헬라어 문장 검색 - Διοδορ́Βιβλιοτ́2́59́

(디오도로스 시켈로스, Bibliotheca Historica, book 2, chapter 58)

γυναῖκασ δὲ μὴ γαμεῖν, ἀλλὰ κοινὰσ ἔχειν, καὶ τοὺσ γεννηθέντασ παῖδασ ὡσ κοινοὺσ τρέφοντασ ἐπ’ ἴσησ ἀγαπᾶν· νηπίων δ’ ὄντων αὐτῶν πολλάκισ τὰσ τρεφούσασ διαλλάττειν τὰ βρέφη, ὅπωσ μηδ’ αἱ μητέρεσ ἐπιγινώσκωσι τοὺσ ἰδίουσ. διόπερ μηδεμιᾶσ παρ’ αὐτοῖσ γινομένησ φιλοτιμίασ ἀστασιάστουσ καὶ τὴν ὁμόνοιαν περὶ πλείστου ποιουμένουσ διατελεῖν. εἶναι δὲ παρ’ αὐτοῖσ καὶ ζῷα, μικρὰ μὲν τοῖσ μεγέθεσι, παράδοξα δὲ τῇ φύσει τοῦ σώματοσ καὶ τῇ δυνάμει τοῦ αἵματοσ·

εἶναι γὰρ αὐτὰ τῷ σχήματι στρογγύλα καὶ παρεμφερέστατα ταῖσ χελώναισ, τὴν δ’ ἐπιφάνειαν δυσὶ γραμμαῖσ μηλίναισ κεχιασμένα, ἐφ’ ἑκάστησ δὲ ἄκρασ ἔχειν ὀφθαλμὸν καὶ στόμα· διὸ καὶ τέτταρσιν ὄμμασι βλέποντα καὶ τοῖσ ἴσοισ στόμασι χρώμενα εἰσ ἕνα φάρυγα συνάγειν τὰ σιτία, καὶ διὰ τούτου καταπινομένησ τῆσ τροφῆσ εἰσ μίαν κοιλίαν συρρεῖν ἅπαντα·

ὁμοίωσ δὲ τὰ σπλάγχνα καὶ τἄλλα τὰ ἐντὸσ πάντα ἔχειν μοναχά. πόδασ δὲ ὑποκεῖσθαι κύκλῳ τῆσ περιφερείασ πολλούσ, δι’ ὧν δύνασθαι πορεύεσθαι πρὸσ ὃ ἂν μέροσ βούληται. τὸ δ’ αἷμα τούτου τοῦ ζῴου θαυμάσιον ἔχειν δύναμιν·

πᾶν γὰρ τὸ διατμηθὲν ἔμπνουν σῶμα κολλᾶν παραχρῆμα, κἂν ἀποκοπεῖσα χεὶρ ἢ ὅμοιον εἰπεῖν τύχῃ, δι’ αὐτοῦ κολλᾶσθαι προσφάτου τῆσ τομῆσ οὔσησ, καὶ τἄλλα δὲ μέρη τοῦ σώματοσ, ὅσα μὴ κυρίοισ τόποισ καὶ συνέχουσι τὸ ζῆν κατέχεται. ἕκαστον δὲ τῶν συστημάτων τρέφειν ὄρνεον εὐμέγεθεσ ἰδιάζον τῇ φύσει, καὶ διὰ τούτου πειράζεται τὰ νήπια τῶν βρεφῶν ποίασ τινὰσ ἔχει τὰσ τῆσ ψυχῆσ διαθέσεισ·

ἀναλαμβάνουσι γὰρ αὐτὰ ἐπὶ τὰ ζῷα, καὶ τούτων πετομένων τὰ μὲν τὴν διὰ τοῦ ἀέροσ φορὰν ὑπομένοντα τρέφουσι, τὰ δὲ περιναύτια γινόμενα καὶ θάμβουσ πληρούμενα ῥίπτουσιν, ὡσ οὔτε πολυχρόνια καθεστῶτα οὔτε τοῖσ ἄλλοισ τοῖσ τῆσ ψυχῆσ λήμασιν ἀξιόλογα. ἑκάστου δὲ συστήματοσ ὁ πρεσβύτεροσ ἀεὶ τὴν ἡγεμονίαν ἔχει, καθάπερ τισ βασιλεύσ, καὶ τούτῳ πάντεσ πείθονται·

ὅταν δ’ ὁ πρῶτοσ τελέσασ τὰ ἑκατὸν καὶ πεντήκοντα ἔτη κατὰ τὸν νόμον ἀπαλλάξῃ ἑαυτὸν τοῦ ζῆν, ὁ μετὰ τοῦτον πρεσβύτατοσ διαδέχεται τὴν ἡγεμονίαν. ἡ δὲ περὶ τὴν νῆσον θάλαττα, ῥοώδησ οὖσα καὶ μεγάλασ ἀμπώτεισ καὶ πλημύρασ ποιουμένη, γλυκεῖα τὴν γεῦσιν καθέστηκε.

τῶν δὲ παρ’ ἡμῖν ἄστρων τὰσ ἄρκτουσ καὶ πολλὰ καθόλου μὴ φαίνεσθαι. ἑπτὰ δ’ ἦσαν αὗται νῆσοι παραπλήσιαι μὲν τοῖσ μεγέθεσι, σύμμετρον δ’ ἀλλήλων διεστηκυῖαι, πᾶσαι δὲ τοῖσ αὐτοῖσ ἔθεσι καὶ νόμοισ χρώμεναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 58

(디오도로스 시켈로스, Bibliotheca Historica, book 2, chapter 58)

상위

목록

SEARCH

MENU NAVIGATION