헬라어 텍스트

Athenaeus, The Deipnosophists, Book 11, book 11, chapter 63

(아테나이오스, The Deipnosophists, Book 11, book 11, chapter 63)

κυμβία τὰ ποτήρια καὶ πλοῖα μικρὰ Σιμάριστοσ. Δωρόθεοσ δέ· "γένοσ ποτηρίων βαθέων τὰ κυμβία καὶ ὀρθῶν,1 πυθμένα μὴ ἐχόντων μηδὲ ὦτα. Πτολεμαῖοσ δὲ ὁ τοῦ Ἀριστονίκου τὰ κυφά. Νίκανδροσ δ’ ὁ Θυατειρηνὸσ τὸ χωρὶσ ὠτίων ποτήριον ὠνομακέναι Θεόπομπον ἐν Μήδῳ. Φιλήμων Φάσματι· ἔπιεν ἡ Ῥόδη κυμβίον ἀκράτου· κατασέσειχ’ ὑμᾶσ ἄφνω. Διονύσιοσ δ’ ὁ Σάμιοσ ἐν ἕκτῳ περὶ τοῦ Κύκλου τὸ αὐτὸ οἰέται εἶναι κισσύβιον καὶ κυμβίον. φησὶ γὰρ ὡσ Ὀδυσσεὺσ πληρώσασ κυμβίον ἀκράτου ὤρεξε τῷ Κύκλωπι, οὐκ ἔστι δὲ μικρὸν τὸ διδόμενον αὐτῷ κισσύβιον παρ’ Ὁμήρῳ· οὐ γὰρ ἂν τρὶσ πιὼν μέγιστοσ ὢν τὸ σῶμα ταχέωσ ἂν ὑπὸ τῆσ μέθησ κατηνέχθη. τοῦ κυμβίου μνημονεύει καὶ Δημοσθένησ ἐν τῷ κατὰ Μειδίου ἀκολουθεῖν αὐτῷ φάσκων ῥυτὰ καὶ κυμβία. καὶ πάλιν ἐν τῷ αὐτῷ· "ἐπ’ ἀστράβησ δὲ ὀχούμενοσ ἐξ Ἀργούρασ τῆσ Εὐβοίασ,6 χλανίδασ δ’ ἐπ’ ὄχου καὶ κυμβία καὶ κάδουσ ἔχων, ὧν ἐπελαμβάνοντο οἱ πεντηκοστολόγοι. καὶ ἐν τῷ κατὰ Εὐέργου καὶ Μνησιβούλου.

φησὶ δὲ Δίδυμοσ ὁ γραμματικὸσ ἐπίμηκεσ εἶναι τὸ ποτήριον καὶ στενὸν τῷ σχήματι, παρόμοιον πλοίῳ ὃ καλεῖται κύμβη. καὶ ’ Ἀναξανδρίδησ ἐν Ἀγροίκοισ· μεγάλ’ ἴσωσ ποτήρια προπινόμενα καὶ μέστ’ ἀκράτου κυμβία ἐκάρωσεν ὑμᾶσ. β. ἀνακεχαίτικεν μὲν οὖν. Ἄλεξισ Ἱππεῖ· τά τε κυμβία ἆρ’ ἦν πρόσωπ’ ἔχοντα χρυσᾶ παρθένων; β.

νὴ τὸν Δί’, ἦν γάρ. α. ὦ τάλαιν’ ἐγὼ κακῶν.