헬라어 문장 검색 - ΑτηενάΤηεΔειπ

(아테나이오스, The Deipnosophists, Book 3, book 3, chapter 40)

"χημῶν δὲ τῶν τραχειῶν αἱ μικραὶ καὶ λεπτὴν ἔχουσαι τὴν σάρκα ὄστρεα λέγονται καὶ εὐστόμαχοί εἰσι καὶ εὐέκκριτοι αἱ δὲ λεῖαι, βασιλικαὶ δὲ πρόσ τινων καλούμεναι πελώριαί τε λεγόμεναι, τρόφιμοι, δυσέκκριτοι, εὔχυλοι, εὐστόμαχοι, καὶ μάλιστα αἱ μείζουσ. "τελλῖναι γίνονται μὲν ἐν Κανώβῳ πολλαὶ καὶ ὑπὸ τὴν τοῦ Νείλου ἀνάβασιν πληθύουσιν. "ὧν λεπτότεραι μὲν εἰσιν αἱ βασιλικαὶ διαχωρητικαί τε καὶ κοῦφαι, ἔτι δὲ καὶ τρόφιμοι, αἱ δὲ ποτάμιαι γλυκύτεραι. "οἱ δὲ μύεσ μέσωσ εἰσὶ τρόφιμοι, διαχωρητικοί, οὐρητικοί· "κράτιστοι δὲ οἱ Ἐφέσιοι καὶ τούτων οἱ φθινοπωρινοί, αἱ δὲ μυίσκαι τῶν μυῶν οὖσαι μικρότεραι γλυκεῖαί τε καὶ εὔχυλοί εἰσι προσέτι τε καὶ τρόφιμοι, οἱ δὲ σωλῆνεσ μὲν πρόσ τινων καλούμενοι, πρόσ τινων δὲ αὐλοὶ καὶ δόνακεσ καὶ ὄνυχεσ, πολύχυλοι καὶ κακόχυλοι, κολλώδεισ, καὶ οἱ μὲν ἄρρενεσ αὐτῶν ῥαβδωτοί εἰσι καὶ οὐ μονοχρώματοι· "εἰσὶ δὲ τοῖσ λιθιῶσι καὶ ἄλλωσ δυσουροῦσιν εὔθετοι. "οἱ δὲ θήλεισ μονοχρώματοί τέ εἰσι καὶ γλυκύτεροι, λαμβάνονται δὲ ἑφθοὶ καὶ τηγανιστοί· "κρείττονεσ δ’ εἰσὶν οἱ μέχρι τοῦ χανεῖν ἐπ’ ἀνθράκων ὀπτώμενοι. "Φιλόξενοσ ὁ καλούμενοσ σωληνιστὴσ ἐκ δημαγωγοῦ τύραννοσ ἀνεφάνη, ζῶν τὸ μὲν ἐξ ἀρχῆσ ἁλιευόμενοσ καὶ σωληνοθήρασ ὤν·

"ἀφορμῆσ δὲ λαβόμενοσ καὶ ἐμπορευσάμενοσ βίον ἐκτήσατο. "τῶν δὲ κτενῶν ἁπαλώτεροι μὲν εἰσιν οἱ λευκοί·

"ἄβρομοι γάρ καὶ εὐκοίλιοι. "τῶν δὲ μελάνων καὶ πυρρῶν οἱ μείζονεσ καὶ εὔσαρκοι εὔστομοι. "κοινῶσ δὲ πάντεσ εὐστόμαχοι, εὔπεπτοι, εὐκοίλιοι λαμβανόμενοι μετὰ κυμίνου καὶ πεπέρεωσ. μνημονεύει δ’ αὐτῶν καὶ Ἄρχιπποσ ἐν Ἰχθύσι· λεπάσιν, ἐχίνοισ, ἐσχάραισ, βελόναισ τε τοῖσ κτεσίν τε. "αἱ δὲ βάλανοι καλούμεναι ἀπὸ τῆσ πρὸσ τὰσ δρυίνασ ὁμοιότητοσ διαφέρουσι κατὰ τοὺσ τόπουσ, αἱ μὲν γὰρ Αἰγύπτιαι γλυκεῖαι, ἁπαλαί, εὔστομοι, θρεπτικαί, πολύχυλοι, οὐρητικαί, εὐκοίλιοι, αἱ δὲ ἄλλαι ἁλυκώτεραι.

