσαγορευομένουσ δρακοντίασ. ὠνομάσθαι δὲ σικυούσ φησι Δημήτριοσ ὁ Ἰξίων ἐν πρώτῃ Ἐτυμολογουμένων ἀπὸ τοῦ σεύεσθαι καὶ κίειν ὁρμητικὸν γὰρ ὑπάρχειν. Ἡρακλείδησ δ’ ὁ Ταραντῖνοσ ἐν τῷ Συμποσίῳ ἡδύγαιον καλεῖ τὸν σικυόν. Διοκλῆσ δ’ ὁ Καρύστιοσ τὸν σικυόν φησι μετὰ σίων ἐν πρώτοισ λαμβανόμενον ἐνοχλεῖν φέρεσθαι γὰρ ἄνω καθάπερ τὴν ῥάφανον τελευταῖον δὲ λαμβανόμενον ἀλυπότερον εἶναι καὶ εὐπεπτότερον ἑφθὸν δὲ καὶ διουρητικὸν μετρίωσ ὑπάρχειν. "ὁ σικυὸσ ψυκτικὸσ ὑπάρχων δυσοικονόμητόσ ἐστι καὶ δυσυποβίβαστοσ, ἔτι δὲ φρικοποιὸσ καὶ γεννητικὸσ χολῆσ ἀφροδισίων τε ἐφεκτικόσ.
αὔξονται δ’ ἐν τοῖσ κήποισ οἱ σικυοὶ κατὰ τὰσ πανσελήνουσ καὶ φανερὰν ἴσχουσι τὴν ἐπίδοσιν, καθάπερ καὶ οἱ θαλάττιοι ἐχῖνοι.
호흡부호 보기
강세부호 보기
장단부호 보기
작은 Iota 보기
모든 부호 보기