헬라어 문장 검색 - ΑτηενάΤηεΔειπ

(아테나이오스, The Deipnosophists, Book 3, book 3, chapter 85)

Διοκλῆσ μὲν ὁ Καρύστιοσ ἐν τοῖσ Ὑγιεινοῖσ ἐπιγραφομένοισ τῶν ταρίχων φησὶ τῶν ἀπιμέλων κράτιστα εἶναι τὰ ὡραῖα, τῶν δὲ πιόνων τὰ θύννεια. Ἱκέσιοσ δὲ ἱστορεῖ οὐκ εἶναι εὐεκκρίτουσ κοιλίασ οὔτε πηλαμύδασ οὔτε τὰ ὡραῖα, τὰ δὲ νεώτερα τῶν θυννείων τὴν αὐτὴν ἀναλογίαν ἔχειν τοῖσ κυβίοισ μεγάλην τε εἶναι διαφορὰν πρὸσ πάντα τὰ ὡραῖα λεγόμενα, ὁμοίωσ δὲ λέγει καὶ τῶν Βυζαντίων ὡραίων πρὸσ τὰ ἀφ’ ἑτέρων τόπων λαμβανόμενα καὶ οὐ μόνον τῶν θυννείων, ἀλλὰ καὶ τῶν ἄλλων τῶν ἁλισκομένων ἐν Βυζαντίῳ. τούτοισ προσέθηκεν ὁ Ἐφέσιοσ Δάφνοσ· Ἀρχέστρατοσ μὲν ὁ περιπλεύσασ τὴν οἰκουμένην γαστρὸσ ἕνεκα καὶ τῶν ὑπὸ τὴν γαστέρα φησί· καὶ Σικελοῦ θύννου τέμαχοσ, φίλε Μόσχε, φαγεῖν χρή, τμηθὲν ὅτ’ ἐν βίκοισι ταριχεύεσθαι ἔμελλεν. σαπέρδῃ δ’ ἐνέπω κλαίειν μακρά, Ποντικῷ ὄψῳ, καὶ τοῖσ κεῖνον ἐπαινοῦσιν.

παῦροι γὰρ ἴσασιν ἀνθρώπων ὅτι φαῦλον ἔφυ καὶ ἀκιδνὸν ἔδεσμα. ἀλλὰ τριταῖον ἔχειν σκόμβρον, πρὶν ἐσ ἁλμυρὸν ὕδωρ ἐλθεῖν, ἀμφορέωσ ἐντὸσ νέον, ἡμιτάριχον. ἂν δ’ ἀφίκῃ κλεινοῦ Βυζαντίου εἰσ πόλιν ἁγνήν, ὡραίου φάγε μοι τέμαχοσ πάλιν ἐστὶ γὰρ ἐσθλὸν καὶ μαλακόν. παρέλιπεν δ’ ὁ τένθησ Ἀρχέστρατοσ συγκαταλέξαι ἡμῖν καὶ τὸ παρὰ Κράτητι τῷ κωμῳδιοποιῷ ἐν Σαμίοισ λεγόμενον ἐλεφάντινον τάριχοσ, περὶ οὗ φησιν σκυτίνῃ ποτ’ ἐν χύτρᾳ τάριχοσ ἐλεφάντινον ἧψε ποντιὰσ χελώνη πευκίνοισι καύμασι,2 καρκίνοι ποδάνεμοί τε καὶ τανύπτεροι λύκοι ὑσοριμαχεῖν ἄνδρεσ οὐρανοῦ καττύματα. παῖ’ ἐκεῖνον, ἄγχ’ ἐκεῖνον.

ἐν Κέῳ τίσ ἡμέρα; ὅτι δὲ διαβόητον ἦν τὸ τοῦ Κράτητοσ ἐλεφάντινον τάριχοσ μαρτυρεῖ Ἀριστοφάνησ ἐν Θεσμοφοριαζούσαισ διὰ τούτων ἦν μέγα τι χρῆμ’ ἔτι τρυγῳδοποιομουσική, ἡνίκα Κράτητί τε τάριχοσ ἐλεφάντινον λαμπρὸν ἐνόμιζεν ἀπόνωσ παρακεκλημένον ἄλλα τε τοιαῦθ’ ἕτερα μυρί’ ἐκιχλίζετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 3, book 3, chapter 85

(아테나이오스, The Deipnosophists, Book 3, book 3, chapter 85)

상위

목록

SEARCH

MENU NAVIGATION