"τὰ δὲ ὠτία δύσπεπτα, τρόφιμα δὲ μᾶλλον τηγανιζόμενα. "αἱ δὲ φωλάδεσ εὔστομοι, βρομώδεισ δὲ καὶ κακόχυλοι. "ἐχῖνοι δὲ ἁπαλοὶ μέν, εὔχυλοι, βρομώδεισ, πλήσμιοι, εὔφθαρτοι, μετὰ δὲ ὀξυμέλιτοσ λαμβανόμενοι καὶ σελίνου καὶ ἡδυόσμου εὐστόμαχοι, γλυκεῖσ τε καὶ εὔχυλοι. "προσηνέστεροι δ’ αὐτῶν οἱ ἐρυθροὶ καὶ οἱ μήλινοι καὶ οἱ παχύτεροι καὶ οἱ ἐν τῷ ξύεσθαι τὴν σάρκα γαλακτῶδεσ τι ἀφιέντεσ. "οἱ δὲ περὶ τὴν Κεφαλληνίαν γινόμενοι καὶ περὶ τὴν Ἰκαρίαν καὶ τὸν Ἀδρίαν τινὲσ αὐτῶν καὶ ὑπόπικροί εἰσιν οἱ δ’ ἐπὶ τοῦ σκοπέλου· "τῆσ Σικελίασ κοιλίασ λυτικοί. Ἀριστοτέλησ δέ φησι τῶν ἐχίνων πλείω γένη εἶναι·

ἓν μὲν τὸ ἐσθιόμενον, ἐν ᾧ τὰ καλούμενά ἐστιν ᾠά, ἄλλα δὲ δύο τό τε τῶν σπατάγγων καὶ τὸ τῶν καλουμένων βρυσῶν, μνημονεύει τῶν σπατάγγων καὶ Σώφρων καὶ Ἀριστοφάνησ ἐν Ὁλκάσιν οὕτωσ· δαρδάπτοντα, μιστύλλοντα, διαλείχοντά μου τὸν κάτω σπατάγγην.

καὶ Ἐπίχαρμοσ δὲ ἐν Ἥβασ γάμῳ περὶ τῶν ἐχίνων φησί· καρκίνοι θ’ ἵκοντ’ ἐχῖνοὶ θ’, οἳ καθ’ ἁλμυρὰν ἅλα νεῖν μὲν οὐκ ἴσαντι, πεζᾷ δὲ ἐμπορεύονται μόνοι. Δημήτριοσ δ’ ὁ Σκήψιοσ ἐν ἕκτῳ καὶ εἰκοστῷ τοῦ Τρωικοῦ διακόσμου Λάκωνὰ φησί τινα κληθέντα ἐπὶ θοῖναν παρατεθέντων ἐπὶ τὴν τράπεζαν θαλαττίων ἐχίνων ἐπιλαβέσθαι ἑνόσ, οὐκ εἰδότα τὴν χρῆσιν τοῦ ἐδέσματοσ, ἀλλ’ οὐδὲ προσέχοντα τοῖσ συνδειπνοῦσι πῶσ ἀναλίσκουσιν ἐνθέντα δὲ εἰσ τὸ στόμα σὺν τῷ κελύφει βρύκειν τοῖσ ὀδοῦσι τὸν ἐχῖνον. δυσχρηστούμενον οὖν τῇ βρώσει καὶ οὐ συνιέντα τὴν ἀντιτυπίαν τῆσ τραχύτητοσ εἰπεῖν·

