Athenaeus, The Deipnosophists, Book 3, book 3, chapter 83

(아테나이오스, The Deipnosophists, Book 3, book 3, chapter 83)

"δειπνήσομεν, ἑώσ ἂν καὶ παρ’ ἡμῶν ἀκούσητε ὅσα εἰρήκασι περὶ ἄρτων ἢ πεμμάτων ἔτι τε ἀλφίτων Ἀσκληπιαδῶν παῖδεσ. "Δίφιλοσ μὲν ὁ Σίφνιοσ ἐν τῷ περὶ τῶν προσφερομένων τοῖσ νοσοῦσι καὶ τοῖσ ὑγιαίνουσιν · "ἄρτοι φησίν, ’ οἱ ἐκ πυρῶν κριθίνων εἰσὶ πολυτροφώτεροι καὶ εὐοικονομητότεροι καὶ τὸ ὅλον κρείττονεσ, εἶθ’ οἱ σεμιδαλῖται, μεθ’ οὓσ οἱ ἀλευρῖται, εἶθ’ οἱ συγκομιστοὶ ἐξ ἀσήστων ἀλεύρων γινόμενοι· "οὗτοι γὰρ πολυτροφώτεροι εἶναι δοκοῦσι. "’ Φιλιστίων δ’ ὁ Λοκρὸσ τῶν χονδριτῶν τοὺσ σεμιδαλίτασ πρὸσ ἰσχύν φησι μᾶλλον πεφυκέναι· "μεθ’ οὓσ τοὺσ χονδρίτασ τίθησιν, εἶτα τοὺσ ἀλευρίτασ. "οἱ δὲ ἐκ γύρεωσ ἄρτοι γινόμενοι κακοχυλότεροὶ τέ εἰσι καὶ ὀλιγοτροφώτεροι. "πάντεσ δ’ οἱ θερμοὶ ἄρτοι τῶν ἐψυγμένων εὐοικονομητότεροι πολυτροφώτεροί τε καὶ εὐχυλότεροι, ἔτι δὲ πνευματικοὶ καὶ εὐανάδοτοι. "οἱ δ’ ἐψυγμένοι πλήσμιοι, δυσοικονόμητοι. "οἱ δὲ τελείωσ παλαιοὶ καὶ κατεψυγμένοι ἀτροφώτεροι στατικοί τε κοιλίασ καὶ κακόχυλοι. "ὁ δ’ ἐγκρυφίασ ἄρτοσ βαρὺσ δυσοικονόμητόσ τε διὰ τὸ ἀνωμάλωσ ὀπτᾶσθαι. "ὁ δὲ ἰπνίτησ καὶ καμινίτησ δύσπεπτοι καὶ δυσοικονόμητοι. "ὁ δὲ ἐσχαρίτησ καὶ ἀπὸ τηγάνου διὰ τὴν τοῦ ἐλαίου ἐπίμιξιν εὐεκκριτώτεροσ, διὰ δὲ τὸ κνισὸν κακοστομαχώτεροσ,1 ὁ δὲ κλιβανίτησ πάσαισ ταῖσ ἀρεταῖσ περιττεύει· "εὔχυλοσ γὰρ καὶ εὐστόμαχοσ καὶ εὔπεπτοσ καὶ πρὸσ ἀνάδοσιν ῥᾷστοσ· "οὔτε γὰρ ἱστάνει κοιλίαν οὔτε παρατείνει. "Ἀνδρέασ δὲ ὁ ἰατρὸσ ἄρτουσ τινὰσ φησιν ἐν Συρίᾳ γίνεσθαι ἐκ συκαμίνων, ὧν τοὺσ φαγόντασ τριχορρυεῖν. Μνησίθεοσ δέ φησι τὸν ἄρτον τῆσ μάζησ εὐπεπτότερον εἶναι καὶ τοὺσ ἐκ τῆσ τίφησ μᾶλλον ἱκανῶσ τρέφειν πέττεσθαι γὰρ αὐτοὺσ οὐ μετὰ πολλοῦ πόνου, τὸν δ’ ἐκ τῶν ζειῶν ἄρτον ἄδην φησὶν ἐσθιόμενον βαρὺν εἶναι καὶ δύσπεπτον διὸ οὐχ ὑγιαίνειν τοὺσ αὐτὸν ἐσθίοντασ. "εἰδέναι δὲ ὑμᾶσ δεῖ ὅτι τὰ μὴ πυρωθέντα ἢ τριφθέντα σιτία φύσασ καὶ βάρη καὶ στρόφουσ καὶ κεφαλαλγίασ ποιεῖ.

일치하는 문장이 없습니다.

SEARCH

MENU NAVIGATION