헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 4)

φύσεώσ τε δὴ μετειληφὼσ ἀποχρώντωσ κατεσκευασμένησ πρὸσ ἡγεμονίαν οὗτοσ ὁ ἀνὴρ καὶ τὰσ παρὰ τῆσ τύχησ πολλὰσ καὶ μεγάλασ ἐσχηκὼσ ἀφορμάσ, ἐπειδὴ τελευτῆσαι συνέβη Ταρκύνιον ἐπιβουλευθέντα ὑπὸ τῶν Ἄγκου Μαρκίου παίδων ἀνασώσασθαι τὴν τοῦ πατρὸσ ἀρχὴν βουλομένων, ὡσ ἐν τῷ πρὸ τούτου δεδήλωκα λόγῳ, δόξασ ὑπὸ τῶν πραγμάτων αὐτῶν ἐπὶ τὴν βασιλείαν καλεῖσθαι, δραστήριοσ ἀνὴρ οὐκ ἀφῆκεν ἐκ τῶν χειρῶν τὸν καιρόν. ἡ δὲ συγκατασκευάσασα τὴν ἡγεμονίαν αὐτῷ καὶ πάντων αἰτία γενομένη τῶν ἀγαθῶν ἡ τοῦ τετελευτηκότοσ βασιλέωσ ἦν γυνὴ γαμβρῷ τε συλλαμβάνουσα ἰδίῳ καὶ ἐκ πολλῶν συνεγνωκυῖα θεσφάτων, ὅτι βασιλεῦσαι Ῥωμαίων ἐκεῖνον τὸν ἄνδρα εἵμαρτο.

υἱὸσ οὐ πρὸ πολλοῦ τετελευτηκὼσ χρόνου, παιδία δ’ ἐξ ἐκείνου δύο νήπια καταλειπόμενα.

ἐνθυμουμένη δὲ τὴν περὶ τὸν οἶκον ἐρημίαν καὶ περιδεὴσ οὖσα, μὴ κατασχόντεσ οἱ Μάρκιοι τὴν ἀρχὴν ἄρωνται τὰ παιδία καὶ πᾶσαν τὴν βασιλικὴν συγγένειαν ἀφανίσωσι, πρῶτον μὲν ἐπέταξε τὰσ τῶν βασιλείων θύρασ κλεῖσαι καὶ φύλακασ ἐπ’ αὐταῖσ ἐπέστησε διακελευσαμένη μηδένα παριέναι μήτ’ ἔσω μήτ’ ἔξω·

ἔπειτ’ ἐκ τοῦ δωματίου πάντασ ἐξελθεῖν κελεύσασα τοὺσ ἄλλουσ, ἐν ᾧ τὸν Ταρκύνιον ἡμιθνῆτα ἔθεσαν, τὴν δ’ Ὀκρισίαν καὶ τὸν Τύλλιον καὶ τὴν θυγατέρα τὴν συνοικοῦσαν τῷ Τυλλίῳ κατασχοῦσα καὶ τὰ παιδία ὑπὸ τῶν τροφῶν ἐνεχθῆναι κελεύσασα λέγει πρὸσ αὐτούσ· Ταρκύνιοσ μὲν ἡμῖν ὁ βασιλεύσ, ὦ Τύλλιε, παρ’ ᾧ τροφῆσ καὶ παιδείασ ἔτυχεσ, ἁπάντων μάλιστα σὲ τιμήσασ φίλων καὶ συγγενῶν ἀνόσια παθὼν ἐκπεπλήρωκε τὴν ἑαυτοῦ μοῖραν οὔτε περὶ τῶν ἰδίων πραγμάτων διαθέμενοσ οὐδὲν οὔτε περὶ τῶν κοινῶν καὶ πολιτικῶν ἐπισκήψασ, ἀλλ’ οὐδ’ ἀσπάσασθαί τινα ἡμῶν καὶ προσαγορεῦσαι τοὺσ ἐσχάτουσ ἀσπασμοὺσ δυνηθείσ.

ἔρημα δὲ καὶ ὀρφανὰ τὰ δύστηνα ταυτὶ παιδία καταλείπεται κίνδυνον οὐ τὸν ἐλάχιστον ὑπὲρ τῆσ ψυχῆσ τρέχοντα· εἰ γὰρ ἐπὶ Μαρκίοισ τοῖσ ἀνελοῦσι τὸν πάππον αὐτῶν τὰ τῆσ πόλεωσ ἔσται πράγματα, τὸν οἴκτιστον ἀπολοῦνται τρόπον ὑπ’ αὐτῶν·

ἔσται γ’ οὐδ’ ὑμῖν ἀσφαλὴσ ὁ βίοσ, οἷσ ἐνεγγύησε Ταρκύνιοσ τὰσ ἑαυτοῦ θυγατέρασ ἐκείνουσ ὑπεριδών, ἐὰν οἱ φονεύσαντεσ αὐτὸν τὴν ἀρχὴν κατάσχωσιν, οὐδὲ τοῖσ ἄλλοισ αὐτοῦ φίλοισ καὶ συγγενέσιν οὐδ’ ἡμῖν ταῖσ ἀθλίαισ γυναιξίν· ἀλλὰ πάντασ ἡμᾶσ φανερῶσ τε καὶ κρύφα πειράσονται διολέσαι. ταῦτ’ οὖν ἐνθυμουμένουσ ἡμᾶσ δεῖ μὴ περιορᾶν τοὺσ ἐκεῖνον ἀποκτείναντασ ἄνδρασ ἀνοσίουσ καὶ πᾶσιν ἡμῖν ἐχθροὺσ τοσαύτην ἀρχὴν κτησαμένουσ, ἀλλ’ ἐναντιοῦσθαι καὶ κωλύειν νῦν μὲν ἀπάτῃ καὶ δόλῳ χρησαμένουσ·

