헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 74)

τῶν τε παρασήμων, ἃ τοῖσ βασιλεῦσιν ἀποδέδοται, πολλῶν ὄντων εἴ τινα λυπηρὰσ ὄψεισ καὶ ἐπιφθόνουσ τοῖσ πολλοῖσ παρέχεται, τὰ μὲν μειῶσαι, τὰ δ’ ἀφελεῖν ἡμᾶσ οἰόμαι δεῖν· τὰ σκῆπτρα ταυτὶ λέγω καὶ τοὺσ χρυσοῦσ στεφάνουσ καὶ τὰσ ἁλουργεῖσ καὶ χρυσοσήμουσ ἀμπεχόνασ, πλὴν εἰ μὴ κατὰ καιρούσ τινασ ἑορταίουσ καὶ ἐν πομπαῖσ θριάμβων, ὅτε αὐτὰ τιμῆσ θεῶν ἕνεκα λήψονται·

λυπήσει γὰρ οὐδέν’, ἐὰν γένηται σπάνια· θρόνον δὲ τοῖσ ἀνδράσιν ἐλεφάντινον, ἐν ᾧ καθεζόμενοι δικάσουσι, καὶ λευκὴν ἐσθῆτα περιπόρφυρον καὶ τοὺσ προηγουμένουσ ἐν ταῖσ ἐξόδοισ δώδεκα πελέκεισ καταλιπεῖν. ἔτι πρὸσ τούτοισ, ὃ πάντων οἰόμαι τῶν εἰρημένων χρησιμώτατον ἔσεσθαι καὶ τοῦ μὴ πολλὰ ἐξαμαρτάνειν τοὺσ παραληψομένουσ τὴν ἀρχὴν αἰτιώτατον, μὴ διὰ βίου τοὺσ αὐτοὺσ ἐᾶν ἄρχειν·

χαλεπὴ γὰρ ἅπασιν ἀόριστοσ ἀρχὴ καὶ μηδεμίαν ἐξέτασιν διδοῦσα τῶν πραττομένων, ἐξ ἧσ φύεται τυραννίσ·

ἀλλ’ εἰσ ἐνιαύσιον χρόνον, ὡσ παρ’ Ἀθηναίοισ γίνεται, τὸ κράτοσ τῆσ ἀρχῆσ συνάγειν. τὸ γὰρ ἐν μέρει τὸν αὐτὸν ἄρχειν τε καὶ ἄρχεσθαι καὶ πρὸ τοῦ διαφθαρῆναι τὴν διάνοιαν ἀφίστασθαι τῆσ ἐξουσίασ συστέλλει τὰσ αὐθάδεισ φύσεισ καὶ οὐκ ἐᾷ μεθύσκεσθαι ταῖσ ἐξουσίαισ τὰ ἤθη.

ταῦθ’ ἡμῖν καταστησαμένοισ ὑπάρξει τὰ μὲν ἀγαθὰ καρποῦσθαι τῆσ βασιλικῆσ πολιτείασ, τῶν δὲ παρακολουθούντων αὐτῇ κακῶν ἀπηλλάχθαι. ἵνα δὲ καὶ τοὔνομα τῆσ βασιλικῆσ ἐξουσίασ πάτριον ὑπάρχον ἡμῖν καὶ σὺν οἰωνοῖσ αἰσίοισ θεῶν ἐπικυρωσάντων παρεληλυθὸσ εἰσ τὴν πόλιν αὐτῆσ ἕνεκα τῆσ ὁσίασ φυλάττηται, ἱερῶν ἀποδεικνύσθω τισ ἀεὶ βασιλεύσ, ὁ τὴν τιμὴν ταύτην ἕξων διὰ βίου, πάσησ ἀπολελυμένοσ πολεμικῆσ καὶ πολιτικῆσ ἀσχολίασ, ἓν τοῦτο μόνον ἔχων ἔργον ὥσπερ ὁ βασιλεύσ, τὴν ἡγεμονίαν τῶν θυηπολιῶν, ἄλλο δ’ οὐδέν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 74

(디오니시오스, Antiquitates Romanae, Books IV-VI, book 4, chapter 74)

상위

목록

SEARCH

MENU NAVIGATION