Diodorus Siculus, Bibliotheca Historica, book 2, chapter 49

(디오도로스 시켈로스, Bibliotheca Historica, book 2, chapter 49)

ἡ δ’ ἐχομένη τῆσ ἀνύδρου καὶ ἐρήμου χώρασ Ἀραβία τοσοῦτο διαφέρει ταύτησ ὥστε διὰ τὸ πλῆθοσ τῶν ἐν αὐτῇ φυομένων καρπῶν τε καὶ τῶν ἄλλων ἀγαθῶν εὐδαίμονα Ἀραβίαν προσαγορευθῆναι. κάλαμον μὲν γὰρ καὶ σχοῖνον καὶ τὴν ἄλλην ὕλην τὴν ἀρωματίζουσαν πολλὴν φέρει καὶ καθόλου παντοδαπὰσ φύλλων εὐωδίασ, καὶ τῶν ἀποσταζόντων δακρύων ὀσμαῖσ ποικίλαισ διείληπται·

τήν τε γὰρ σμύρναν καὶ τὸν προσφιλέστατον τοῖσ θεοῖσ εἴσ τε τὴν οἰκουμένην ἅπασαν διαπόμπιμον λιβανωτὸν αἱ ταύτησ ἐσχατιαὶ φέρουσι. τοῦ δὲ κόστου καὶ κασίασ, ἔτι δὲ κιναμώμου καὶ τῶν ἄλλων τῶν τοιούτων χόρτοι καὶ θάμνοι βαθεῖαι τοσαῦται πεφύκασιν ὥστε τὰ παρὰ τοῖσ ἄλλοισ σπανίωσ ἐπὶ βωμοὺσ θεῶν τιθέμενα παρ’ ἐκείνοισ καὶ κλιβάνων ὑπάρχειν ἐκκαύματα, καὶ τὰ παρὰ τοῖσ ἄλλοισ μικρῷ δείγματι ὑπάρχοντα παρ’ ἐκείνοισ στιβάδασ οἰκετικὰσ ἐπὶ τῶν οἰκιῶν παρέχεσθαι.

τό τε καλούμενον κινάμωμον διάφορον χρείαν παρεχόμενον καὶ ῥητίνη καὶ τερέβινθοσ ἄπλατοσ εὐώδησ φύεται περὶ τοὺσ τόπουσ. ἐν δὲ τοῖσ ὄρεσιν οὐ μόνον ἐλάτη καὶ πεύκη φύεται δαψιλήσ, ἀλλὰ καὶ κέδροσ καὶ ἄρκευθοσ ἄπλατοσ καὶ τὸ καλούμενον βόρατον.

πολλαὶ δὲ καὶ ἄλλαι φύσεισ εὐώδεισ καρποφοροῦσαι τὰσ ἀπορροίασ καὶ προσπνεύσεισ ἔχουσι τοῖσ ἐγγίσασι προσηνεστάτασ. καὶ γὰρ αὐτὸ τὸ τῆσ γῆσ ἔχει τι φυσικὸν ἔνατμον καὶ θυμιάμασιν ἡδέσιν ἐοικόσ. διὸ καὶ κατά τινασ τόπουσ τῆσ Ἀραβίασ ὀρυττομένησ τῆσ γῆσ εὑρίσκονται φλέβεσ εὐώδεισ, ὧν μεταλλευομένων ἐξαίσιοι τὸ μέγεθοσ λατομίαι γίνονται·

ἐκ δὲ τούτων τὰσ οἰκίασ συλλέγοντεσ κατασκευάζουσιν, αἷσ ὅταν ἐκ τοῦ περιέχοντοσ προσπέσωσι ψεκάδεσ, τὸ διατηκόμενον ὑπὸ τῆσ ἰκμάδοσ δυρρεῖ εἰσ τὰσ ἁρμογὰσ τῶν λίθων, καὶ πηγνύμενον συμφυεῖσ ἀπεργάζεται τοίχουσ.

일치하는 문장이 없습니다.

SEARCH

MENU NAVIGATION