Athenaeus, The Deipnosophists, Book 3, book 3, chapter 53

(아테나이오스, The Deipnosophists, Book 3, book 3, chapter 53)

τῆσ δὲ αὐτῆσ ταύτησ σοφίασ καὶ ἕτερόσ ἐστι ζηλωτήσ, Πομπηιανὸσ ὁ Φιλαδελφεύσ, ἄνθρωποσ οὐκ ἀπάνουργοσ, ὀνοματοθήρασ δὲ καὶ αὐτόσ, ὅστισ πρὸσ τὸν οἰκέτην διαλεγόμενοσ μεγάλῃ τῇ φωνῇ καλέσασ τοὔνομα ’ Στρομβιχίδη, ’ ἔφη,κόμιζέ μοι ἐπὶ τὸ γυμνάσιον τὰσ βλαύτασ τὰσ ἀφορήτουσ καὶ τὴν ἐφεστρίδα τὴν ἄχρηστον. ἐγὼ γὰρ ὑποδησάμενοσ τὸν πώγωνα προσαγορεύσω τοὺσ ἑταίρουσ· ὀπτὸσ γάρ ἐστί μοι Λάριχοσ. κόμιζε δὲ τοῦ ἐλαίου τὴν λήκυθον πρότερον γὰρ συντριβησόμεθον, ἔπειθ’ οὕτωσ ἀπολούμεθον ὁ δ’ αὐτὸσ οὗτοσ σοφιστὴσ Φεβρουαρίῳ μηνί, ὡσ Ῥωμαῖοι λέγουσι ‐ τὸν δὲ μῆνα τοῦτον κληθῆναί φησιν ὁ Μαυρούσιοσ Ιὄβασ ἀπὸ τῶν κατουδαίων φόβων κατ’ ἀναίρεσιν τῶν δειμάτων ‐ ἐν ᾧ τοῦ χειμῶνόσ ἐστι τὸ ἀκμαιότατον, καὶ ἔθοσ τότε τοῖσ κατοιχομένοισ τὰσ χοὰσ ἐπιφέρειν πολλαῖσ ἡμέραισ, πρόσ τινα τῶν φίλων ’ οὐκ εἶδέσ με, ’ ἔφη, πολλῶν ἡμερῶν διὰ τὰ καύματα. ’ τῆσ δὲ τῶν Παναθηναίων ἑορτῆσ ἐπιτελουμένησ, δι’ ἧσ καὶ τὰ δικαστήρια οὐ συνάγεται, ἔφη ’ γενέθλιόσ ἐστι τῆσ ἀλέκτοροσ Ἀθηνᾶσ καὶ ἄδικοσ ἡ τῆτεσ ἡμέρα.

· ἐκάλεσε δέ ποτε καὶ τὸν ἐκ Δελφῶν ἐπανελθόντα ἡμῶν ἑταῖρον οὐδὲν αὐτῷ χρήσαντοσ τοῦ θεοῦ ἄχρηστον. δεῖξιν δέ ποτε λόγων δημοσίᾳ ποιούμενοσ καὶ ἐγκώμιον διεξερχόμενοσ τῆσ βασιλευούσησ πόλεωσ ἔφη ’ θαυμαστὴ δ’ ἡ ̔ Ῥωμαίων ἀρχὴ ἡ ἀνυπόστατοσ.

일치하는 문장이 없습니다.

SEARCH

MENU NAVIGATION