- 텍스트

Athenaeus, The Deipnosophists, Book 3, book 3, chapter 48

(아테나이오스, The Deipnosophists, Book 3, book 3, chapter 48)

ποδῶν δὲ καὶ ὠτίων, ἔτι δὲ ῥύγχους Ἄλεξις ἐν Κρατείᾳ ἢ Φαρμακοπώλῃ:? τὸ δὲ μαρτύριον ὀλίγον ὕστερον ἐκθήσομαι, πολλὰ ἔχον τῶν ζητουμένων ὀνομάτων. Θεόφιλος Παγκρατιαστῇ: ἑφθῶν μὲν σχεδὸν τρεῖς μνᾶς. β. λέγ ἄλλο. α. ῥυγχίον, κωλῆν, πόδας τέτταρας ὑείους, Β. Ἡράκλεις. α. βοὸς δὲ τρεῖς. Ἀναξίλας Μαγείροις: τῶν Αἰσχύλου πολὺ μᾶλλον εἶναί μοι δοκεῖ ἰχθύδι ὀπτᾶν. β. τί σὺ λέγεις· ἰχθύδια· συσσίτιον μέλλεις νοσηλεύειν. ὅσον ἀκροκώλι ἕψειν ῥύγχη, πόδας. Ἀναξίλας δ ἐν Κίρκῃ: δεινὸν μὲν γὰρ ἔχονθ ὑὸς ῥύγχος, ὦ φίλε Κινησία. καὶ ἐν Καλυψοῖ: ῥύγχος φορῶν ὑειόν ᾐσθόμην τότε.

Ὠτάρια δ ὠνόμασε καὶ Ἀναξανδρίδης ἐν Σατυρίᾳ. ἀξιόνικος δὲ ἐν Χαλκιδικῷ φησιν ζωμὸν ποιῶ θερμὸν ἰχθὺν ἐπαναπλάττων, ἡμίβρωτα λείψανα συντιθείς, οἴνῳ διαίνων, ἔντερ ἁλὶ καὶ σιλφίῳ σφενδονῶν, ἀλλᾶντα τέμνων, παραφέρων χορδῆς τόμον, ῥύγχος εἰς ὄξος πιέζων, ὥστε πάντας ὁμολογεῖν τῶν γάμων κρείττω γεγονέναι τὴν ἑώλον ἡμέραν. Ἀριστοφάνης Προαγῶνι:

ἐγευσάμην χορδῆς ὁ δύστηνος τέκνων πῶς ἐσίδω ῥύγχος περικεκαυμένον· Φερεκράτης Λήροις: ὡς οὐχὶ τουτὶ ῥύγχος ἀτεχνῶς ἐσθ ὑός· καὶ τόπος δέ τις οὕτω καλεῖται Ῥύγχος περὶ Στράτον τῆς Αἰτωλίας, ὥς φησι Πολύβιος ἐν ς ἱστοριῶν Στησίχορός. τέ φησιν ἐν Συοθήραις: κρύψαι δὲ ῥύγχος ἄκρον γᾶς ὑπένερθεν. ὅτι δὲ κυρίως λέγεται ῥύγχος ἐπὶ τῶν συῶν προείρηται. ὅτι δὲ καὶ ἐπ ἄλλων ζῴων Ἄρχιππος Ἀμφιτρύωνι δευτέρῳ κατὰ παιδιὰν εἴρηκε καὶ ἐπὶ τοῦ προσώπου οὕτως:

καὶ ταῦτ ἔχων τὸ ῥύγχος οὑτωσὶ μακρόν, καὶ Ἀραρὼς Ἀδώνιδι: ὁ γὰρ θεὸς τὸ ῥύγχος ὡς ἡμᾶς στρέφει.?

일치하는 문장이 없습니다.

SEARCH

MENU NAVIGATION