Diodorus Siculus, Bibliotheca Historica, book 2, chapter 53

(디오도로스 시켈로스, Bibliotheca Historica, book 2, chapter 53)

διὸ καὶ τὸ τῶν ὀρνέων γένοσ πλείστησ θερμασίασ κεκοινωνηκὸσ ἐγένετο διὰ μὲν τὴν κουφότητα πτηνόν, διὰ δὲ τὴν ἀφ’ ἡλίου συνεργίαν ποικίλον, καὶ μάλιστα κατὰ τὰσ προκειμένασ ἡλίῳ χώρασ. ἡ μὲν γὰρ Βαβυλωνία ταώνων ἐκτρέφει πλῆθοσ παντοίαισ χρόαισ ἐπηνθισμένων, αἱ δὲ τῆσ Συρίασ ἐσχατιαὶ ψιττακοὺσ καὶ πορφυρίωνασ καὶ μελεαγρίδασ καὶ ἄλλασ ζῴων ἰδίασ φύσεισ τοῖσ χρώμασι καὶ ποικίλασ συγκρίσεισ.

ὁ δ’ αὐτὸσ λόγοσ καὶ κατὰ τὰσ ἄλλασ χώρασ τῆσ γῆσ τὰσ κατὰ τὴν ὁμοίαν κρᾶσιν κειμένασ, λέγω δ’ Ἰνδικὴν καὶ τὴν Ἐρυθρὰν θάλατταν, ἔτι δὲ Αἰθιοπίαν καί τινα μέρη τῆσ Λιβύησ.

ἀλλὰ τῆσ μὲν πρὸσ ἀνατολὰσ κεκλιμένησ πιοτέρασ οὔσησ εὐγενέστερα καὶ μείζονα φύεται ζῷα·

τῆσ δ’ ἄλλησ ἀεὶ κατὰ τὸν τῆσ ἀρετῆσ λόγον ἕκαστα ταῖσ διαθέσεσι γεννᾶται. ὁμοίωσ δὲ καὶ τῶν δένδρων οἱ φοίνικεσ κατὰ μὲν τὴν Λιβύην αὐχμηροὺσ καὶ μικροὺσ ἐκφέρουσι καρπούσ, τῆσ δὲ Συρίασ κατὰ μὲν τὴν Κοίλην οἱ καρυωτοὶ προσαγορευόμενοι γεννῶνται, διάφοροι κατά τε τὴν γλυκύτητα καὶ τὸ μέγεθοσ, ἔτι δὲ τοὺσ χυμούσ.

τούτων δὲ πολλῷ μείζουσ κατὰ τὴν Ἀραβίαν καὶ τὴν Βαβυλωνίαν ὁρᾶν ἔστι γινομένουσ, κατὰ μὲν τὸ μέγεθοσ ἓξ δακτύλων ὄντασ, τῇ δὲ χρόᾳ τοὺσ μὲν μηλίνουσ, τοὺσ δὲ φοινικοῦσ, ἐνίουσ δὲ πορφυρίζοντασ·

ὥσθ’ ὑπ’ αὐτῶν ἅμα καὶ τὴν ὄψιν τέρπεσθαι καὶ τὴν γεῦσιν ψυχαγωγεῖσθαι. τὰ δὲ στελέχη τῶν φοινίκων τὸ μὲν μῆκοσ ἀέριον ἔχει, τὴν δὲ περιφέρειαν ψιλὴν πανταχόθεν μέχρι τῆσ κορυφῆσ. ἀκρόκομα δ’ ὄντα διαφόρουσ ἔχει τὰσ ἀπὸ τῆσ κόμησ διαθέσεισ·

τὰ μὲν γὰρ πάντῃ τοὺσ ῥάδικασ ἔχει περικεχυμένουσ, καὶ κατὰ μέσον ἔκ τινοσ περιρραγέντοσ φλοιοῦ βοτρυώδη καρπὸν ἀνίησι, τὰ δὲ ἐφ’ ἓν μέροσ ἔχοντα κεκλιμένασ τὰσ ἐπὶ τῆσ κορυφῆσ κόμασ σχηματισμὸν ἀποτελεῖ λαμπάδοσ ἀπαιθυσσομένησ, ἔνια δ’ ἐπ’ ἀμφότερα τὰ μέρη περικλώμενα καὶ διπλῇ τῇ καταθέσει τῶν κλάδων ἀμφίχαιτα γινόμενα γραφικὴν ἀποτελεῖ τὴν πρόσοψιν.

일치하는 문장이 없습니다.

SEARCH

MENU NAVIGATION