호흡부호 보기
강세부호 보기
장단부호 보기
작은 Iota 보기
모든 부호 보기
ὅτι δὲ πάντων τῶν καλουμένων ξυλίνων καρπῶν ὠφελιμώτερά ἐστι τοῖσ ἀνθρώποισ τὰ σῦκα ἱκανῶσ Ἡρόδοτοσ ὁ Λύκιοσ διὰ πολλῶν ἀποδείκνυσιν ἐν τῷ περὶ σύκων συγγράμματι, εὐτραφῆ λέγων γίνεσθαι τὰ νεογνὰ τῶν παιδίων, ἐν τῷ χυλῷ τῶν σύκων εἰ διατρέφοιτο. Φερεκράτησ δὲ ἢ ὁ πεποιηκὼσ τοὺσ Πέρσασ φησὶν ἢν δ’ ἡμῶν σῦκόν τισ ἴδῃ διὰ χρόνου νέον ποτέ, τὠφθαλμὼ τούτῳ περιμάττομεν τὼ τῶν παιδίων, ὡσ καὶ ἰάματοσ οὐ τοῦ τυχόντοσ τῶν σύκων ὑπαρχόντων, ὁ δὲ θαυμασιώτατοσ καὶ μελίγηρυσ Ἡρόδοτοσ ἐν τῇ πρώτῃ τῶν ἱστοριῶν καὶ μέγα ἀγαθόν φησιν εἶναι τὰ σῦκα οὑτωσὶ λέγων· "βασιλεῦ, σὺ δ’ ἐπ’ ἄνδρασ τοιούτουσ παρασκευάζεαι στρατεύεσθαι, οἳ σκυτίνασ μὲν ἀναξυρίδασ, σκυτίνην δὲ τὴν ἄλλην ἐσθῆτα φορέουσι, σιτέονταὶ τ’ οὐχ ὅσα ἐθέλουσιν, ἀλλ’ ὅσα ἔχουσι, χώρην ἔχοντεσ τρηχείην πρὸσ δὲ οὐκ οἴνῳ διαχρέονται, ἀλλ’ ὑδροποτέουσιν· "οὐ σῦκα ἔχουσι τρώγειν, οὐκ ἄλλο οὐθὲν ἀγαθόν. "Φίλιπποσ, φησίν, ὁ Περσέωσ πατήρ ὅτε τὴν Ἀσίαν κατέτρεχεν ἀπορῶν τροφῶν τοῖσ στρατιώταισ παρὰ Μαγνήτων, ἐπεὶ σῖτον οὐκ εἶχον, σῦκα ἔλαβε. "διὸ καὶ Μυοῦντοσ κυριεύσασ τοῖσ Μάγνησιν ἐχαρίσατο τὸ χωρίον ἀντὶ τῶν σύκων. καὶ Ἀνάνιοσ δ’ ὁ ἰαμβοποιὸσ ἔφη·
εἴ τισ καθείρξαι χρυσὸν ἐν δόμοισ πολλὸν καὶ σῦκα βαιὰ καὶ δύ’ ἢ τρεῖσ ἀνθρώπουσ, γνοίη χ’ ὅσῳ τὰ σῦκα τοῦ χρυσοῦ κρέσσω. τοσαῦτα τοῦ Μάγνου συκολογήσαντοσ Δάφνοσ ὁ ἰατρὸσ ἔφη·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기