호흡부호 보기
강세부호 보기
장단부호 보기
작은 Iota 보기
모든 부호 보기
τῶν δ’ Ἀττικῶν ἄρτων ὡσ διαφόρων μνημονεύει καὶ Ἀντιφάνησ ἐν Ὀμφάλῃ οὕτωσ· πῶσ γὰρ ἄν τισ εὐγενὴσ γεγὼσ δύναιτ’ ἂν ἐξελθεῖν ποτ’ ἐκ τῆσδε στέγησ, ὁρῶν μὲν ἄρτουσ τούσδε λευκοσωμάτουσ ἰπνὸν κατέχοντασ ἐν πυκναῖσ διεξόδοισ, ὁρῶν δὲ μορφὴν κριβάνοισ ἠλλαγμένουσ, μίμημα χειρὸσ Ἀττικῆσ, οὓσ δημόταισ Θεαρίων ἔδειξεν; οὗτόσ ἐστι Θεαρίων ὁ ἀρτοποιὸσ οὗ μνημονεύει Πλάτων ἐν Γοργίᾳ συγκαταλέγων αὐτῷ καὶ Μίθαικον οὕτωσ γράφων· οἵτινεσ ἀγαθοὶ γεγόνασιν ἢ εἰσὶ σωμάτων θεραπευταὶ ἔλεγέσ μοι πάνυ σπουδάζων, Θεαρίων ὁ ἀρτοκόποσ καὶ Μίθαικοσ ὁ τὴν ὀψοποιίαν συγγεγραφὼσ τὴν Σικελικὴν καὶ Σάραμβοσ ὁ κάπηλοσ, ὅτι οὗτοι θαυμάσιοι γεγόνασι σωμάτων θεραπευταί, ὁ μὲν ἄρτουσ θαυμαστοὺσ παρασκευάζων, ὁ δὲ ὄψον, ὁ δὲ οἶνον. καὶ Ἀριστοφάνησ ἐν Γηρυτάδῃ καὶ Αἰολοσίκωνι διὰ τούτων ἥκω Θεαρίωνοσ ἀρτοπώλιον λιπών, ἵν’ ἐστὶ κριβάνων ἑδώλια.
Κυπρίων δὲ ἄρτων μνημονεύει Εὔβουλοσ ὡσ διαφόρων ἐν Ὀρθάννῃ διὰ τούτων δεινὸν μὲν ἰδόντα παριππεῦσαι Κυπρίουσ ἄρτουσ· Μαγνῆτισ γὰρ λίθοσ ὣσ ἕλκει τοὺσ πεινῶντασ.
τῶν δὲ κολλικίων ἄρτων ‐ οἱ αὐτοὶ δ’ εἰσὶ τοῖσ κολλάβοισ ‐ ἔφιπποσ ἐν Ἀρτέμιδι μνημονεύει οὕτωσ παρἈλεξάνδρου δ’ ἐκ Θετταλίασ κολλικοφάγε κρίβανοσ ἄρτων. Ἀριστοφάνησ δ’ ἐν Ἀχαρνεῦσιν ὦ χαῖρε κολλικοφάγε Βοιωτίδιον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기