헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 14)

ὁ δὲ Τύλλιοσ, ἐπειδὴ τοὺσ ἑπτὰ λόφουσ ἑνὶ τείχει περιέλαβεν, εἰσ τέτταρασ μοίρασ διελὼν τὴν πόλιν καὶ θέμενοσ ἐπὶ τῶν λόφων ταῖσ μοίραισ τὰσ ἐπικλήσεισ, τῇ μὲν Παλατίνην, τῇ δὲ Σουβουράνην, τῇ δὲ τρίτῃ Κολλίνην, τῇ δὲ τετάρτῃ τῶν μοιρῶν Ἰσκυλίνην, τετράφυλον ἐποίησε τὴν πόλιν εἶναι, τρίφυλον οὖσαν τέωσ· ἑτέραν οἴκησιν μήτ’ ἄλλοθι που συντελεῖν, τάσ τε καταγραφὰσ τῶν στρατιωτῶν καὶ τὰσ εἰσπράξεισ τῶν χρημάτων τὰσ γινομένασ εἰσ τὰ στρατιωτικὰ καὶ τὰσ ἄλλασ χρείασ, ἃσ ἕκαστον ἔδει τῷ κοινῷ παρέχειν, οὐκέτι κατὰ τὰσ τρεῖσ φυλὰσ τὰσ γενικὰσ ὡσ πρότερον, ἀλλὰ κατὰ τὰσ τέτταρασ τὰσ τοπικὰσ τὰσ ὑφ’ ἑαυτοῦ διαταχθείσασ ἐποιεῖτο, ἡγεμόνασ ἐφ’ ἑκάστησ ἀποδείξασ συμμορίασ, ὥσπερ φυλάρχουσ ἢ κωμάρχασ, οἷσ προσέταξεν εἰδέναι, ποίαν οἰκίαν ἕκαστοσ οἰκεῖ.

ἔπειτα κατὰ πάντασ ἐκέλευσε τοὺσ στενωποὺσ ἐγκατασκευασθῆναι καλιάδασ ὑπὸ τῶν γειτόνων ἡρ́ωσι προνωπίοισ καὶ θυσίασ αὐτοῖσ ἐνομοθέτησεν ἐπιτελεῖσθαι καθ’ ἕκαστον ἐνιαυτὸν πελάνουσ εἰσφερούσησ ἑκάστησ οἰκίασ·

τοῖσ δὲ τὰ περὶ τῶν γεινόνων ἱερὰ συντελοῦσιν ἐν τοῖσ προνωπίοισ οὐ τοὺσ ἐλευθέρουσ, ἀλλὰ τοὺσ δούλουσ ἔταξε παρεῖναί τε καὶ συνιερουργεῖν, ὡσ κεχαρισμένησ τοῖσ ἡρ́ωσι τῆσ τῶν θεραπόντων ὑπηρεσίασ·

ἣν ἔτι καὶ καθ’ ἡμᾶσ ἑορτὴν ἄγοντεσ Ῥωμαῖοι διετέλουν ὀλίγαισ ὕστερον ἡμέραισ τῶν Κρονίων, σεμνὴν ἐν τοῖσ πάνυ καὶ πολυτελῆ, Κομπιτάλια προσαγορεύοντεσ αὐτὴν ἐπὶ τῶν στενωπῶν·

κομπίτουσ γὰρ τοὺσ στενωποὺσ καλοῦσι· καὶ φυλάττουσι τὸν ἀρχαῖον ἐθισμὸν ἐπὶ τῶν ἱερῶν, διὰ τῶν θεραπόντων τοὺσ ἡρ́ωασ ἱλασκόμενοι καὶ ἅπαν τὸ δοῦλον ἀφαιροῦντεσ αὐτῶν ἐν ταῖσ ἡμέραισ ἐκείναισ, ἵνα τῇ φιλανθρωπίᾳ ταύτῃ τιθασσευόμενοι μέγα τι καὶ σεμνὸν ἐχούσῃ χαριέστεροι γίνωνται περὶ τοὺσ δεσπότασ καὶ τὰ λυπηρὰ τῆσ τύχησ ἧττον βαρύνωνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 14

(디오니시오스, Antiquitates Romanae, Books IV-VI, book 4, chapter 14)

상위

목록

SEARCH

MENU NAVIGATION