헬라어 텍스트

Athenaeus, The Deipnosophists, Book 3, book 3, chapter 48

(아테나이오스, The Deipnosophists, Book 3, book 3, chapter 48)

ποδῶν δὲ καὶ ὠτίων, ἔτι δὲ ῥύγχουσ Ἄλεξισ ἐν Κρατείᾳ ἢ Φαρμακοπώλῃ· τὸ δὲ μαρτύριον ὀλίγον ὕστερον ἐκθήσομαι, πολλὰ ἔχον τῶν ζητουμένων ὀνομάτων. Θεόφιλοσ Παγκρατιαστῇ· ἑφθῶν μὲν σχεδὸν τρεῖσ μνᾶσ. β. λέγ’ ἄλλο. α. ῥυγχίον, κωλῆν, πόδασ τέτταρασ ὑείουσ, Β. Ἡράκλεισ. α. βοὸσ δὲ τρεῖσ. Ἀναξίλασ Μαγείροισ· τῶν Αἰσχύλου πολὺ μᾶλλον εἶναί μοι δοκεῖ ἰχθύδι’ ὀπτᾶν. β. τί σὺ λέγεισ; ἰχθύδια; συσσίτιον μέλλεισ νοσηλεύειν. ὅσον ἀκροκώλι’ ἕψειν ῥύγχη, πόδασ. Ἀναξίλασ δ’ ἐν Κίρκῃ· δεινὸν μὲν γὰρ ἔχονθ’ ὑὸσ ῥύγχοσ, ὦ φίλε Κινησία. καὶ ἐν Καλυψοῖ· ῥύγχοσ φορῶν ὑειόν ᾐσθόμην τότε.

’ Ὠτάρια δ’ ὠνόμασε καὶ Ἀναξανδρίδησ ἐν Σατυρίᾳ. ἀξιόνικοσ δὲ ἐν Χαλκιδικῷ φησιν ζωμὸν ποιῶ θερμὸν ἰχθὺν ἐπαναπλάττων, ἡμίβρωτα λείψανα συντιθείσ, οἴνῳ διαίνων, ἔντερ’ ἁλὶ καὶ σιλφίῳ σφενδονῶν, ἀλλᾶντα τέμνων, παραφέρων χορδῆσ τόμον, ῥύγχοσ εἰσ ὄξοσ πιέζων, ὥστε πάντασ ὁμολογεῖν τῶν γάμων κρείττω γεγονέναι τὴν ἑώλον ἡμέραν. Ἀριστοφάνησ Προαγῶνι·

ἐγευσάμην χορδῆσ ὁ δύστηνοσ τέκνων πῶσ ἐσίδω ῥύγχοσ περικεκαυμένον; Φερεκράτησ Λήροισ· ὡσ οὐχὶ τουτὶ ῥύγχοσ ἀτεχνῶσ ἐσθ’ ὑόσ; καὶ τόποσ δέ τισ οὕτω καλεῖται Ῥύγχοσ περὶ Στράτον τῆσ Αἰτωλίασ, ὥσ φησι Πολύβιοσ ἐν σ’ ἱστοριῶν ’ Στησίχορόσ. τέ φησιν ἐν Συοθήραισ· κρύψαι δὲ ῥύγχοσ ἄκρον γᾶσ ὑπένερθεν. ὅτι δὲ κυρίωσ λέγεται ῥύγχοσ ἐπὶ τῶν συῶν προείρηται. ὅτι δὲ καὶ ἐπ’ ἄλλων ζῴων Ἄρχιπποσ Ἀμφιτρύωνι δευτέρῳ κατὰ παιδιὰν εἴρηκε καὶ ἐπὶ τοῦ προσώπου οὕτωσ·

καὶ ταῦτ’ ἔχων τὸ ῥύγχοσ οὑτωσὶ μακρόν, καὶ Ἀραρὼσ Ἀδώνιδι· ὁ γὰρ θεὸσ τὸ ῥύγχοσ ὡσ ἡμᾶσ στρέφει.