Diodorus Siculus, Bibliotheca Historica, book 2, chapter 2 3:

κατεστρέψατο μὲν γὰρ τῆσ παραθαλαττίου καὶ τῆσ συνεχοῦσ χώρασ τήν τε Αἴγυπτον καὶ Φοινίκην, ἔτι δὲ Κοίλην Συρίαν καὶ Κιλικίαν καὶ Παμφυλίαν καὶ Λυκίαν, πρὸσ δὲ ταύταισ τήν τε Καρίαν καὶ Φρυγίαν καὶ Μυσίαν καὶ Λυδίαν, προσηγάγετο δὲ τήν τε Τρῳάδα καὶ τὴν ἐφ’ Ἑλλησπόντῳ Φρυγίαν καὶ Προποντίδα καὶ Βιθυνίαν καὶ Καππαδοκίαν καὶ τὰ κατὰ τὸν Πόντον ἔθνη βάρβαρα κατοικοῦντα μέχρι Τανάιδοσ, ἐκυρίευσε δὲ τῆσ τε Καδουσίων χώρασ καὶ Ταπύρων, ἔτι δ’ Ὑρκανίων καὶ Δραγγῶν, πρὸσ δὲ τούτοισ Δερβίκων καὶ Καρμανίων καὶ Χωρομναίων, ἔτι δὲ Βορκανίων καὶ Παρθυαίων, ἐπῆλθε δὲ καὶ τὴν Περσίδα καὶ τὴν Σουσιανὴν καὶ τὴν καλουμένην Κασπιανήν, εἰσ ἥν εἰσιν εἰσβολαὶ στεναὶ παντελῶσ, διὸ καὶ προσαγορεύονται Κάσπιαι πύλαι.