헬라어 텍스트

Athenaeus, The Deipnosophists, Book 3, book 3, chapter 58

(아테나이오스, The Deipnosophists, Book 3, book 3, chapter 58)

Λυγκεὺσ δ’ ὁ Σάμιοσ, ὁ Θεοφράστου γνώριμοσ, καὶ τὴν σὺν ὀπῷ χρῆσιν αὐτῆσ οἶδεν. γοῦν τὸ Πτολεμαίου συμπόσιόν φησιν οὕτωσ ` ’ μήτρασ τινὸσ περιφερομένησ ἐν ὄξει καὶ ὀπῷ. ` τοῦ δὲ ὀποῦ μέμνηται Ἀντιφάνησ ἐν Δυσέρωσι περὶ Κυρήνησ τὸν λόγον ποιούμενοσ ἐκεῖσε δ’ οὐ πλέω ὅθεν διεσπάσθημεν, ἐρρῶσθαι λέγων ἅπασιν, ἵπποισ, σιλφίῳ, συνωρίσιν, καυλῷ, κέλησι, μασπέτοισ, πυρετοῖσ, ὀπῷ. τῆσ δὲ διαφορᾶσ τῆσ περὶ τὴν ἐκτομίδα μνημονεύει Ἵππαρχοσ ὁ τὴν Αἰγυπτιακὴν Ἰλιάδα συνθεὶσ ἐν τούτοισ·

ἀλλὰ λοπὰσ μ’ εὔφραιν’ ἢ μήτρησ καλὰ πρόσωπα ἐκβολάδοσ, δέλφαξ δ’ ἐν κλιβάνῳ ἡδέα ὄζων. Σώπατροσ δ’ ἐν μὲν Ἱππολύτῳ φησὶν ἀλλ’ οἱᾶ μήτρα καλλίκαρποσ ἐκβολὰσ δίεφθα λευκανθεῖσα τυροῦται δέμασ, ἐν δὲ Φυσιολόγῳ· μήτρασ ὑείασ οὐκ ἀφεψηθεὶσ τόμοσ, τὴν δηξίθυμον ἐντὸσ ὀξάλμην ἔχων. ἐν δὲ Σίλφαισ·

μήτρασ ὑείασ ἑφθὸν ὡσ φάγῃσ τόμον, δριμεῖαν ὠθῶν πηγανῖτιν εἰσ χολήν.