τούτων γὰρ ἐν τῷ παρόντι δεῖ·

ὅταν δὲ τὰ πρῶτα ἡμῖν χωρήσῃ κατὰ νοῦν, τότε καὶ ἐκ τοῦ φανεροῦ πάσῃ δυνάμει καὶ μεθ’ ὅπλων αὐτοῖσ ὁμόσε χωροῦντασ, ἐὰν ἄρα καὶ τούτων δέῃ. ἀλλ’ οὐ δεήσει βουληθέντων ἡμῶν πράττειν νῦν ἃ δεῖ. τίνα δὲ ταῦτ’ ἐστί;

πρῶτον μὲν κρυπτώμεθα τὸν τοῦ βασιλέωσ θάνατον καὶ πρὸσ ἅπαντασ ἐξενεχθῆναι παρασκευάσωμεν, ὅτι πληγὴν οὐδεμίαν ἔχει καίριον, οἵ τ’ ἰατροὶ λεγέτωσαν ἐν ὀλίγαισ ἡμέραισ αὐτὸν ἀποδείξειν ὑγιῆ· ἔπειτ’ ἐγὼ προελθοῦσα εἰσ τοὐμφανὲσ ἐρῶν πρὸσ τὸν ὄχλον, ὡσ δὴ Ταρκυνίου μοι ταῦτ’ εἰπεῖν ἐπισκήψαντοσ, ὅτι πάντων ἀποδείκνυσιν ἐπιμελητὴν καὶ φύλακα τῶν τ’ ἰδίων καὶ τῶν κοινῶν, ἑώσ αὐτὸσ ἐκ τῶν τραυμάτων ὑγιὴσ γένηται, τὸν ἕτερον τῶν ἑαυτοῦ γαμβρῶν, τὸ σὸν εἰποῦσα, ὦ Τύλλιε, ὄνομα ἔσται δ’ οὐκ ἄκουσι Ῥωμαίοισ, ἀλλὰ βουλομένοισ ὑπὸ σοῦ τὴν πόλιν ἐπιτροπεύεσθαι, ὑφ’ οὗ πολλάκισ ἤδη καὶ πρότερον ἐπετροπεύθη. ὅταν δὲ τὸν παρόντα κίνδυνον διασκεδάσωμεν, οὐδὲν γὰρ ἔτι τῶν ἐχθρῶν ἰσχυρόν ἐστι ζῆν τοῦ βασιλέωσ ἀγγελλομένου, παραλαβὼν σὺ τάσ τε ῥάβδουσ καὶ τὴν τῶν ὅπλων ἐξουσίαν κάλει τοὺσ βουλεύσαντασ ἀποκτεῖναι Ταρκύνιον ἐπὶ τὸν δῆμον ἀπὸ τῶν Μαρκίου παίδων ἀρξάμενοσ καὶ πρόθεσ αὐτοῖσ δίκασ·

τιμωρησάμενοσ δὲ τούτουσ ἅπαντασ, ἐὰν μὲν ὑπομείνωσι τὰσ κρίσεισ, θανάτοισ, ἐὰν δ’ ἐρήμουσ ἀφῶσιν, ὃ μᾶλλον αὐτοὺσ οἶμαι ποιήσειν, ἀειφυγίᾳ καὶ δημεύσει τῶν ὑπαρχόντων, καθίστασ’ ἤδη τὰ περὶ τὴν ἀρχὴν ὁμιλίαισ τε φιλανθρώποισ τὸ πλῆθοσ ἀναλαμβάνων καὶ τοῦ μηδὲν ἀδίκημα γενέσθαι πολλὴν ἔχων φροντίδα καὶ τοὺσ ἀπόρουσ τῶν πολιτῶν εὐεργεσίαισ τισὶ καὶ δωρεαῖσ ὑπαγόμενοσ·

Ταρκύνιον καὶ ταφὰσ αὐτοῦ ποιῶμεν ἀπὸ τοῦ φανεροῦ.

δίκαιοσ δ’ εἶ, Τύλλιε, τραφείσ θ’ ὑφ’ ἡμῶν καὶ παιδευθεὶσ καὶ πάντων μετεσχηκὼσ ἀγαθῶν, ὅσων παρὰ μητρόσ τε καὶ πατρὸσ υἱοὶ μεταλαμβάνουσι, καὶ θυγατρὶ συνοικῶν ἡμετέρᾳ, ἐὰν δὴ καὶ βασιλεὺσ ἔτι γένῃ Ῥωμαίων ἐμοῦ καὶ εἰσ τοῦτό σοι συναγωνισαμένησ, πατρὸσ εὔνοιαν τοῖσ παιδίοισ τοῖσ2δε παρασχέσθαι· ὅταν δ’ εἰσ ἄνδρασ ἔλθωσι καὶ τὰ κοινὰ πράττειν ἱκανοὶ γένωνται, τὸν πρεσβύτερον αὐτῶν ἀποδεῖξαι Ῥωμαίων ἡγεμόνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 4

(디오니시오스, Antiquitates Romanae, Books IV-VI, book 4, chapter 4)

상위

목록

SEARCH

MENU NAVIGATION