헬라어 문장 검색 - ΑτηενάΤηεΔειπ

(아테나이오스, The Deipnosophists, Book 3, book 3, chapter 80)

ταῦτ’ ἐκθεμένου τἀριστάρχεια δόγματα τοῦ ̔ Ῥωμαίων μεγαλοσοφιστοῦ ὁ Κύνουλκοσ ἔφη· "Δάματερ σοφίασ οὐκ ἐτὸσ ἄρα ψαμμακοσίουσ ἔχει μαθητὰσ ὁ θαυμάσιοσ Βλεψίασ καὶ πλοῦτον ἀπηνέγκατο τοσοῦτον ἐκ τῆσ καλῆσ ταύτησ σοφίασ ὑπὲρ Γοργίαν καὶ Πρωταγόραν. "ὅθεν ὀκνῶ μὰ τὰσ θεὰσ εἰπεῖν πότερον αὐτὸσ οὐ βλέπει ἢ οἱ ἑαυτοὺσ μαθητὰσ αὐτῷ παραδιδόντεσ πάντεσ ἕνα ἔχουσιν ὀφθαλμόν, ὡσ μόλισ διὰ τὸ πλῆθοσ ὁρᾶν. μακαρίουσ οὖν αὐτούσ, μᾶλλον δὲ μακαρίτασ εἶναί φημι τοιαύτασ δείξεισ τῶν διδασκάλων ποιουμένων. πρὸσ ὃν ὁ Μάγνοσ φιλοτράπεζοσ ὢν καὶ τὸν γραμματικὸν τοῦτον ὑπερεπαινῶν διὰ τὴν ἐκτένειαν ἔφη· οὗτοι ἀνιπτόποδεσ, χαμαιευνάδεσ, ἀερίοικοι, κατὰ τὸν κωμικὸν Εὔβουλον, ἀνόσιοι λάρυγγεσ, ἀλλοτρίων κτεάνων παραδειπνίδεσ, οὐ χὠ> προπάτωρ ὑμῶν Διογένησ πλακοῦντά ποτε ἐσθίων ἐν δείπνῳ λάβρωσ πρὸσ τὸν πυνθανόμενον ἔλεγεν ἄρτον ἐσθίειν καλῶσ πεποιημένον;

ὑμεῖσ δ’ ’ ὦ λοπαδάγχαι κατὰ τὸν αὐτὸν ποιητὴν Εὔβουλον, λευκῶν ὑπογαστριδίων,’ ἑτέροισ οὐ παραχωροῦντεσ φθέγγεσθε καὶ τὰσ ἡσυχίασ οὐκ ἄγετε ἑώσ ἄν τισ ὑμῖν ὡσ κυνιδίοισ ἄρτων ἢ ὀστέων προσρίψῃ. πόθεν ὑμῖν εἰδέναι ὅτι καὶ κύβοι, οὐχ οὓσ ἀεὶ μεταχειρίζεσθε, ἄρτοι εἰσὶ τετράγωνοι, ἡδυσμένοι ἀννήθῳ καὶ τυρῷ καὶ ἐλαίῳ, ὥσ φησιν ̔ Ἡρακλείδησ ἐν Ὀψαρτυτικῷ; παρεῖδε δὲ τοῦτον ὁ Βλεψίασ, ὥσπερ καὶ τὸν θαργηλὸν, ὅν τινεσ καλοῦσι θαλύσιον Κράτησ δ’ ἐν β’ Ἀττικῆσ διαλέκτου θάργηλον καλεῖσθαι τὸν ἐκ τῆσ συγκομιδῆσ πρῶτον γινόμενον ἄρτον καὶ τὸν σησαμίτην.

ἀρρηφόροισ γίνεται, ἐστὶ δὲ καὶ ὁ πυραμοῦσ ἄρτοσ διὰ σησάμων πεττόμενοσ καὶ τάχα ὁ αὐτὸσ τῷ σησαμίτῃ ὤν.

μνημονεύει δὲ πάντων τούτων Τρύφων ἐν α’ φυτικῶν, καθάπερ καὶ τῶν θιαγόνων ὀνομαζομένων οὗτοι δ’ εἰσὶν ἄρτοι θεοῖσ πεττόμενοι ἐν Αἰτωλίᾳ, δραμίκεσ δὲ καὶ δραμεῖσ παρ’ Ἀθαμᾶσιν ἄρτοι τινὲσ οὕτωσ καλοῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 3, book 3, chapter 80

(아테나이오스, The Deipnosophists, Book 3, book 3, chapter 80)

상위

목록

SEARCH

MENU NAVIGATION