헬라어 텍스트

Athenaeus, The Deipnosophists, Book 3, book 3, chapter 19

(아테나이오스, The Deipnosophists, Book 3, book 3, chapter 19)

Δίφιλοσ δ’ ὁ Σίφνιόσ φησι τῶν σύκων εἶναι τὰ μὲν ἁπαλὰ ὀλιγότροφα καὶ κακόχυλα, εὐέκκριτα δὲ καὶ ἐπιπολαστικὰ εὐοικονομητότερά τε τῶν ξηρῶν, τὰ δὲ πρὸσ τῷ χειμῶνι γινόμενα βίᾳ πεπαινόμενα χείρονα τυγχάνει· τὰ δ’ ἐν τῇ ἀκμῇ τῶν ὡρῶν κρείττονα ὡσ ἂν κατὰ φύσιν πεπαινόμενα. τὰ δὲ πολὺν ὀπὸν ἔχοντα, καὶ. ’τὰ σπάνυδρα δ’ εὐστομώτερα μέν, βαρύτερα δέ. τὰ δὲ Τραλλιανὰ ἀναλογεῖ τοῖσ Ῥοδίοισ, τὰ δὲ Χῖα καὶ τἄλλα. πάντα τούτων εἶναι κακοχυλότερα. Μνησίθεοσ δ’ ὁ Ἀθηναῖοσ ἐν τῷ περὶ ἐδεστῶν φησιν· "ὅσα δὲ ὠμὰ προσφέρεται τῶν τοιούτων, οἱο͂ν ἄπιοι καὶ σῦκα καὶ μῆλα Δελφικὰ καὶ τὰ τοιαῦτα, δεῖ παραφυλάττειν τὸν καιρὸν ἐν ᾧ τοὺσ χυλοὺσ τοὺσ ἐν αὐτοῖσ μήτε ἀπέπτουσ μήτε σαπροὺσ μήτε κατεξηραμμένουσ λίαν ὑπὸ τῆσ ὡρ́ασ ἕξει. Δημήτριοσ δ’ ὁ Σκήψιοσ ἐν τῷ ιε’ τοῦ Τρωικοῦ διακόσμου εὐφώνουσ φησὶ γίνεσθαι τοὺσ μὴ σύκων ἐσθίοντασ.

Ἡγησιάνακτα γοῦν τὸν Ἀλεξανδρέα τὸν τὰσ ἱστορίασ γράψαντα κατ’ ἀρχὰσ ὄντα πένητα καὶ τραγῳδὸν φησι γενέσθαι καὶ ὑποκριτικὸν καὶ εὐήχον, ὀκτωκαίδεκα ἔτη σύκων μὴ γευσάμενον. καὶ παροιμίασ δὲ οἶδα περὶ σύκων λεγομένασ τοιάσδε·

σῦκον μετ’ ἰχθύν, ὄσπρεον μετὰ κρέα. σῦκα φίλ’ ὀρνίθεσσι, φυτεύειν δ’ οὐκ ἐθέλουσι.