헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 7)

ἔχει δὲ καὶ ἄλλασ τινὰσ τὸ πρᾶγμα ἀτοπίασ, ἃσ ἅπαντεσ ἠγνόησαν οἱ τὰ Ῥωμαϊκὰ συνταξάμενοι πλὴν ἑνόσ, οὗ μετὰ μικρὸν ἐρῶ τοὔνομα. ὡμολόγηται γάρ, ὅτι μετὰ τὴν Ταρκυνίου τελευτὴν παραλαβὼν τὴν βασιλείαν Τύλλιοσ ἐπ’ ἔτη τετταράκοντα καὶ τέτταρα κατέσχεν, ὥστ’ εἰ κατ’ ἐκεῖνον τὸν χρόνον ἑκτακαιεικοσαέτησ ἦν, ὅτ’ ἀπεστερεῖτο τῆσ ἀρχῆσ ὁ πρεσβύτεροσ τῶν Ταρκυνίων, ὑπὲρ ἑβδομήκοντα ἔτη γεγονὼσ ἄν ἦν, ὅτε τὸν Τύλλιον ἀπέκτεινεν.

ἐν κρατίστῃ δέ γ’ αὐτὸν ἡλικίᾳ τότ’ ὄντα παραδεδώκασιν οἱ συγγραφεῖσ καί φασιν, ὅτι Τύλλιον αὐτὸσ ἀράμενοσ ἐκ τοῦ βουλευτηρίου καὶ φέρων ἔξω κατὰ τῶν κρηπίδων ἐξέχεεν.

ἥ τ’ ἐκ τῆσ ἀρχῆσ ἔκπτωσισ αὐτοῦ γίνεται πέμπτῳ καὶ εἰκοστῷ μετὰ ταῦτ’ ἔτει, καὶ τούτῳ τῷ ἔτει στρατευόμενοσ ἐν τῷ πρὸσ Ἀρδεάτασ εἰσάγεται πολέμῳ καὶ πάντα τὰ ἔργα δι’ ἑαυτοῦ τελῶν· οὐκ εἶχε δὲ λόγον ἐν πολέμοισ ἐξετάζεσθαι ἓξ καὶ ἐνενήκοντα βεβιωκὼσ ἔτη. ἐκπεσών τε τῆσ ἀρχῆσ ἔτι πολεμεῖν Ῥωμαίοισ οὐκ ἐλάττω τεττάρων καὶ δέκα ἐτῶν, αὐτὸσ ἐν τοῖσ πράγμασιν ἐξεταζόμενοσ, ὥσ φασι, παρὰ τὰσ κοινὰσ ἁπάντων ἐστὶ δόξασ, καὶ ὁ τοῦ βίου χρόνοσ αὐτῷ πλείων ἀναφαίνεται τῶν ἑκατὸν καὶ δέκα γεγονὼσ ἐτῶν·

τοῦτο δὲ τὸ μῆκοσ τῶν βίων οὐ φέρουσιν οἱ καθ’ ἡμᾶσ τόποι.

ταῦτα δὴ τὰ ἄτοπα συνειδότεσ τῶν Ῥωμαϊκῶν συγγραφέων τινὲσ ἑτέραισ αὐτὰ λύειν ἐπειράθησαν ἀτοπίαισ, οὐ Τανακυλίδα ποιοῦντεσ μητέρα τῶν παιδίων, ἀλλὰ Γεγανίαν τινά, περὶ ἧσ οὐδεμίαν παρειλήφαμεν ἱστορίαν·

ἀώροσ δὴ γίνεται πάλιν ὁ γάμοσ τοῦ Ταρκυνίου μικρὸν ἀπολείποντοσ ἐτῶν ὀγδοήκοντα, καὶ ἡ τῶν τέκνων γένεσισ τοῖσ ταύτην ἔχουσι τὴν ἡλικίαν ἄπιστοσ· οὐδὲ γὰρ ἄπαισ ἦν, ὥστ’ ἐκ παντὸσ ἐπιθυμῆσαι τέκνων, ἀλλὰ θυγατέρεσ ἦσαν αὐτῷ δύο καὶ αὗταί γ’ ἤδη γεγαμημέναι. τούτων δὴ τῶν ἀδυνάτων τε καὶ ἀτόπων ἕκαστα ἐπιλογιζόμενοσ οὐχ υἱοὺσ εἶναι Ταρκυνίου γράφω τοὺσ παῖδασ, ἀλλ’ υἱωνούσ, Λευκίῳ Πείσωνι τῷ Φρῦγι συγκαταθέμενοσ.

ἐκεῖνοσ γὰρ ἐν ταῖσ ἐνιαυσίοισ πραγματείαισ ταῦθ’ ἱστόρηκε μόνοσ·

εἰ μή γ’ ἄρα γόνῳ μὲν ἦσαν υἱωνοὶ τοῦ βασιλέωσ οἱ παῖδεσ, ποιήσει δ’ υἱοί, καὶ τοῦτ’ ἦν αἴτιον τῆσ ἀπάτησ τοῖσ ἄλλοισ ἅπασι τοῖσ συγγράψασι τὰσ Ῥωμαϊκὰσ ἱστορίασ. προειρημένων δὴ τούτων καιρὸσ ἐπανάγειν ἐπὶ τὴν ἀπολειπομένην διήγησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 7

(디오니시오스, Antiquitates Romanae, Books IV-VI, book 4, chapter 7)

상위

목록

SEARCH

MENU NAVIGATION