Diodorus Siculus, Bibliotheca Historica, book 2, chapter 57

(디오도로스 시켈로스, Bibliotheca Historica, book 2, chapter 57)

βιοῦν δ’ αὐτοὺσ κατὰ συγγενείασ καὶ συστήματα, συνηγμένων τῶν οἰκείων οὐ πλειόνων ἢ τετρακοσίων· τούτουσ δ’ ἐν τοῖσ λειμῶσι διαζῆν, πολλὰ τῆσ χώρασ ἐχούσησ πρὸσ διατροφήν· διὰ γὰρ τὴν ἀρετὴν τῆσ νήσου καὶ τὴν εὐκρασίαν τοῦ ἀέροσ γεννᾶσθαι τροφὰσ αὐτομάτουσ πλείουσ τῶν ἱκανῶν. φύεσθαι γὰρ παρ’ αὐτοῖσ κάλαμον πολύν, φέροντα καρπὸν δαψιλῆ, παρεμφερῆ τοῖσ λευκοῖσ ὀρόβοισ.

τοῦτον οὖν συναγαγόντεσ βρέχουσιν ἐν ὕδατι θερμῷ, μέχρι ἂν τὸ μέγεθοσ σχῶσιν ὡσ ᾠοῦ περιστερᾶσ· ἔπειτα συνθλάσαντεσ καὶ τρίψαντεσ ἐμπείρωσ ταῖσ χερσὶ διαπλάττουσιν ἄρτουσ, οὓσ ὀπτήσαντεσ σιτοῦνται διαφόρουσ ὄντασ τῇ γλυκύτητι. εἶναι δὲ καὶ πηγὰσ ὑδάτων δαψιλεῖσ, τὰσ μὲν θερμῶν εἰσ λουτρὰ καὶ κόπων ἀφαίρεσιν εὐθέτουσ, τὰσ δὲ ψυχρῶν τῇ γλυκύτητι διαφόρουσ καὶ πρὸσ ὑγίειαν συνεργεῖν δυναμένασ.

ὑπάρχειν δὲ παρ’ αὐτοῖσ καὶ παιδείασ πάσησ ἐπιμέλειαν, μάλιστα δὲ ἀστρολογίασ· γράμμασί τε αὐτοὺσ χρῆσθαι κατὰ μὲν τὴν δύναμιν τῶν σημαινόντων εἴκοσι καὶ ὀκτὼ τὸν ἀριθμόν, κατὰ δὲ τοὺσ χαρακτῆρασ ἑπτά, ὧν ἕκαστον τετραχῶσ μετασχηματίζεσθαι.

γράφουσι δὲ τοὺσ στίχουσ οὐκ εἰσ τὸ πλάγιον ἐκτείνοντεσ, ὥσπερ ἡμεῖσ, ἀλλ’ ἄνωθεν κάτω καταγράφοντεσ εἰσ ὀρθόν. πολυχρονίουσ δ’ εἶναι τοὺσ ἀνθρώπουσ καθ’ ὑπερβολήν, ὡσ ἂν ἄχρι τῶν πεντήκοντα καὶ ἑκατὸν ἐτῶν ζῶντασ καὶ γινομένουσ ἀνόσουσ κατὰ τὸ πλεῖστον. τὸν δὲ πηρωθέντα ἢ καθόλου τι ἐλάττωμα ἔχοντα ἐν τῷ σώματι μεθιστάνειν ἑαυτὸν ἐκ τοῦ ζῆν ἀναγκάζουσι κατά τινα νόμον ἀπότομον.

νόμιμον δ’ αὐτοῖσ ἐστι ζῆν ἄχρι ἐτῶν ὡρισμένων, καὶ τὸν χρόνον τοῦτον ἐκπληρώσαντασ ἑκουσίωσ μεταλλάττειν ἐξηλλαγμένῳ θανάτῳ· φύεσθαι γὰρ παρ’ αὐτοῖσ ἰδιοφυῆ βοτάνην, ἐφ’ ἧσ ὅταν τισ κοιμηθῇ, λεληθότωσ καὶ προσηνῶσ εἰσ ὕπνον κατενεχθεὶσ ἀποθνήσκει.

일치하는 문장이 없습니다.

SEARCH

MENU NAVIGATION