호흡부호 보기
강세부호 보기
장단부호 보기
작은 Iota 보기
모든 부호 보기
ἴδιον δ’ ἐστὶ γένοσ καράβων τε καὶ ἀστακῶν ἄλλο, ἔτι δὲ καρίδων. τὸν δ’ ἀστακὸν οἱ Ἀττικοὶ διὰ τοῦ ὀστακὸν λέγουσι, καθάπερ καὶ ὀσταφίδασ. Ἐπίχαρμοσ δὲ ἐν Γᾷ καὶ Θαλάσσᾳ φησίν· κἀστακοὶ γαμψώνυχοι. Σπεύσιπποσ δὲ ἐν β’, Ὁμοίων παραπλήσιά φησιν εἶναι τῶν μαλακοστράκων κάραβον, ἀστακόν, νύμφην, ἄρκτον, καρκίνον, πάγουρον. Διοκλῆσ δ’ ὁ Καρύστιόσ φησι· "καρῖδεσ, καρκίνοι, κάραβοι, ἀστακοὶ εὔστομα καὶ διουρητικά" κολύβδαιναν δ’ εἴρηκεν Ἐπίχαρμοσ ἐν τοῖσ προεκκειμένοισ, ὡσ μὲν Νίκανδρόσ φησι, τὸ θαλάσσιον αἰδοῖον, ὡσ δ’ ὁ Ἡρακλείδησ ἐν Ὀψαρτυτικῷ, τὴν καρῖδα.
호흡부호 보기
강세부호 보기
장단부호 보기
작은 Iota 보기
모든 부호 보기