헬라어 텍스트

Athenaeus, The Deipnosophists, Book 3, book 3, chapter 66

(아테나이오스, The Deipnosophists, Book 3, book 3, chapter 66)

περὶ δὲ τῶν καρίδων, ὅτι καὶ πόλισ ἦν Καρίδεσ περὶ Χίον τὴν νῆσον Ἔφοροσ ἐν τῇ γ’ ἱστορεῖ, κτίσαι φάσκων αὐτὴν τοὺσ διασωθέντασ ἐκ τοῦ ἐπὶ Δευκαλίωνοσ γενομένου κατακλυσμοῦ μετὰ Μάκαροσ, καὶ μέχρι νῦν τὸν τόπον καλεῖσθαι Καρίδασ. ὁ δὲ ὀψοδαίδαλοσ Ἀρχέστρατοσ παραινεῖ τάδε· ἢν δὲ ποτ’ εἰσ Ιἄσον Καρῶν πόλιν εἰσαφίκηαι, καρῖδ’ εὐμεγέθη λήψῃ· σπανία δὲ πρίασθαι· ἐν δὲ Μακηδονίᾳ τε καὶ Ἀμβρακίᾳ μάλα πολλαὶ ἐκτεταμένωσ δ’ εἴρηκε καρῖδα Ἀραρὼσ μὲν ἐν Καμπυλίωνι· αἵ τε καμπύλαι καρῖδεσ ἐξήλλοντο δελφίνων δίκην εἰσ σχοινόπλεκτον ἄγγοσ. καὶ Εὔβουλοσ ἐν Ὀρθάννῃ·

καρῖδα καθῆκα κάτω κἀνέσπασ1’ αὖθισ. Ἀναξανδρίδησ Λυκούργῳ· καὶ συμπαίζει καριδαρίοισ μετὰ περκιδίων καὶ θρᾳττιδίων καὶ ψητταρίοισ μετὰ κωθαρίων καὶ σκινδαρίοισ μετὰ κωβιδίων. ὁ δ’ αὐτὸσ κἀν Πανδάρῳ φησὶν οὐκ ἐπικεκυφὼσ ὀρθόσ, ὦ βέλτιστ’, ἔσῃ· αὕτη δὲ καριδοῖ τὸ σῶμα καμπύλη, ἄγκυρά τ’ ἐστὶν ἄντικρυσ τοῦ σώματοσ, ἐν δὲ Κερκίῳ·

ἐρυθρότερον καρῖδοσ ὀπτῆσ σ1’ ἀποφανῶ· Εὔβουλοσ Τιτθαῖσ· καρῖδάσ τε τῶν κυφῶν. καὶ ’ Ὠφελίων Καλλαίσχρῳ· κυρταὶ δ’ ὁμοῦ καρῖδεσ ἐν ξηρῷ πέδω. καὶ ἐν Ιἀλέμῳ· ὠρχοῦντο δ’ ὡσ καρῖδεσ ἀνθράκων ἔπι πηδῶσι κυρταί. συνεσταλμένωσ δ’ εἴρηκεν Εὔπολισ ἐν Αἰξὶν οὕτωσ· πλὴν ἅπαξ ποτ’ ἐν Φαίακοσ ἔφαγον καρίδασ.