Diodorus Siculus, Bibliotheca Historica, book 2, chapter 33

(디오도로스 시켈로스, Bibliotheca Historica, book 2, chapter 33)

ἐπὶ δὲ τούτου συστῆναι μέγαν πόλεμον τοῖσ Μήδοισ πρὸσ Καδουσίουσ διὰ τοιαύτασ αἰτίασ. Παρσώνδην τὸν Πέρσην, θαυμαζόμενον ἐπ’ ἀνδρείᾳ καὶ συνέσει καὶ ταῖσ ἄλλαισ ἀρεταῖσ, φίλον τε ὑπάρξαι τῷ βασιλεῖ καὶ μέγιστον ἰσχῦσαι τῶν μετεχόντων τοῦ βασιλικοῦ συνεδρίου. τοῦτον δ’ ὑπὸ τοῦ βασιλέωσ ἔν τινι κρίσει λυπηθέντα φυγεῖν μετὰ πεζῶν μὲν τρισχιλίων, ἱππέων δὲ χιλίων εἰσ Καδουσίουσ, παρ’ οἷσ ἦν ἐκδεδομένοσ τὴν ἰδίαν ἀδελφὴν τῷ μάλιστα δυναστεύοντι κατὰ τούτουσ τοὺσ τόπουσ.

γενόμενον δ’ ἀποστάτην καὶ πείσαντα τὸ σύμπαν ἔθνοσ ἀντέχεσθαι τῆσ ἐλευθερίασ, αἱρεθῆναι στρατηγὸν διὰ τὴν ἀνδρείαν.

ἔπειτα πυνθανόμενον ἀθροιζομένην ἐπ’ αὐτὸν μεγάλην δύναμιν, καθοπλίσαι τοὺσ Καδουσίουσ πανδημεί, καὶ καταστρατοπεδεῦσαι πρὸσ ταῖσ εἰσ τὴν χώραν εἰσβολαῖσ ἔχοντα τοὺσ σύμπαντασ οὐκ ἐλάττουσ εἴκοσι μυριάδων. τοῦ δὲ βασιλέωσ Ἀρταίου στρατεύσαντοσ ἐπ’ αὐτὸν μυριάσιν ὀγδοήκοντα μάχῃ κρατῆσαι καὶ πλείουσ μὲν τῶν πεντακισμυρίων ἀνελεῖν, τὴν δ’ ἄλλην δύναμιν ἐκβαλεῖν ἐκ τῆσ Καδουσίων χώρασ.

διὸ καὶ παρὰ τοῖσ ἐγχωρίοισ θαυμαζόμενον αἱρεθῆναί τε βασιλέα καὶ τὴν Μηδίαν συνεχῶσ λεηλατεῖν καὶ πάντα τόπον καταφθείρειν. μεγάλησ δὲ δόξησ τυχόντα, καὶ γήρᾳ μέλλοντα καταστρέφειν τὸν βίον, ἀρὰν θέσθαι παραστησάμενον τὸν διαδεχόμενον τὴν ἀρχήν, ὅπωσ μηδέποτε διαλύσωνται τὴν ἔχθραν Καδούσιοι πρὸσ Μήδουσ·

εἰ δὲ σύνθοιντο ὁμολογίασ, ἐξώλεισ γενέσθαι τούσ τε ἀπὸ τοῦ γένουσ αὐτοῦ καὶ Καδουσίουσ ἅπαντασ. διὰ δὴ ταύτασ τὰσ αἰτίασ ἀεὶ πολεμικῶσ ἐσχηκέναι Καδουσίουσ πρὸσ Μήδουσ, καὶ μηδέποτε τοῖσ τούτων βασιλεῦσιν ὑπηκόουσ γεγονέναι, μέχρι οὗ Κῦροσ εἰσ Πέρσασ μετέστησε τὴν ἡγεμονίαν.

일치하는 문장이 없습니다.

SEARCH

MENU NAVIGATION