Athenaeus, The Deipnosophists, Book 3, book 3, chapter 36

(아테나이오스, The Deipnosophists, Book 3, book 3, chapter 36)

προελθὼν δὲ πάλιν φησὶν ὁ φιλόσοφοσ· "αἱ μὲν οὖν πορφύραι τοῦ ἐάροσ συναθροιζόμεναι εἰσ τὸ αὐτὸ ποιοῦσι τὴν καλουμένην μελίκηραν· "τοῦτο δ’ ἐστὶν οἱο͂ν κηρίον, ἀλλ’ οὐχ οὕτωσ γλαφυρόν, ὥσπερ ἂν εἰ ἐκ λεπύρων ἐρεβίνθων λευκῶν πολλὰ συμπαγείη. ἔχει δὲ ἀνεῳγμένον οὐδὲν τούτων, οὐδὲ γίνονται ἐκ τούτων αἱ πορφύραι, ἀλλὰ φύονται αὗται καὶ τὰ ἄλλα ὀστρακόδερμα ἐξ ἰλύοσ καὶ σήψεωσ, τοῦτο δὲ συμβαίνει ὥσπερ ἀποκάθαρμα καὶ ταύταισ καὶ τοῖσ κήρυξι· "κηριάζουσι γὰρ καὶ οὗτοι, ἀφιᾶσι δ’ ἀρχόμεναι κηριάζειν γλισχρότητα μυξώδη, ἐξ ὧν τὰ λεπυρώδη συνίσταται, ταῦτα μὲν οὖν ἅπαντα διαχεῖται, ἀφιᾶσι δ’ ἰχῶρα εἰσ τὴν γῆν καὶ ἐν τούτῳ τῷ τόπῳ γίνεται ἐν τῇ γῇ συστάντα πορφύρια μικρά, ἃ ἔχουσαι ἁλίσκονται αἱ πορφύραι. "ἐὰν δὲ πρὶν ἐκτεκεῖν ἁλῶσιν, ἐνίοτε ἐν ταῖσ φορμίσιν, εἰσ δὲ ταὐτὸ συνιοῦσαι ἐκτίκτουσι, καὶ γίνεται οἱονεὶ βότρυσ. "ἐστὶ δὲ τῶν πορφυρῶν γένη πλείονα· "καὶ ἔνιαι μὲν μεγάλαι, οἱο͂ν αἱ περὶ τὸ Σίγειον καὶ τὸ Λεκτόν, αἱ δὲ μικραί, οἱο͂ν ἐν τῷ Εὐρίπῳ καὶ περὶ Καρίαν. "καὶ αἱ μὲν ἐν τοῖσ κόλποισ μεγάλαι καὶ τραχεῖαι, καὶ τὸ ἄνθοσ αἱ μὲν πλεῖσται μέλαν ἔχουσιν, ἔνιαι δ’ ἐρυθρὸν μικρόν, γίνονται δ’ ἔνιαι τῶν μεγάλων καὶ μναῖαι. "αἱ δ’ ἐν τοῖσ αἰγιαλοῖσ καὶ περὶ τὰσ ἀκτὰσ τὸ μὲν μέγεθόσ εἰσι μικραί, τὸ δὲ ἄνθοσ ἐρυθρὸν ἔχουσιν. "ἔτι δ’ ἐν μὲν τοῖσ προσβόρροισ μέλαιναι, ἐν δὲ τοῖσ νοτίοισ ἐρυθραὶ ὡσ ἐπὶ τὸ πλεῖστον.

일치하는 문장이 없습니다.

SEARCH

MENU NAVIGATION