헬라어 문장 검색 - Διοδορ́Βιβλιοτ́2́38́

(디오도로스 시켈로스, Bibliotheca Historica, book 2, chapter 37)

ἔχει δὲ καὶ ποταμοὺσ ἡ χώρα τῶν Ἰνδῶν πολλοὺσ καὶ μεγάλουσ πλωτούσ, οἳ τὰσ πηγὰσ ἔχοντεσ ἐν τοῖσ ὄρεσι τοῖσ πρὸσ τὰσ ἄρκτουσ κεκλιμένοισ φέρονται διὰ τῆσ πεδιάδοσ, ὧν οὐκ ὀλίγοι συμμίσγοντεσ ἀλλήλοισ ἐμβάλλουσιν εἰσ ποταμὸν τὸν ὀνομαζόμενον Γάγγην. οὗτοσ δὲ τὸ πλάτοσ γινόμενοσ σταδίων τριάκοντα φέρεται μὲν ἀπὸ τῆσ ἄρκτου πρὸσ μεσημβρίαν, ἐξερεύγεται δ’ εἰσ τὸν ὠκεανόν, ἀπολαμβάνων εἰσ τὸ πρὸσ ἑώ μέροσ τὸ ἔθνοσ τὸ τῶν Γανδαριδῶν, πλείστουσ ἔχον καὶ μεγίστουσ ἐλέφαντασ.

διὸ καὶ τῆσ χώρασ ταύτησ οὐδεὶσ πώποτε βασιλεὺσ ἔπηλυσ ἐκράτησε, πάντων τῶν ἀλλοεθνῶν φοβουμένων τό τε πλῆθοσ καὶ τὴν ἀλκὴν τῶν θηρίων.

καὶ γὰρ Ἀλέξανδροσ ὁ Μακεδὼν ἁπάσησ τῆσ Ἀσίασ κρατήσασ μόνουσ τοὺσ Γανδαρίδασ οὐκ ἐπολέμησε· καταντήσασ γὰρ ἐπὶ τὸν Γάγγην ποταμὸν μετὰ πάσησ τῆσ δυνάμεωσ, καὶ τοὺσ ἄλλουσ Ἰνδοὺσ καταπολεμήσασ, ὡσ ἐπύθετο τοὺσ Γανδαρίδασ ἔχειν τετρακισχιλίουσ ἐλέφαντασ πολεμικῶσ κεκοσμημένουσ, ἀπέγνω τὴν ἐπ’ αὐτοὺσ στρατείαν. ὁ δὲ παραπλήσιοσ τῷ Γάγγῃ ποταμόσ, προσαγορευόμενοσ δὲ Ἰνδόσ, ἄρχεται μὲν ὁμοίωσ ἀπὸ τῶν ἄρκτων, ἐμβάλλων δὲ εἰσ τὸν ὠκεανὸν ἀφορίζει τὴν Ἰνδικήν·

πολλὴν δὲ διεξιὼν πεδιάδα χώραν δέχεται ποταμοὺσ οὐκ ὀλίγουσ πλωτούσ, ἐπιφανεστάτουσ δ’ Ὕπανιν καὶ Ὑδάσπην καὶ Ἀκεσῖνον. χωρὶσ δὲ τούτων ἄλλο πλῆθοσ ποταμῶν παντοδαπῶν διαρρεῖ καὶ ποιεῖ κατάφυτον πολλοῖσ κηπεύμασι καὶ καρποῖσ παντοδαποῖσ τὴν χώραν.

τοῦ δὲ κατὰ τοὺσ ποταμοὺσ πλήθουσ καὶ τῆσ τῶν ὑδάτων ὑπερβολῆσ αἰτίαν φέρουσιν οἱ παρ’ αὐτοῖσ φιλόσοφοι καὶ φυσικοὶ τοιαύτην· τῆσ Ἰνδικῆσ φασι τὰσ περικειμένασ χώρασ, τήν τε Σκυθῶν καὶ Βακτριανῶν, ἔτι δὲ καὶ τῶν Ἀριανῶν, ὑψηλοτέρασ εἶναι τῆσ Ἰνδικῆσ, ὥστ’ εὐλόγωσ εἰσ τὴν ὑποκειμένην χώραν πανταχόθεν συρρεούσασ τὰσ λιβάδασ ἐκ τοῦ κατ’ ὀλίγον ποιεῖν τοὺσ τόπουσ καθύγρουσ καὶ γεννᾶν ποταμῶν πλῆθοσ.

ἴδιον δέ τι συμβαίνει περί τινα τῶν κατὰ τὴν Ἰνδικὴν ποταμῶν τὸν ὀνομαζόμενον Σίλλαν, ῥέοντα δ’ ἔκ τινοσ ὁμωνύμου κρήνησ·

ἐπὶ γὰρ τούτου μόνου τῶν ἁπάντων ποταμῶν οὐδὲν τῶν ἐμβαλλομένων εἰσ αὐτὸν ἐπιπλεῖ, πάντα δ’ εἰσ τὸν βυθὸν καταδύεται παραδόξωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 37

(디오도로스 시켈로스, Bibliotheca Historica, book 2, chapter 37)

상위

목록

SEARCH

MENU NAVIGATION