헬라어 텍스트

Athenaeus, The Deipnosophists, Book 3, book 3, chapter 23

(아테나이오스, The Deipnosophists, Book 3, book 3, chapter 23)

Φαυλίων δὲ μήλων μνημονεύει Τηλεκλείδησ ἐν Ἀμφικτύοσιν οὕτωσ· ὦ τὰ μὲν κομψοί, τὰ δὲ φαυλότεροι φαυλίων μήλων. καὶ Θεόπομποσ ἐν Θησεῖ. "φαυλίασ καὶ στρουθίασ· "οὐ γὰρ ἀπορρεῖ τὸ μῆλον ἀπὸ τοῦ μίσχου τῶν στρουθιῶν τὰσ δὲ ἠρινὰσ ἢ Λακωνικὰσ ἢ Σιδουντίασ ἢ χνοωδίασ. ἐγὼ δ’, ἄνδρεσ φίλοι, πάντων μάλιστα τεθαύμακα τὰ κατὰ τὴν Ῥώμην πιπρασκόμενα μῆλα τὰ Ματιανὰ καλούμενα, ἅπερ κομίζεσθαι λέγεται ἀπό τινοσ κώμησ ἱδρυμένησ ἐπὶ τῶν πρὸσ Ἀκυληίᾳ Ἄλπεων, τούτων δ’ οὐ πολὺ ἀπολείπεται τὰ ἐν Γάγγροισ πόλει Παφλαγονικῇ. ὅτι δὲ καὶ τῶν μήλων εὑρετήσ ἐστι Διόνυσοσ μαρτυρεῖ Θεόκριτοσ ὁ Συρακόσιοσ οὑτωσί πωσ λέγων μᾶλα μὲν ἐν κόλποισι Διωνύσοιο φυλάσσων, κρατὶ δ’ ἔχων λεύκαν, Ἡρακλέοσ ἱερὸν ἔρνοσ.

Νεοπτόλεμοσ δ’ ὁ Παριανὸσ ἐν τῇ Διονυσιάδι καὶ αὐτὸσ ἱστορεῖ ὡσ ὑπὸ Διονύσου εὑρεθέντων τῶν μήλων, καθάπερ καὶ τῶν ἄλλων ἀκροδρύων. "τῶν ἀπίων τι γένοσ. Ἑσπερίδων δὲ μῆλα οὕτωσ καλεῖσθαί τινά φησι Τιμαχίδασ ἐν δ’ Δείπνων. καὶ ἐν Λακεδαίμονι δὲ παρατίθεσθαι τοῖσ θεοῖσ φησι Πάμφιλοσ ταῦτα·

εὐόσμα δὲ εἶναι καὶ ἄβρωτα, καλεῖσθαι δὲ Ἑσπερίδων μῆλα. "ἔτι δὲ μῆλα καὶ μηλέασ τὰσ λεγομένασ ἑσπερίδασ.