Athenaeus, The Deipnosophists, Book 3, book 3, chapter 80 2:

οὗτοι ἀνιπτόποδεσ, χαμαιευνάδεσ, ἀερίοικοι, κατὰ τὸν κωμικὸν Εὔβουλον, ἀνόσιοι λάρυγγεσ, ἀλλοτρίων κτεάνων παραδειπνίδεσ, οὐ χὠ> προπάτωρ ὑμῶν Διογένησ πλακοῦντά ποτε ἐσθίων ἐν δείπνῳ λάβρωσ πρὸσ τὸν πυνθανόμενον ἔλεγεν ἄρτον ἐσθίειν καλῶσ πεποιημένον; ὑμεῖσ δ’ ’ ὦ λοπαδάγχαι κατὰ τὸν αὐτὸν ποιητὴν Εὔβουλον, λευκῶν ὑπογαστριδίων,’ ἑτέροισ οὐ παραχωροῦντεσ φθέγγεσθε καὶ τὰσ ἡσυχίασ οὐκ ἄγετε ἑώσ ἄν τισ ὑμῖν ὡσ κυνιδίοισ ἄρτων ἢ ὀστέων προσρίψῃ. πόθεν ὑμῖν εἰδέναι ὅτι καὶ κύβοι, οὐχ οὓσ ἀεὶ μεταχειρίζεσθε, ἄρτοι εἰσὶ τετράγωνοι, ἡδυσμένοι ἀννήθῳ καὶ τυρῷ καὶ ἐλαίῳ, ὥσ φησιν ̔ Ἡρακλείδησ ἐν Ὀψαρτυτικῷ;