"ὦ φάγημα μιαρόν, οὔτε μὴ νῦν σε ἀφέω μαλθακισθεὶσ οὔτ’ αὖτισ ἔτι κα λάβοιμι. ὅτι δὲ οἱ ἐχῖνοι, λέγω δὲ καὶ τοὺσ χερσαίουσ καὶ τοὺσ θαλαττίουσ, καὶ ἑαυτῶν εἰσι φυλακτικοὶ πρὸσ τοὺσ θηρῶντασ, προβαλλόμενοι τὰσ ἀκάνθασ ὥσπερ τι χαράκωμα, Ιὤν ὁ Χῖοσ μαρτυρεῖ ἐν Φοίνικι ἢ Καινεῖ λέγων οὕτωσ ἀλλ’ ἔν τε χέρσῳ τὰσ λέοντοσ ᾔνεσα ἢ τὰσ ἐχίνου μᾶλλον οἰζυρὰσ τέχνασ· ὃσ εὖτ’ ἂν ἄλλων κρεισσόνων ὁπμὴν μάθῃ, στρόβιλοσ ἀμφάκανθον εἱλίξασ δέμασ κεῖται δακεῖν τε καὶ θιγεῖν ἀμήχανοσ.

"τινὲσ μέν εἰσι μικραί, τινὲσ δὲ καὶ ὀστρέοισ ἐοικυῖαι. "εἰσὶ δὲ σκληροὶ καὶ ὀλιγόχυλοι καὶ οὐκ ἄγαν δριμεῖαι, εὔστομοι δὲ καὶ εὐκατέργαστοι, ἑφθαὶ δὲ ποσῶσ εὔστομοι. "αἱ δὲ πίνναι οὐρητικαί, τρόφιμοι, δύσπεπτοι, δυσανάδοτοι. "ἐοίκασι δ’ αὐταῖσ καὶ οἱ κήρυκεσ· "ὧν οἱ μὲν τράχηλοι εὐστόμαχοι, δυσκατέργαστοι δέ· "διὸ τοῖσ ἀσθενοῦσι τὸν στόμαχον οἰκεῖοι· "δυσέκκριτοί τε καὶ μέσωσ τρόφιμοι, τούτων δὲ αἱ μήκωνεσ λεγόμεναι πρὸσ τοῖσ πυθμέσιν ἁπαλαί, εὔφθαρτοι, διὸ τοῖσ τὴν γαστέρα ἀσθενοῦσιν οἰκεῖαι. "αἱ δὲ πορφύραι μεταξὺ πίννησ εἰσὶ καὶ τοῦ κήρυκοσ· "ὧν οἱ μὲν τράχηλοι πολύχυλοι, εὔστομοι, τὸ δὲ λοιπὸν αὐτῶν ἁλυκὸν καὶ γλυκὺ καὶ εὐανάδοτον εἰσ ἐπίκρασὶν τ’ ἐπιτήδειον. "τὰ δὲ ὄστρεα γεννᾶται μὲν καὶ ἐν ποταμοῖσ καὶ ἐν λίμναισ καὶ ἐν θαλάσσῃ, κράτιστα δὲ τὰ θαλάττια, ὅταν λίμνη ἢ ποταμὸσ παρακέηται. "γίνεται γὰρ εὔχυλα καὶ μείζονα καὶ γλυκύτερα, τὰ δὲ πρὸσ ᾐόσι καὶ πέτραισ ἰλύοσ καὶ γλυκέοσ ὕδατοσ ἀμιγῆ μικρά, σκληρά, δηκτικά. τὰ δὲ ἐαρινὰ ὄστρεα καὶ τὰ κατὰ τὴν τοῦ θέρουσ ἀρχὴν κρείσσονα, πλήρη, θαλασσίζοντα μετὰ γλυκύτητοσ, εὐστόμαχα, εὐέκκριτα. "τὰ δὲ συνεψόμενα μαλάχῃ ἢ λαπάθῳ ἢ ἰχθύσιν ἢ καθ’ αὑτὰ τρόφιμα καὶ εὐκοίλια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 3, book 3, chapter 40

(아테나이오스, The Deipnosophists, Book 3, book 3, chapter 40)

상위

목록

SEARCH

MENU NAVIGATION