헬라어 문장 검색 - Διοδορ́Βιβλιοτ́2́13́

(디오도로스 시켈로스, Bibliotheca Historica, book 2, chapter 12)

πολλῶν δὲ καὶ παραδόξων ὄντων θεαμάτων κατὰ τὴν Βαβυλωνίαν οὐχ ἥκιστα θαυμάζεται καὶ τὸ πλῆθοσ τῆσ ἐν αὐτῇ γεννωμένησ ἀσφάλτου· τοσοῦτον γάρ ἐστιν ὥστε μὴ μόνον ταῖσ τοσαύταισ καὶ τηλικαύταισ οἰκοδομίαισ διαρκεῖν, ἀλλὰ καὶ συλλεγόμενον τὸν λαὸν ἐπὶ τὸν τόπον ἀφειδῶσ ἀρύεσθαι καὶ ξηραίνοντα κάειν ἀντὶ ξύλων. ἀναριθμήτων δὲ τὸ πλῆθοσ ἀνθρώπων ἀρυομένων καθάπερ ἔκ τινοσ πηγῆσ μεγάλησ ἀκέραιον διαμένει τὸ πλήρωμα.

ἔστι δὲ καὶ πλησίον τῆσ πηγῆσ ταύτησ ἀνάδοσισ τῷ μὲν μεγέθει βραχεῖα, δύναμιν δὲ θαυμάσιον ἔχουσα. προβάλλει γὰρ ἀτμὸν θειώδη καὶ βαρύν, ᾧ τὸ προσελθὸν ζῷον ἅπαν ἀποθνήσκει, περιπῖπτον ὀξείᾳ καὶ παραδόξῳ τελευτῇ· πνεύματοσ γὰρ κατοχῇ χρόνον ὑπομεῖναν διαφθείρεται, καθάπερ κωλυομένησ τῆσ τοῦ πνεύματοσ ἐκφορᾶσ ὑπὸ τῆσ προσπεσούσησ ταῖσ ἀναπνοαῖσ δυνάμεωσ· εὐθὺσ δὲ διοιδεῖ καὶ πίμπραται τὸ σῶμα, μάλιστα τοὺσ περὶ τὸν πνεύμονα τόπουσ. ἔστι δὲ καὶ πέραν τοῦ ποταμοῦ λίμνη στερεὸν ἔχουσα τὸν περὶ αὑτὴν τύπον, εἰσ ἣν ὅταν τισ ἐμβῇ τῶν ἀπείρων, ὀλίγον μὲν νήχεται χρόνον, προϊὼν δ’ εἰσ τὸ μέσον καθάπερ ὑπό τινοσ βίασ κατασπᾶται·

ἑαυτῷ δὲ βοηθῶν καὶ πάλιν ἀναστρέψαι προαιρούμενοσ ἀντέχεται μὲν τῆσ ἐκβάσεωσ, ἀντισπωμένῳ δ’ ὑπό τινοσ ἐοίκε· καὶ τὸ μὲν πρῶτον ἀπονεκροῦται τοὺσ πόδασ, εἶτα τὰ σκέλη μέχρι τῆσ ὀσφύοσ, τὸ δὲ τελευταῖον ὅλον τὸ σῶμα νάρκῃ κρατηθεὶσ φέρεται πρὸσ βυθόν, καὶ μετ’ ὀλίγον τετελευτηκὼσ ἀναβάλλεται. περὶ μὲν οὖν τῶν ἐν τῇ Βαβυλωνίᾳ θαυμαζομένων ἀρκείτω τὰ ῥηθέντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 12

(디오도로스 시켈로스, Bibliotheca Historica, book 2, chapter 12)

상위

목록

SEARCH

MENU NAVIGATION