헬라어 문장 검색 - ΑτηενάΤηεΔειπ

(아테나이오스, The Deipnosophists, Book 3, book 3, chapter 75)

Ἐπίχαρμοσ δ’ ἐν Ἥβησ γάμῳ κἀν Μούσαισ ‐ τοῦτο δὲ τὸ δρᾶμα διασκευή ἐστι τοῦ προκειμένου ‐ ἄρτων ἐκτίθεται γένη κριβανίτην, ὅμωρον, σταιτίτην, ἐγκρίδα, ἀλειφατίτην, ἡμιάρτιον. ὧν καὶ Σώφρων ἐν γυναικείοισ μίμοισ μνημονεύει λέγων οὕτωσ· ι ’ δεῖπνον ταῖσ θεαῖσ,1 κριβανίτασ καὶ ὁμώρουσ καὶ ἡμιάρτιον Ἑκάτᾳ. ’ οἶδα δ’, ἄνδρεσ φίλοι, ὅτι Ἀττικοὶ μὲν διὰ τοῦ ρ στοιχείου λέγουσι καὶ κρίβανον καὶ κριβανίτην. Ἡρόδοτοσ δ’ ἐν δευτέρᾳ τῶν ἱστοριῶν ἔφη· "κλιβάνῳ διαφανεῖ. καὶ ὁ Σώφρων δὲ ἔφη· "τίσ σταιτίτασ ἢ κλιβανίτασ ἢ ἡμιάρτια πέσσει; ὁ δ’ αὐτὸσ μνημονεύει καὶ Πλακίτα τινὸσ ἄρτου ἐν γυναικείοισ· ’εἰσ νύκτα μ’ ἑστιάσειν ἄρτῳ πλακίτᾳ. "συμβουλεύω τ’ ἐμφαγεῖν ἄρτον γάρ τισ τυρῶντα τοῖσ παιδίοισ ἰάλε.

Νίκανδροσ δ’ ὁ Κολοφώνιοσ ἐν ταῖσ Γλώσσαισ τὸν ἄζυμον ἄρτον καλεῖ δάρατον. Πλάτων δ’ ὁ κωμῳδιοποιὸσ ἐν Νυκτὶ μακρᾷ τοὺσ μεγάλουσ ἄρτουσ καὶ ῥυπαροὺσ Κιλικίουσ ὀνομάζει διὰ τούτων κἆθ’ ἧκεν ἄρτουσ πριάμενοσ μὴ τῶν καθαρύλλων, ἀλλὰ μεγάλουσ Κιλικίουσ. ἐν δὲ τῷ Μενελάῳ ἐπιγραφομένῳ ἀγελαίουσ τινὰσ ἄρτουσ καλεῖ, αὐτοπύρου δ’ ἄρτου μέμνηται Ἄλεξισ ἐν Κυπρίῳ· τὸν δ’ αὐτόπυρον ἄρτον ἀρτίωσ φαγών.

Φρύνιχοσ δ’ ἐν Ποαστρίαισ αὐτοπυρίτασ αὐτοὺσ καλῶν φησιν αὐτοπυρίταισὶ τ’ ἄρτοισ καὶ λιπῶσι στεμφύλοισ. ὀρίνδου δ’ ἄρτου μέμνηται Σοφοκλῆσ ἐν Τριπτολέμῳ ἤτοι τοῦ ἐξ ὀρύζησ γινομένου ἢ ἀπὸ τοῦ ἐν Αἰθιοπίᾳ γιγνομένου σπέρματοσ, ὅ ἐστιν ὅμοιον σησάμῳ. κολλάβου δ’ ἄρτου Ἀριστοφάνησ ἐν Ταγηνισταῖσ· λαμβάνετε κόλλαβον ἕκαστοσ.

καὶ πάλιν ἢ δέλφακοσ ὀπωρινῆσ ἠτριαίαν φέρετε δεῦρο μετὰ κολλάβων χλιαρῶν. γίνονται δ’ οἱ ἄρτοι οὗτοι ἐκ νέου πυροῦ, ὡσ Φιλύλλιοσ ἐν Αὔγῃ παρίστησιν · αὐτὸσ φέρων πάρειμι πυρῶν ἐκγόνουσ τριμήνων γαλακτοχρῶτασ κολλάβουσ θερμούσ. μακωνίδων δ’ ἄρτων μνημονεύει Ἀλκμὰν ἐν τῷ ε’ οὕτωσ κλῖναι μὲν ἑπτὰ καὶ τόσαι τράπεσδαι μακωνίδων ἄρτων ἐπιστέφοισαι λίνω τε σασάμω τε κἠν πελίχναισ πεδεσσι χρυσοκόλλα , ἐστὶ βρωμάτιον διὰ μέλιτοσ καὶ λίνου. τοῦ δὲ κολλύρασ καλουμένου ἄρτου Ἀριστοφάνησ ἐν Εἰρήνῃ·

κολλύραν μεγάλην καὶ κόνδυλον ὄψον ἐπ’ αὐτῇ. καὶ ἐν Ὁλκάσι· καὶ κολλύραν τοῖσι γέρουσιν διὰ τοὐν Μαραθῶνι τρόπαιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 3, book 3, chapter 75

(아테나이오스, The Deipnosophists, Book 3, book 3, chapter 75)

상위

목록

SEARCH

MENU NAVIGATION