헬라어 문장 검색 - Παυσαν́Δεσξριπ́4́02́

(파우사니아스, Description of Greece, Μεσσηνιακά, chapter 2)

πυθέσθαι δὲ σπουδῇ πάνυ ἐθελήσασ, οἵ τινεσ παῖδεσ Πολυκάονι ἐγένοντο ἐκ Μεσσήνησ, ἐπελεξάμην τάσ τε Ηοἴασ καλουμένασ καὶ τὰ ἔπη τὰ Ναυπάκτια, πρὸσ δὲ αὐτοῖσ ὁπόσα Κιναίθων καὶ Ἄσιοσ ἐγενεαλόγησαν. μεγάλασ οἶδα Ηοἴασ, τὰ δὲ ἐσ τὸν Μεσσήνησ ἄνδρα καὶ τὰ ἐσ αὐτὴν Μεσσήνην παρεῖταί σφισι.

χρόνῳ δὲ ὕστερον, ὡσ ἦν τῶν Πολυκάονοσ οὐδεὶσ ἔτι ἀπογόνων, ἐσ γενεὰσ πέντε ἐμοὶ δοκεῖν προελθόντων καὶ οὐ πλέονασ, Περιήρην τὸν Αἰόλου βασιλέα ἐπάγονται.

παρὰ τοῦτον ἀφίκετο, ὡσ οἱ Μεσσήνιοί φασι, Μελανεύσ, τοξεύειν ἀνὴρ ἀγαθὸσ καὶ διὰ τοῦτο Ἀπόλλωνοσ εἶναι νομιζόμενοσ· καί οἱ τῆσ χώρασ τὸ Καρνάσιον, τότε δὲ Οἰχαλίαν κληθεῖσαν, ἀπένειμεν ὁ Περιήρησ ἐνοικῆσαι· γενέσθαι δὲ ὄνομα Οἰχαλίαν τῇ πόλει φασὶν ἀπὸ τοῦ Μελανέωσ τῆσ γυναικόσ. Θεσσαλοὶ δὲ καὶ Εὐβοεῖσ, ἥκει γὰρ δὴ ἐσ ἀμφισβήτησιν τῶν ἐν τῇ Ἑλλάδι <τὰ> πλείω, λέγουσιν οἱ μὲν ὡσ τὸ Εὐρύτιον ‐ χωρίον δὲ ἔρημον ἐφ’ ἡμῶν ἐστι τὸ Εὐρύτιον ‐ πόλισ τὸ ἀρχαῖον ἦν καὶ ἐκαλεῖτο Οἰχαλία, τῷ δὲ Εὐβοέων λόγῳ Κρεώφυλοσ ἐν Ἡρακλείᾳ πεποίηκεν ὁμολογοῦντα·

Ἑκαταῖοσ δὲ ὁ Μιλήσιοσ ἐν Σκίῳ μοίρᾳ τῆσ Ἐρετρικῆσ ἔγραψεν εἶναι Οἰχαλίαν. ἀλλὰ γὰρ οἱ Μεσσήνιοι τά τε ἄλλα δοκοῦσί μοι μᾶλλον εἰκότα ἐκείνων λέγειν καὶ οὐχ ἥκιστα τῶν ὀστῶν ἕνεκα τῶν Εὐρύτου, ἃ δὴ καὶ ἐν τοῖσ ἔπειτά που <ὁ> λόγοσ ἐπέξεισί μοι. Περιήρει δὲ ἐγεγόνεσαν ἐκ Γοργοφόνησ τῆσ Περσέωσ Ἀφαρεὺσ καὶ Λεύκιπποσ, καὶ ὡσ ἀπέθανε Περιήρησ, ἔσχον οὗτοι τὴν Μεσσηνίων ἀρχήν·

κυριώτεροσ δὲ ἔτι Ἀφαρεὺσ ἦν. οὗτοσ βασιλεύσασ πόλιν ᾤκισεν Ἀρήνην ἀπὸ τῆσ Οἰβάλου θυγατρόσ, αὑτοῦ δὲ γυναικὸσ τῆσ αὐτῆσ καὶ ἀδελφῆσ ὁμομητρίασ· Οἰβάλῳ συνῴκησε Γοργοφόνη, καί μοι δὶσ ἤδη τὰ ἐσ αὐτὴν ὁ λόγοσ ἔν τε τῇ Ἀργολίδι ἐδήλωσε καὶ ἐν τῇ Λακωνικῇ συγγραφῇ.

