헬라어 문장 검색 - Διοδορ́Βιβλιοτ́2́05́

(디오도로스 시켈로스, Bibliotheca Historica, book 2, chapter 4)

ἐπεὶ δὲ μετὰ τὴν κτίσιν ταύτην ὁ Νίνοσ ἐστράτευσεν ἐπὶ τὴν Βακτριανήν, ἐν ᾗ Σεμίραμιν ἔγημε τὴν ἐπιφανεστάτην ἁπασῶν τῶν γυναικῶν ὧν παρειλήφαμεν, ἀναγκαῖόν ἐστι περὶ αὐτῆσ προειπεῖν πῶσ ἐκ ταπεινῆσ τύχησ εἰσ τηλικαύτην προήχθη δόξαν. κατὰ τὴν Συρίαν τοίνυν ἔστι πόλισ Ἀσκάλων, καὶ ταύτησ οὐκ ἄπωθεν λίμνη μεγάλη καὶ βαθεῖα πλήρησ ἰχθύων.

παρὰ δὲ ταύτην ὑπάρχει τέμενοσ θεᾶσ ἐπιφανοῦσ, ἣν ὀνομάζουσιν οἱ Σύροι Δερκετοῦν· αὕτη δὲ τὸ μὲν πρόσωπον ἔχει γυναικόσ, τὸ δ’ ἄλλο σῶμα πᾶν ἰχθύοσ διά τινασ τοιαύτασ αἰτίασ. μυθολογοῦσιν οἱ λογιώτατοι τῶν ἐγχωρίων τὴν Ἀφροδίτην προσκόψασαν τῇ προειρημένῃ θεᾷ δεινὸν ἐμβαλεῖν ἔρωτα νεανίσκου τινὸσ τῶν θυόντων οὐκ ἀειδοῦσ·

τὴν δὲ Δερκετοῦν μιγεῖσαν τῷ Σύρῳ γεννῆσαι μὲν θυγατέρα, καταισχυνθεῖσαν δ’ ἐπὶ τοῖσ ἡμαρτημένοισ τὸν μὲν νεανίσκον ἀφανίσαι, τὸ δὲ παιδίον εἴσ τινασ ἐρήμουσ καὶ πετρώδεισ τόπουσ ἐκθεῖναι· ἑαυτὴν δὲ διὰ τὴν αἰσχύνην καὶ λύπην ῥίψασαν εἰσ τὴν λίμνην μετασχηματισθῆναι τὸν τοῦ σώματοσ τύπον εἰσ ἰχθῦν· διὸ καὶ τοὺσ Σύρουσ μέχρι τοῦ νῦν ἀπέχεσθαι τούτου τοῦ ζῴου καὶ τιμᾶν τοὺσ ἰχθῦσ ὡσ θεούσ. περὶ δὲ τὸν τόπον ὅπου τὸ βρέφοσ ἐξετέθη πλήθουσ περιστερῶν ἐννεοττεύοντοσ παραδόξωσ καὶ δαιμονίωσ ὑπὸ τούτων τὸ παιδίον διατρέφεσθαι·

τὰσ μὲν γὰρ ταῖσ πτέρυξι περιεχούσασ τὸ σῶμα τοῦ βρέφουσ πανταχόθεν θάλπειν, τὰσ δ’ ἐκ τῶν σύνεγγυσ ἐπαύλεων, ὁπότε τηρήσειαν τούσ τε βουκόλουσ καὶ τοὺσ ἄλλουσ νομεῖσ ἀπόντασ, ἐν τῷ στόματι φερούσασ γάλα διατρέφειν παρασταζούσασ ἀνὰ μέσον τῶν χειλῶν. ἐνιαυσίου δὲ τοῦ παιδίου γενομένου καὶ στερεωτέρασ τροφῆσ προσδεομένου, τὰσ περιστερὰσ ἀποκνιζούσασ ἀπὸ τῶν τυρῶν παρέχεσθαι τροφὴν ἀρκοῦσαν.

τοὺσ δὲ νομεῖσ ἐπανιόντασ καὶ θεωροῦντασ περιβεβρωμένουσ τοὺσ τυροὺσ θαυμάσαι τὸ παράδοξον· παρατηρήσαντασ οὖν καὶ μαθόντασ τὴν αἰτίαν εὑρεῖν τὸ βρέφοσ, διαφέρον τῲ κάλλει. εὐθὺσ οὖν αὐτὸ κομίσαντασ εἰσ τὴν ἔπαυλιν δωρήσασθαι τῷ προεστηκότι τῶν βασιλικῶν κτηνῶν, ὄνομα Σίμμᾳ·

καὶ τοῦτον ἄτεκνον ὄντα τὸ παιδίον τρέφειν ὡσ θυγάτριον μετὰ πάσησ ἐπιμελείασ, ὄνομα θέμενον Σεμίραμιν, ὅπερ ἐστὶ κατὰ τὴν τῶν Σύρων διάλεκτον παρωνομασμένον ἀπὸ τῶν περιστερῶν, ἃσ ἀπ’ ἐκείνων τῶν χρόνων οἱ κατὰ Συρίαν ἅπαντεσ διετέλεσαν ὡσ θεὰσ τιμῶντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 4

(디오도로스 시켈로스, Bibliotheca Historica, book 2, chapter 4)

상위

목록

SEARCH

MENU NAVIGATION