ὁ δ’ οὖν Ἀφαρεὺσ πόλιν τε ἔκτισεν ἐν τῇ Μεσσηνίᾳ τὴν Ἀρήνην καὶ Νηλέα τὸν Κρηθέωσ τοῦ Αἰόλου, Ποσειδῶνοσ δὲ ἐπίκλησιν, ἀνεψιὸν ὄντα αὐτῷ, φεύγοντα ἐξ Ιὠλκοῦ Πελίαν ἐδέξατο οἴκῳ καὶ τῆσ γῆσ οἱ ἔδωκε τὰ ἐπὶ θαλάσσῃ, ἐν οἷσ ἄλλαι τε ἦσαν πόλεισ καὶ ἡ Πύλοσ, ἔνθα καὶ ᾤκησε καὶ τὸ βασίλειον κατεστήσατο ὁ Νηλεύσ.

ἀφίκετο δὲ ἐσ τὴν Ἀρήνην καὶ Λύκοσ ὁ Πανδίονοσ, ὅτε καὶ αὐτὸσ τὸν ἀδελφὸν Αἰγέα ἐξ Ἀθηνῶν ἔφευγε·

καὶ τὰ ὄργια ἐπέδειξε τῶν Μεγάλων θεῶν Ἀφαρεῖ καὶ τοῖσ παισὶ καὶ τῇ γυναικὶ Ἀρήνῃ· ταῦτα δέ σφισιν ἐπεδείκνυτο ἀγαγὼν ἐσ τὴν Ἀνδανίαν, ὅτι καὶ τὴν Μεσσήνην ὁ Καύκων ἐμύησεν ἐνταῦθα. Ἀφαρεῖ δὲ τῶν παίδων πρεσβύτεροσ μὲν καὶ ἀνδρειότεροσ Ἴδασ, νεώτεροσ δὲ ἦν Λυγκεύσ, ὃν ἔφη Πίνδαροσ ‐ ὅτῳ πιστὰ ‐ οὕτωσ ὀξὺ ὁρᾶν ὡσ καὶ διὰ στελέχουσ θεᾶσθαι δρυόσ.

Λυγκέωσ μὲν δὴ παῖδα οὐκ ἴσμεν γενόμενον, Ἴδα δὲ Κλεοπάτραν θυγατέρα ἐκ Μαρπήσσησ, ἣ Μελεάγρῳ συνῴκησεν. ὁ δὲ τὰ ἔπη ποιήσασ τὰ Κύπρια Πρωτεσιλάου φησίν, ὃσ ὅτε κατὰ τὴν Τρῳάδα ἔσχον Ἕλληνεσ ἀποβῆναι πρῶτοσ ἐτόλμησε, Πρωτεσιλάου τούτου τὴν γυναῖκα Πολυδώραν μὲν τὸ ὄνομα, θυγατέρα δὲ Μελεάγρου φησὶν εἶναι τοῦ Οἰνέωσ. εἰ τοίνυν ἐστὶν ἀληθέσ, αἱ γυναῖκεσ αὗται τρεῖσ οὖσαι τὸν ἀριθμὸν ἀπὸ Μαρπήσσησ ἀρξάμεναι προαποθανοῦσι πᾶσαι τοῖσ ἀνδράσιν ἑαυτὰσ ἐπικατέσφαξαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 2

(파우사니아스, Description of Greece, Μεσσηνιακά, chapter 2)

상위

목록

SEARCH

MENU NAVIGATION